ÖSSUR.

 

 

 

 

 

 

 

 

 

 

 

 

ÖSSUR SKARPHÉÐINSSON. 

Einu sinni hafði ég þó nokkra trú á Össuri Skarphéðinssyni sem stjórnmálamanni.  En þá vissi ég ekki að hann ætti eftir að verða einn stórfelldasti óvinur okkar í fullveldismálum.  Hann hefur farið langt úr veginum í blekkingum og misbeitingu valds og mílur út fyrir sitt valdsvið við að þröngva okkur inni í miðstýringarbáknið ´European Union´ og gegn vilja stærri hluta þjóðarinnar.  Og ef við bætum við ICESAVE kúgunarsamningnum sem hann líka ætlaði okkur, lítur það illa út fyrir Össur og hans meðstjórnendur.

Hann og hans flokkur og stjórn eyða peningum úr ríkissjóði eins og við séum moldrík, ekki eins og um galtóman og skuldugan ríkiskassa sé að ræða.  Mætti halda að skattpeningar okkar væru rennandi vatn.

Núna er hann samt að fara hárrétta leið í samskiptum við Palestínu.  Við getum ekki horft þegjandi upp á kúgun og ofbeldi Ísrael gegn Palestínu.  Ísrael ætti að draga fyrir alþjóðadómstól fyrir glæpi gegn mannkyni og fyrst og síðast þvinga hrottaher Ísrael burt úr löglegu landi og lögsögu Palestínu.  Loks verður að taka stolið landið af þeim með góðu eða illu.

http://www.ruv.is/frett/palestinumenn-myndi-thjodstjorn

http://www.ruv.is/frett/island-og-palestina-gera-samkomulag

E.S.: Og bæti þessu við: http://www.ruv.is/flokkar/innlendar-frettir

 

Athugasemdir

[Vendetta, 8.7.2011 kl. 21:09]

Andstaða Össurar gegn ísraelska hernum vegur þó ekki upp á móti landráðatilburðum hans. Þótt hann mótmæli hástöfum fyrir hönd Palestínu, þá megum við ekki gleyma svikum hans gegn íslenzku þjóðinni.

[Elle_, 8.7.2011 kl. 22:30]

Nei, ég er sammála að andstaða hans við ísraelska herinn vegur ekki upp í móti landsölufyrirætlunum hans, Vendetta.  Og við gleymum ekki neinu en ég vildi samt að þetta kæmi fram. 

[Helga Kristjánsdóttir, 8.7.2011 kl. 22:56]

   Hvað er að ykkur! Hverjir hafa ofsótt Israel frá því þeir stofnuðu sitt ríki. Þeir hafa alltaf átt þarna heima,þeir breyttu fúa mýri í gróðurland þá á að reka þá til sjávar. Margar fréttir um ofbeldi Ísrael eru falsaðar. Hverjir murkuðu lífið úr saklausum íþróttamönnum á Ólympíumóti í Þýskalandi? Síðan flugránin. Elle! Ég ætla að róa mig. Það ríkir friður milli hinna almennu borgara Ísraela og Palestínumanna. Palenstína sem ríki hefur aldrei verið til. Í stríði verða alltaf hörmulegir atburðir. Það eru öfgamenn sem ráða ferðinni. Þeir hafa alltaf kynnt undir ófriði. Hamas og hvað þeir nú heita. Israel á rétt á því að verja sig. Yfirlíst stefna andstæðinga þeirra er að þurrka þau út. Hvað mundum við gera,varla hægt að ala úr þeim villimennskuna,að nota börnin sín sem skyldi. Börn og konur verða alltaf fórnarlömb. Sonur minn er með nafnalista á blessuðum Palenstískum börnum,sem dóu í einni árás frá því 2009,hér á blogginu. Það tekur virkilega á. Að sama skapi er það hryllingur að sjá sveltandi börn og foreldra í Sómalíu,sem sýnt var í kvöld. Þar sem maður getur ekkert er best að reyna að gleyma.  Annars oft dottið í hug að Ástþór friður 2000,beytti sér í þessum heimshluta,eða færi með fulla flugvél af vatni,til Sómalíu,þessi hungursneið er af völdum þurrka,nóg er af vatni hér. Sendi kveðju,en vonin er veik um frið.

[Elle_, 8.7.2011 kl. 23:37]

Helga, Ísrael hefur kúgað og pínt Palestínumenn og stal stærðar landi af Palestínu og þó Palestína hafi kannski ekki fengið status sem sjálfstætt ríki.  Vil síst af öllum þræta við þig en ég sé eldrautt þegar ég heyri, hugsa og les um kúgun og hrotta Ísrael gegn Palestínu.  

[Elle_, 9.7.2011 kl. 12:21]

Skrýtið annars að hugsa um það sem þú sagðir þarna síðast, Vendetta, já, hann mælir hástöfum fyrir öðrum en blákaldur svíkur eigin þjóð.  Svo finnst mér beinlínis óhugnanlegt hvað oft Ísrael er afsakað í hrotta sínum og yfirgangi gegn Palestínu og í sístækkandi landnámi af Palestínu vegna orða í Biblíunni, bók með safni gamalla heimilda eftir hina ýmsu höfunda, bók sem sömu menn fullyrða að sé guðs orð.  Enginn almáttugur og góður guð níðist á heilli þjóð.  Og þeir sem eru kúgaðir fara að brjótast um í keðjunum.