OPNIÐ BANKAREIKNING FYRIR KÚGARANA

JÁ, OPNIÐ REIKNING FYRIR KÚGARANA

 

 

Afvegaleiddar raddir hafa heyrst alltof lengi í landinu um Icesave.  Mjóar músaraddir og rakalausar raddir sem ljúga upp á okkur og börnin okkar skuld sem við skuldum ekki.  Og ´rökin´ eru af því bara og af því við erum víst íslensk og íslenskir ríkisborgarar.  En hvað með okkur hin sem erum kannski bara 1/2 íslensk í blóðið, kannski líka 1/2 afgönsk eða dönsk???  Þurfum við líka að borga fyrir kúgun?  Og hvað með okkur, sem erum kannski tvöfaldir ríkisborgarar, -kannski líka bandarískir eða færeyskir, ja, eða hollenskir ríkisborgarar?  Þurfum við líka að borga Icesave?

 

Og svo koma ´rökin´ um hvað við vorum sek og vond og eyddum peningum í hryllilegan munað eins og fjölskyldubíl.  Já, venjulegan fólksbíl svo við yrðum ekki að labba langar leiðir með 7 börn í togi ef við dirfðumst að fara í vinnu.  Og svo við yrðum ekki að eyða 5 tímum á dag í að fara fyrst í strætó með börnin í gæslu og skóla.  Strætó sem ekur inn í öll úthverfi bæjarins með okkur, eftir að við erum löngu frosin í hel við að bíða eftir honum.  Og svo stoppar hann ekki einu sinni þar sem við þurfum að fara út.  Og þá tekur við löng ganga með alla litlu krakkana.  Já, og svo keypti Jói Jóns í næstu götu víst einu sinni skjá sem hann þurfti við vinnuna í skúrnum heima af því hann var sjálfstæður verktaki.  Og af því skjárinn var víst flatur, skuldum við hin öll Icesave.  Icesave-skuld Londonbúans Björgólfs Thors ríka, sem Evrópulöndin rukka okkur fyrir af því hann þarf að nota peningana sína í annað, -í merkilegri hluti en borga skuldir.  Leyfðist honum ekki einu sinni að segja í RUV OKKAR eftir fall bankans HANS, að bankarnir hafi farið á hausinn af því við hin sem byggjum þetta land, eyddum peningum í flatskjái???  Eða var það kannski einn hinna?

 

Ja-há, það eru stórmerkileg ´rökin´ fyrir Icesave ´skuldinni okkar´.   Og hvaða heilastöðvar nota þeir menn og þær konur, sem vilja endilega borga fjárkúgun handrukkara???  Geta þau ekki borgað Icesave sjálf og haldið okkur hinum utan við vitleysuna ÞEIRRA?  Já, geta þau ekki bara opnað bankareikning fyrir kúgarana og skrifað undir loforð um að helmingur tekna þeirra muni fara inn í bankann fyrir Icesave?  Icesave kemur okkur hinum ekkert við.  Og ég mæli fastlega með Landsbankanum.  Já, það ættu Icesave-liðarnir og Icesave-sinnarnir að gera.  Vegna þess að við hin erum mennsk og ekki fífl og höfum sjálfsvirðingu.  Og við ætlum ekki að borga neitt Icesave.  Ætlum alveg örugglega ekki að borga neitt Icesave.  ALDREI.  Alveg sama hvað við erum ólöglega sköttuð af Icesave-stjórninni.  Og alveg sama hvað við erum kúguð og pínd af AGS og Evrópu-veldunum.  Nei, og aftur nei.  Við látum ekki fara svona með okkur. 

 

SETTING AN EXAMPLE!!  ICELAND REFUSES TO PAY!!!!!!!!!!!!!!!!!!!! 

 

Athugasemdir

[Helga Kristjánsdóttir, 15.2.2010 kl. 01:10]

Stjórnin er að bralla,hefur séð sitt óvænna,eftir árs baráttu stjórnarandstöðu.-- Nú skal semja,einu sinni enn.-- Hvað svo? Ætlar stjórnin að blása þjóðaratkvæðagreiðsluna af?        Mikið skal leggja á sig til að koma þjóðinni undir erlend yfirráð.   Það má ekki takast.    Kúgararnir væru löngu búnir að gefast upp,ef þeir ættu ekki þessa ,,stjórn að,,   sem ætti að vera okkar skjöldur.

[Elle_, 15.2.2010 kl. 07:57]

Þakka þér fyrrir, Helga, og þetta er allt satt hjá þér.  Það er til skammar og bara ömurlegt að þessi Icesave-stjórn eða Icesave-kommúnista-stjórn, skuli ekki vinna fyrir fyrir þjóðina, heldur gegn henni og fyrir erlenda kúgara.  Kannski halda þau sig vera að vinna fyrir okkur og ættu í alvöru að fara frá völdum og fara í felur og leita hjálpar, svo mikil er þeirra skömm og veila.  

[Ómar Geirsson, 15.2.2010 kl. 17:36]

Blessuð Elle, þrumubloggari.

Var að stela smá bút frá þér, vona að þér sé sama.

Og ekki gleyma að IcEsave er runnið undan æðstuprestum í hámusteri græðginnar.  Og það eru varðliðar þeirra sem fara með öll völd, þó bjánarnir sem aðstoða þá eiga sér einhverja bleika fortíð, þá ráða bjánar aldrei neinu.

Stalín er hins vegar dauður, þó andi hans svífi ennþá um í  draumheimi íslenskra stóriðjusinna.

Bara að minna þig á þetta svo þú gleymir ekki ætt og upprunna þeirra þursa sem mansandinn þarf að bylta á næstu árum.  Byltingaherinn verður svo þunnskipaður ef menn kljást alltaf við drauga fortíðar í stað þeirra þrusa sem ennþá lifa.  Og það eru lifandi þursar sem drepa fólk, ekki dauðir.

Lengi lifi bylting fólksins.

Og nú þarf ég að fara að stríða henni Eiglu á mínu bloggi.

Bið að heilsa ykkur 100% fólkinu.

Kveðja, Ómar.

[Elle_, 15.2.2010 kl. 19:27]

Já, þakka þér fyrir, Ómar.  Og ég lofa að muna hverjir gömlu skúrkarnir og sökudólgarnir voru, -gæti ekki gleymt þeim þó ég vildi.  Og við þökkum kveðjuna, Ómar.  Ertu ekki annars einn af 100% mönnunum???  Og já, steldu nú öllu steini léttara!  Og þó þyngra væri!  Nóg af pistlum hef ég nú víst stolið frá ykkur og eru hafðir í heiðri hér til hægri hliðar.  Undir STOLIÐ.

[Ómar Geirsson, 16.2.2010 kl. 15:37]

Blessuð Elle.

Núna ert þú að stríða mér.  Þú veist það ofurvel að ég hef engan áhuga á sökudólgum fortíðar, ekki nema til að hindra sekt þeirra í framtíðinni.  Ég var aðeins að minna á frá hverjum núverandi illska kemur, við megum aldrei gleyma að á meðan AGS ræður för, þá skiptir ekki máli hverjir stjórna, á meðan þeir eru undir oki sjóðsins.  

Af hverju skiptir það máli að gera sér grein fyrir þessari staðreynd??

Nú, annars sigrum við ekki.  Og er ekki sigur okkar markmið????

Hinn möguleikinn er þetta flokkspólitíska argaþras sem aðeins gagnast óvinum okkar.  Og hvað þarf margt hræðilegt að gerast til þess að við sýnum þann þroska að láta ekki flokkspólitík eyðileggja framtíð okkar.

Kommar, íhald, kratar, frammarar, andófið, ekkert af þessu skiptir máli á meðan óvinurinn er utanaðkomandi.  En eitt af hans bellibrögðum er að telja okkur í trú um að það sé við innlenda andstæðinga að etja.  Það hafa allir eitthvað á samviskunni, en við gerum hana upp seinna.  Þá vonandi sem vinir, því þeir sem standa saman gegn illvígum andstæðingi, og hafa sigur, þeir átta sig oft á því að það er meira sem sameinar, en skilur að.

Og hana nú.

En ég er ekki 100%, nær varla að vera 10%.  Þess vegna er ég skæruliði, ekki beinn þáttakandi í baráttunni.  Annars væri ég löngu kominn suður til að móta baráttusamtök gegn illþýðunum.  En stuðningur andans er 100% og rúmlega það.

Kveðja, Ómar.

[Elle_, 16.2.2010 kl. 19:03]

Já, Ómar, ég misskildi þig.  Nú eru þau á fullu að semja og semja um hvað???  Já, semja um fjárkúgun.  Hvað lætur þau enn halda að þau hafi vald til að semja gegn lögum, sem þó hafa verið ítarlega skýrð af færustu og lærðustu lögmönnum?  Manni fallast nánast hendur og verður orða vant.  Það gerist ekki andstyggilegra og vitlausara en semja um fjárkúgun.