ALLT DAVÍÐ, EIRÍKI OG INGIMUNDI AÐ KENNA

Seðlabankastjórarnir Ingimundur Friðriksson, Eiríkur Guðnason og Davíð Oddsson.

Allt vont er Davíð, Eiríki og Ingimundi að kenna, segja grýlusögurnar.  Já, fyrir utan allt hitt sem er Framsókn og Sjálfstæðisflokknum að kenna.  Og þó mest Sjálfstæðisflokknum, því hann var duglegastur í skemmdarverkum. 

Fólk sem trúir svona grýlusögum gengur um með bundið fyrir augun og eyrnartappa í eyrum.  Þeir sem segja tröllasögurnar eru að hvítþvo skaðlegustu flokksdruslu landsins frá stofnun lýðveldisins.  Hvítþvo samstillta skemmdarvarga sem ætla að valda okkur svo miklum skaða að Framsókn og Sjálfstæðisflokkurinn verða samansafn engla í samanburði. 

Grýluhöfundarnir ljúga upp á okkur skuld og skuldbindingum að ósekju út um allan heim.  Og ætla að draga land og þjóð að mestu óviljug og þvert gegn okkar vilja inn í Evrópuríkið og undir lög þess.  Ætla að afhenda fjendum okkar þar skattpeningana okkar í heilum gámum með flutningaskipum.  Og leggja að veði fiskinn sem syndir í sjónum kringum landið, okkar land; heita vatnið sem kemur upp úr jörðinni, okkar jörð; kalda vatnið sem kemur niður af fjöllunum, okkar fjöllum.  Og kannski líka Alþingi sjálft ef veðin standast ekki getu þeirra fáu gamalmenna sem verða eftir í landinu til að vinna fyrir Versalasamningnum í heila öld.

Hvaða glæpi frömdu annars Davíð, Eiríkur og Ingimundur???  Hefur það nokkuð komið fram svart á hvítu nema í tröllasögum fylkta liðsins sem hefur verið útvarpað í beinni úr Lækjargötu og úr fréttamiðlum ríkisstjórnarinnar?  Jafnast hinn svokallaði glæpur gömlu Seðlabankastjóranna nokkuð á við þann glæp að gefa sjálfstæði okkar og skatttekjur til fjenda okkar?  Jafnast fyrrverandi glæpir Framsóknar- og Sjálfstæðismanna nokkuð á við þann stærsta glæp lýðveldisins að skrifa undir Versalasamning fyrir okkar hönd án dóms og laga?  Og að ógleymdum hótununum um alla frostaveturna og ísaldirnar og jarðskjálftana?  Allar lokanirnar á okkur að utan sem munu aldrei verða?  Og allar lygarnar um að 2 + 2 séu 7? 

Verða ekki allir litlu rógberarnir að fara að lesa milli línanna og skilja muninn á hvítu og svörtu?  Skilja muninn á álfasögum og veruleika?  Því 2 + 2 eru ekki 7.  Og mest af öllu verða þeir að skilja að með því að hefna sín á gömlu stjórnarflokkunum og Seðlabankastjórunum og kenna þeim um Icesave, sem er fullkomlega á ábyrgð núverandi Icesave-stjórnar, eru þau að hjálpa Icesave-stjórninni við að koma glæpnum yfir okkur og hvítþvo samt gjörninginn, því hann var allur öllum hinum að kenna. 

Mér finnst nú bara sorglegt að vegið sé svo hart að röngum mönnum og þeirra æru.  Það skyldi þó aldrei vera að þetta hafi verið grimmilegar galdrabrennur saklausra manna til að stærri núverandi stjórnarflokkurinn gæti dregið fréttirnar burt frá þeirra fyrrverandi mistökum og óverkum og komið Icesave glæpnum yfir okkur og kennt öðrum um myrkraverkið?  Því þau voru jú í stjórn í gegnum allt Icesave málið og fyrir, við og eftir fall bankanna.  Það fer um mann hrollur.  Hver maður sem vill, getur séð að grýlusögurnar standast ekki skoðun.

 

 

 

 

 

 

 

 

 

 

Ingimundur Friðriksson, vinstri, Davíð Oddsson, miðju, Eiríkur Guðnason, hægri.

EIRIKI OG INGIMUNDI FINNST JÓHANNA HAFA VEGIÐ ÓMAKLEGA AÐ ÞEIM

 

     

     Ingimundur Friðriksson.

 INGIMUNDUR BAÐST LAUSNAR, EIRÍKUR VILL EKKI HÆTTA Á FORSENDUM JÓHÖNNU

 INGIMUNDI BOÐIÐ STARF Í NORSKA SEÐLABANKANUM

 

                                                                                   

Eiríkur Guðnason og Davíð Oddsson.                         

EIRÍKUR HÆTTIR, DAVÍÐ EINN EFTIR

 

 

Davíð Oddsson.

 

Eiríkur Guðnason.                                       Eiríkur Guðnason.                                                                         

 

Ingimundur Friðriksson.

 

 

 

 

 

Athugasemdir

[Helga Kristjánsdóttir, 23.1.2010 kl. 03:59]

Hjartans þakkir fyrir þessa færslu. Hann er svo góður stíllinn þinn,er búin að ergja mig yfir þessari stjórn svo lengi. Var með 2 frænkur  hér í dag(úr uppsveitum Árnessýslu),sem ég þurfti að rífa úr allan óþverrann,sem þær hafa verið mataðar á í Ruv. Er viss um að mér tókst það.  Áróðurinn er búinn að vera svo geigvænlegur og margir leggja trúnað á. Ég hefði viljað fá toppana í þessari ríkisstjórn í kappræður við einhvern af ykkur.    Það kostar ekki mikið fyrir Ruv. og yrði mjög  áhugavert. Fjármálaráðherra er fimur að vikja sér undan í orðaflaumi,eins og heyrðist í dag á útvarpi Sögu,þó voru spyrjendur ágætir.  En takturinn,sem spyrjendur Ruv.viðhöfðu hjá fyrri ríkisstjórn,myndi fletta ofan af allri svívirðunni hjá þessari,það er bara ekki gefið færi á því í dag. Þarf að skora þau á hólm. Kveðja.

[Ómar Geirsson, 23.1.2010 kl. 09:57]

Blessuð Elle.

Það þarf að fella goðsagnir þegar þær valda skaða.  Hingað til taldi ég íhaldið fullfært um að verja sig sjálft en núna er getuleysi þess líka orðið skaðlegt þjóðinni.  Það er bara eins og það sé einn flokkur á landinu, SamfylkingarVG.  En það þarf hæfni þess sem finnur nál í heysátu til að kynna sér sjónarmið íhaldsins.  Þögn þess er æpandi, heldur þetta fólk að sveitarstjórnarkosningarnar séu málið á meðan landið er selt?????

Ef þjóðin vaknar upp við vonda martröð, þá verður engum fyrirgefið sem horfði aðgerðarlaus hjá. 

Engum.

Kveðja að austan.

[Elle_, 23.1.2010 kl. 17:49]

Blessuð Helga og Ómar, þakka ykkur fyrir.  Helga, ég er líka búin að ergja mig yfir þessari stjórn ótrúlega lengi og gat heldur aldrei samþykkt að Seðlabankastjórunum væri kastað út í ystu myrkur í niðurlægingu.  Held þeir hafi verið gerðir að fórnardýrum.  Og það er bara einn af þeim hlutum sem þau hafa gert vitlaust.  Og nú hefur samt Jón Sigurðsson, sem var yfir stjórn Fjármálaeftirlitsins í gegnum allt fallið, verið settur yfir einn ríkisbankann, Íslandsbanka.  Ég er alveg sammála þér að RUV er ekki nógu gagnrýnið á stjórnina og þarf að bæta það.  Nema Sigmar Guðmundsson, hann er hörkutól.

Og Ómar, þú hefur nú verið að skrifa akkúrat um tröllasögurnar sem hafa valdið okkur miklum skaða.  Og ég held að vísu að við séum kannski oft með svipaðan stíl í að ráðast gegn mannvonsku.  Nema þú ert miklu duglegri við sótið eins Pétur Örn kallar það. :)  Við hvert tækifæri hef ég nú skrifað gegn þessum skáldsögum að allt sé einum manni eða einum flokki nánast að kenna og hefur gengið misjafnlega illa.  Hitti fólk fyrir sem er gjörsamlega lokað og heyrir bara grýlusögur stjórnarflokkanna.  Já, hver eru sjónarmið íhaldsins núna?  Þeir voru öflugir í Alþingi gegn Icesave og þó mest frá sept. - des. og hafa nú nánast þagnað.  Það er æpandi þögn.  Og kveðja úr rigningunni. -_-

[Elle_, 23.1.2010 kl. 19:05]

Ég ætla að taka það fram að ég er ekki að ofan að dæma hæfni Jóns Sigurðssonar og veit ekkert um hæfni mannsins.  Mér finnst það bara skjóta skökku við hvar hann var settur miðað við að Seðlabankastjórunum var kastað.
Og ég er heldur ekki að verja neinar fyrri ríkisstjórnir eða stjórnarflokka.  Núverandi ríkisstjórn er þó langhættulegust og skirrist ekki við að ljúga og skuldsetja okkur og bara svífst einskis fyrir valdastóla.  Og ekki nema von að rigni. 

[Helga Kristjánsdóttir, 24.1.2010 kl. 03:01]

  Hjartanlega sammála,hef deilt á það og fundið til vegna þess.Ætli ekki að öll stríð byrji svona "auga fyrir auga,tönn fyrir tönn".Alla vega stend ég mig að því að finnast þau hafa unnið til þess sama,sem kveiktu reiðöldurnar,þótt megin ástæðan sé að berjast fyrir réttlætinu í átökunum við Nýlenduþjóðirnar alræmdu.

[Elle_, 24.1.2010 kl. 12:44]

Jú, Helga, er ekki kveikjan að stríði einmitt oft óréttlæti og yfirtroðningur og reiðin sem það veldur?  Kannski svipað og þessi 2 hrokaveldi eru núna að gera gegn okkur?  Þau trampa yfir heilt land af fólki sem hefur ekkert til saka unnið, enda vanir í að níðast á löndum um heim allan.  Mest Bretarnir.  Og ég tek það fram að ég er að tala um stórnmálamenn og stjórnvöld, ekki venjulegt fólk eins og okkur.  Vona að við séum venjulegt fólk.

[Elle_, 24.1.2010 kl. 12:59]

Já, og svo eru stjórnir í löndum sem fara nú bara í stríð er það ekki til að arðræna lönd með valdi og eins og Bretar voru vanir að gera.

[Björn (IP-tala skráð) 25.1.2010 kl. 13:42]

Það hlýtur að teljast eðlileg krafa þegar seðlabankinn fer í þrot ásamt fjármálakerfinu að skipt sé um stjórn. Það verður svo tíminn að leiða í ljós (kannski skýrsla rannsóknarnefndar) hverju er um að kenna að fór sem fór en auðvitað þarf að rannsaka þetta og þá getur ekki sama stjórn setið.

Í lýðræðisríki eiga þegnarnir skilið að fá að vita hvers vegna þeim er gert að greiða hundruðir milljarða í formi aukinn skatta og lækkaðra lífskjara. Gildir það hvort heldur um icesave, veðlán seðlabankans eða hvað eina.

[Elle_, 25.1.2010 kl. 15:39]

Þakka þér fyrir, Björn.  Það er góður punktur hjá þér með rannsóknina og þó frá mínum bæjardyrum virðist þessum mönnum hafa verið fórnað fyrir pólitík.  Ef þeir þurftu að fara, 2 þeirra óþólitískir með öllu og höfðu aldrei verið í pólitík, því gat flokkur Jóhönnu Sig. setið sem fastast og þar með taldir 3 núverandi ráðherrar og einn þáverandi?  Og hvers vegna er nokkrum stætt á að setja Jón Sigurðsson, líka úr þeirra pólitískum flokki, yfir einn ríkisbankann?

[Björn Viðarsson (IP-tala skráð) 26.1.2010 kl. 12:17]

Menn finna sjaldan sök hjá sjálfum sér, samanber skipun Jóns. Sem stjórnarformaður FME fyrir hrunið er með öllu ótækt að fela honum svona embætti.

Varðandi kjörna fulltrúa er ég nokkuð sammála nema hvað það er makalaust að fólk sé að kjósa gömlu ríkisstjórnarmeðlimina aftur. Þeim er veitt umboð þrátt fyrir þetta þannig að þau réttlæta setu sína með því. Svona er nú lýðræðið.

[Elle_, 26.1.2010 kl. 17:15]

Sæll aftur Björn og takk fyrir svarið.  Ég er alveg sammála öllu sem þú ert að segja og finnst óskiljanlegt að þessi flokkur hafi aftur komist til valda með sama fólkið eins og Jóhönnu og Össur.  Og núna vaða þau yfir lýðræðið sem kom þeim þangað.