BANDARÍKIN ERU LANGT Í FRÁ MEÐ HÆSTU MORÐTÍÐNI HEIMS.

 

 

 

 

 

 

 

 

 

North America (Canada, Mexico, United States)

 

 

 

 

 

 

 

 

 

 

 

 

 

Latin Americas (Central and South America)

Nei það er af og frá að Bandaríkin séu með hæstu morðtíðni heims, ekki miðað við fólksfjölda.  Og þó talað væri bara um álfuna Ameríku en ekki heiminn.  Hondúras væri langverst í álfunni og þarnæst Venesúela.  Líka þó talað væri bara um norðurhluta álfunnar Ameríku en ekki heiminn.  Grænland og Mexikó væru þar langverst, miðað við fólksfjölda.  Hvert einasta land í allri álfunni Ameríku er með hærri morðtíðni en Bandaríkin, nema 2, Kanada og Síle.  Og oftast eru Ameríkulöndin með miklu miklu hærri morðtíðni en Bandaríki Norður-Ameríku. 

 

Og ég er orðin leið á að heyra villusögur um Bandaríkin.  Leið á að hlusta á Íslendinga tala eins og maður geti ekki gengið um göturnar þar nema vera skotinn niður.  Og ég er ósátt við það þar sem ofbeldi í Bandaríkjunum er lítið miðað við fjölda landa heims og Bandaríkjamenn eru í heild friðsamir.  Friðsamasta fólk sem ég þekki.  Við heyrum bara mest um Bandaríkin þar sem fréttir eru galopnar þar eins og mannréttindalandi sæmir.  

 

Í Bandaríkjunum gekk ég um göturnar í 22 ár og var aldrei skotin niður að ég viti.  Það var aldrei ráðist á mig á almannafæri eða á götum úti.  Og ég var ekki hrædd að labba þar eins og maður nokkur spurði mig þegar ég kom til Íslands 1997 í skamma stund.  Ekki vanalega.  Það var sami maður og var með barn sitt sem skiptinema í öðru Ameríkulandi 1992, suður af Bandaríkjum Norður Ameríku, en þar í landi ætti maður að óttast að vera skotinn niður.

 

Frá mínum bæjardyrum séð, lítur út fyrir að mikil fáfræði sé um Bandaríkin þegar fólk aftur og aftur talar eins og það sé morðland heimsins og tekur undir vitleysuna hvert með öðru eins og út í loftið.  Eða bara af því það haldi það, kannski miðað við það sem það heyrði næsta mann segja, líka út í loftið.  Múgsefjun mætti kalla það.  En ég elska þetta land og vil ekki hlusta þegjandi.  Það er ekki nóg að halda það sem maður veit ekki.

 

 

 

Mætti oft halda að fólk ruglaði saman álfunni Ameríku og Bandaríkjunum.  Það eru mikil mistök Bandaríkjamanna að nota oft orðið Ameríka þegar þeir tala um landið Bandaríkin og það veldur kannski misskilningi meðal þeirra sem vita ekkert eða lítið um landið.

 

 

 

Miða ætti við fólksfjöldann (per capita) í löndum þegar talað er um morðtíðni landa.  Og rangt að nota bara tíðni glæps ef eitt land er þúsund sinnum eða milljón sinnum fjölmennara en annað land í viðmiðuninni.  Morðtíðni heimsins per capita er að meðaltali langverst í Mið- og Suður-Ameríku (álfunni Ameríku, ekki Bandaríkjum Norður-Ameríku) og Mið- og Suður-Afríku.  Það er miklu miklu hærri glæpatíðni og morðtíðni per capita í fjölda þessara landa en í Bandaríkjunum.  Ef við miðum bara við álfuna Ameríku er morðtíðni per capita óhugnanleg í Belís, Brasilíu, El Salvador, Guatemala, Grænlandi (kemur ekki fram undir Ameríku í töflunni sem vísað er í), Hondúras, Kólumbíu, Mexikó, og Venesúela. 

 

 

 

Mexikó er við suðurlandamæri Bandaríkjanna og þar er miklu hærri morðtíðni per capita en í Bandaríkjunum.  Stórtækasti barnamorðingi og raðmorðingi heims sem vitað er um var Luis Garavito í Kólumbíu.  Í heimildarmynd (documentary) var hann kallaður versti raðmorðingi heims.  Hann drap í minnsta lagi 140 unga drengi eftir að hafa níðst á þeim og pínt þá, en er samt nánast óþekktur, enda ekki frá vonda USA.

   

 

Frá Mexikó streymir fólk ólöglega norður yfir landamærin til Bandaríkjanna og er erfitt að stoppa það.  Í september í fyrra voru um 11,7 milljón ólöglegir innflytjendur í Bandaríkjunum og mest eða um 57% þeirra frá glæpalandinu Mexikó.  Stór hluti hinna er frá Mið-Ameríkuríkjum.

 

 

Neðanverð tafla er frá Sameinuðu Þjóðunum.  Þetta er álfan Ameríka og taflan sýnir bæði heildarmorð í löndunum og morð á hver 100 þúsund manns (count total and rate per 100,000 population).

                                        RATE    TOTAL

Belize	44.7	145	Americas	Central America	2012
Costa Rica	8.5	407	Americas	Central America	2012
El Salvador	41.2	2,594	Americas	Central America	2012
Guatemala	39.9	6,025	Americas	Central America	2012
Honduras	90.4	7,172	Americas	Central America	2012
Mexico	21.5	26,037+	Americas	Central America	2012
Nicaragua	11.3	675	Americas	Central America	2012
Panama	17.2	654	Americas	Central America	2012
Bermuda (UK)	7.7	5	Americas	Northern America	2012
Canada	1.6	543	Americas	Northern America	2012
Saint Pierre and Miquelon (France)	16.5	1	Americas	Northern America	2009
United States	4.8[8]	14,173	Americas	Northern America	2012
Argentina	5.5	2,237	Americas	South America	2010
Bolivia	12.1	1,270	Americas	South America	2012
Brazil	25.2	50,108	Americas	South America	2012
Chile	3.1	550	Americas	South America	2012
Colombia	30.8	14,670+	Americas	South America	2012
Ecuador	12.4	1,924	Americas	South America	2012
French Guiana (France)	13.3	30	Americas	South America	2009
Guyana	17.0	135	Americas	South America	2012
Paraguay	9.7	649	Americas	South America	2012
Peru	9.6	2,865	Americas	South America	2012
Suriname	6.1	33	Americas	South America	2012
Uruguay	7.9	267	Americas	South America	2012
Venezuela	53.7	16,072+[9]	Americas	South America	2012

 

Fólk mætti svo skoða töfluna fyrir allan heiminn nánar áður en það fer að lýsa Bandaríkin sem versta morðlandi heims.  List of countries by intentional homicide rate.

 

 

 

 

 

 

 

 

 

 

 

 

 

 

 

 

 

 

 

 

 

 

 

The US Flag

 

                                                      

Athugasemdir

[Helga Kristjánsdóttir, 1.7.2014 kl. 21:28]

Mér hefur gramist undanfarin ár hve margir gera lítið úr siðferði Bandaríkjanna,--en ég er að horfa á þá spila fótbolta núna.-- Ég vann fyrir nokkrum árum sumartíma með ungum pilti (nú læknir),sem ólst upp i USA.Hann sagði þá (um1997-8) að hann væri öruggari úti þar sem hann bjó,heldur en niðri í miðbæ Reykjavíkur. Um það leyti var ýmislegt að breytast og og 2 árum seinna var bróðir tengdadóttur minnar myrtur af viðskiptafélaga sínum, og fleiri óhugnaðir. Að lokum vona ég að við og aðrir beri gæfu til að lifa í frelsi og því öryggi sem frjálsar þjóðir geti boðið borgurum sínum .

[Elle_, 2.7.2014 kl. 00:10]

Helga mín, gott að sjá þig loksins.  Já, ég er sammála þessu.  Við vorum nokkuð örugg þarna við sonur minn.  Við vorum með nágranna sem voru alltaf í sambandi við okkur.  Þar með talinn gamlan mann sem í þokkabót gróf bílinn okkar af sjálfsdáðum út úr háum snjóskafli eldsnemma á sunnudagsmorgni.  Við báðum hann ekki og vissum ekki einu sinni um það fyrr en við sáum hann út um gluggann okkar.

[Elle_, 2.7.2014 kl. 00:59]

Og hvílík neyð í þessu commenti þarna: Tómas, þú ert maður yfirvegaðrar skynsemi (Eru það öfgar - - -).  Maðurinn hafði ekki forsendur og hæfileika til að dæma hvað væri yfirvegað og hvað ekki.

[Helga Kristjánsdóttir, 2.7.2014 kl. 03:17]

Fór inn á þessa síðu 100% sammála þínum málflutningi,ekki ein um það. (Brosti yfir hlutanum í sviga)

Er orðin hálf sofandi við tölvuna,en fagna að hafa séð þessa umræðu sem Tómas hóf. Þú klikkar aldrei Elle mín.

[Elle_, 4.7.2014 kl. 23:29]

Hví ætli milljónir manna flýi í stríðum straumum Mið- og Suður-Ameríku og erfiði við að komast ólöglega inn í Bandaríkin þar sem þeir verða líklega stoppaðir og snúið við?  Varla af því þar er svo hrikalega vont að vera og verra en í heimalöndunum?