STÖÐVUN FLUGS FORSETANUM AÐ KENNA.

STÖÐVUN FLUGS Í EVRÓPU

ÍSLENDINGUM AÐ KENNA:

 

 

Ríkisstjórnir Bretlands og Hollands munu væntanlega fara fram á mikilfenglega sköttun gegn íslenskum almenningi fyrir stöðvun flugs í Evrópu af völdum eldgossins í Eyjafjallajökli.  Eldgosið kom jú úr íslenskri grundu og miðað við fyrri hegðun þeirra í Icesave, mun eldgosið líka vera okkur að kenna.  Eins og í Icesave, voru jú Íslendingar þarna nærri og þ. a. l. hlýtur það að lenda á okkur að borga skaðabætur fyrir þau 100 þúsund flug sem stöðvuðust í Evrópu vegna eldgossins.  Við hefðum getað vitað að aska og sót úr okkar jörð mundu dreifast með okkar vindum um gjörvalla Evrópu og valda tjóni.  Nú munu bresk og hollensk stjórnvöld kannski klaga okkur til AGS og Evrópubandalagsins og kannski líka Nato og Sameinuðu Þjóðanna fyrir að dreifa sóti og ösku um alla jörðina.  Og heimta minnst 1000 milljarða í sótskaðabætur.  Og íslenska Stockholms Syndrome stjórnin mun fallast á allar kröfurnar hljóðalaust sem fyrr.  Enda var skaðinn líka mest forsetanum okkar að kenna, því samkvæmt Icesave-stjórn Jóhönnu og Steingríms og stjórnarflokkavitringum eins og Birni Val, Magnúsi Orra og Ólinu, sem nú hefna sín á forsetanum af fullum þunga fyrir að synja Icesave, olli forsetinn landinu skaða fyrir að þegja ekki um hættuna.  Og samkvæmt öðrum hollustumönnum Icsesave-stjórnarinnar eins og Eiði Svanberg Guðnasyni, HÓTAÐI forsetinn eldgosi.  Rosalega væri fróðlegt annars að fá að vita hvernig maður hótar eldgosi. 

Politics this week:

Apr 22nd 2010
From The Economist print edition

Aircraft returned to the skies over Europe after the cancellation of almost 100,000 flights and the biggest-ever disruption to Europe’s commercial airspace, caused by a volcanic eruption in Iceland.

CANCELLATION OF ALMOST 100,000 FLIGHTS: THE ECONOMIST.

Athugasemdir

[Ómar Geirsson, 27.4.2010 kl. 19:26]

Blessuð Elle.

Þetta er dálítið skondið, ég hafði einmitt hugsað svona tilbúið dæmi síðastliðið sumar, þar sem Evrópusambandið gerði aðildarríki ábyrg fyrir mengunarvörnum, og síðan væru þar reglur sem kvæðu á um hámark til dæmis flúors og brennisteins.  

Ekkert væri minnst á eldgos.  

Og þegar yrði eldgos á Íslandi, þá væri losun okkar umfram heimild, og þar sem ekkert er minnst á kerfishrun eldfjalla, þá værum við ábyrg fyrir hreinsun ösku um alla Evrópu.  

Sambærilegt dæmi, en kannski dálítið absúrd, þess vegna kaus ég að geyma það þar til ég lenti í rökræðu af þessum toga, sem varð ekki.

En árásirnar á forsetann eru ennþá absúrdari, orð hans eru talin það máttug að hann hafi áhrif á dómgreind fólks um hvort það taki áhættuna á öskuflugi eður ei.  

Og eins og þú bendir réttilega á, þá er þetta sama fólkið og telur að fyrst ekki er minnst á kerfishrun í reglum ESB, þá hljótum við að vera ábyrg.  

En tókstu eftir fréttinni um að ESB heimilar ríkisstyrk til flugfélaga.  Hvar ætli mismunarreglan komi þar inní ????

Kannski Ólína viti svarið við því.

Kveðja að austan. 

[Elle_, 27.4.2010 kl. 21:17]

Nei, blessaður Ómar.  Góður punktur með ösku-þrifin, mér datt það ekki í hug.  Ja-há, við munum sko líka fá að fara hlekkjuð í þrælabúningunum um gjörvalla Evrópu með Ajax, fægiskúffur og kústa og YOU NAME IT.   Og í varðskipunum sem Icesave-stjórnin ætlar að gefa bresku ríkisstjórninni afnot af jafnóðum og Jóhanna fær póstkortið frá Alla og Godda með flottri mynd af EU fánanum.  Sniðugt að þú skyldir hafa hugsað þetta fyrir löngu með eldfjöllin og öskuna, Ómar.   Hvað næst?? 

[Ómar Geirsson, 27.4.2010 kl. 21:41]

Blessuð Elle.

Það er nú meinið, sé ekkert næst.

Óttast aðeins það sem er að gerast á bak við tjöldin.  Tel alla flokka sammála um einhvers konar ICEsave samning, annars væri einhver flokkurinn búinn að leggja fram þingsályktunartillögu um að vísa deilunni til  ESA, til að fá úr skorið um lagalegar forsendur krafna breta og Hollendinga.    Ríkisstjórnin gæti ekki staðið í vegi fyrir því.

Hélt að þetta myndi gerast eftir að FT sagði kröfuna "not legal", en það gerðist bara ekki neitt.

Og þar sem andstaðan er ekki fjöldahreyfing, þá er ekkert næst í kristalkúlu minni. 

En Arinbjörn átti flott blogg í gær, hann á kannski svarið

Kveðja, Ómar.

[Elle_, 27.4.2010 kl. 23:02]

Já, Ómar, ég hélt nú sjálf að þau þarna í ríkisstjórn Breta og Hollendinga í Alþingi, sæu sig nú kannski nauðbeygð að fara að standa með íslenskum almúga, eftir að allir lærðu fjölmiðlamennirnir og útlendingarnir skýrðu lögleysuna opinberlega fyrir heiminum.  Nei, þau eru víst ekki mennsk og kunna ekki að skammast sín fyrir lygarnar og ofbeldið.   Ljúga upp á okkur sekt og skuldum eins og þeim sé mútað fyrir.  Og skal engan undra að mútur finnist eftir næsta bindi rannsóknarinnar: Um Icesave-nauðungarferlið EFTIR fall bankanna.   Og góða nótt úr eymdinni og Suðurlandsspillingunni. 

[Elle_, 27.4.2010 kl. 23:03]

Og vissulega meina ég lærðu ÚTLENDU fjölmiðlamennina.  Ekki úr ríkisstjórnarmiðlum Íslands. 

[Árni Gunnarsson, 28.4.2010 kl. 13:37]

Elle og þið bæði. Það var full þörf að benda á þetta og það ber að sjálfsögðu að draga af því einhverjar ályktanir. Ég hef aldrei haft aðra skoðun á þessari Icesave kröfu en þá að ég vil ekki borga skuldir sem ekki var stofnað til í nafni þjóðarinnar.

Það er deilt um réttmæti en mig brestur þekkingu til að blanda  mér í umræðu um þjóðréttarlegar lagaflækjur. Og í þessu sem mörgu öðru er lítið á fræðingum að græða þegar fullyrðing stendur gegn fullyrðingu.

Það sem þú bendir á Ómar er umhugsunarefni. Þetta er deilumál milli stjórnar og stjórnarandstöðu en þegar upp er staðið treystir stjórnarandstaðan sér ekki til að hafna kröfunni.

Þannig að ég mun halda áfram að undrast allt ferli þessa máls þar sem deilt er um kröfu og þvíngunum beitt af hálfu kröfuhafanna. Þannig verður þessi samningur aldrei annað en þvíngaður samningur og ESB jafnt og Norðurlönd og AGS eiga þar óskilinn hlut. Þetta hugnast mér ekki og því mun ég halda áfram að andmæla.

[Elle_, 28.4.2010 kl. 17:00]

Já, takk Árni.  Nei, stjórnarandstaðan hefur ekki staðið sig sem skyldi, alls ekki og ég held því fram fullum fetum.  Stjórnarandstaðan hefði vel getað krafist þess að málinu yrði vísað frá eða að það færi fyrir dóm.  Eða lýst yfir vantrausti á Icesave-stjórnina.  Þó hafa þau ekki gert neitt af þessu.  Og enn situr Icesave-stjórnin sem fastast og viðheldur ofbeldinu.

[Jón Valur Jensson, 30.4.2010 kl. 02:57]

Skemmtilega snjall og snarpur pistill hjá þér, Elle!

Og góðar eru umræðurnar, sem þú svarar viturlega.

Lifðu heil – ekki hálf-veðsett í þágu erlendra ríkissjóða.

[Elle_, 30.4.2010 kl. 12:28]

Blessaður og sæll, Jón.  Já, ég mun lifa heil, vertu viss um það.  Og enn heilli eftir að landsmenn hafa ýtti ólýðræðislegu ríkisstjórninni, ef ríkisstjórn skyldi kalla, Icesave-stjórninni, endanlega burt frá völdum.  Og þau muni helst fá sinn dóm.  Við munum aldrei borga Icesave.