HVAÐ ERU INDRIÐI OG STEINGRÍMUR AÐ VERJA???

HVAÐ ERU ÞEIR AÐ VERJA???

Indriði H. Þorláksson og Steingrímur J. Sigfússon.

Nú hefur Indriði H. Þorláksson komið fram og lýst enn einu sinni yfir ábyrgð ísl. ríkisins á Icesave, þó hann viti að ábyrgðin sé lagalega engin.  En siðferðislega víst, að hans mati.  Og hvernig þá, Indriði, og þið hinir sem haldið þessu fram?  Indriði hefur skrifað um meinta ábyrgð okkar fyrir ólöglegri fjárkúgun stórvelda í Evrópu, í opinbera grein í Fréttablað eins stærsta glæframanns landsins, og þó víðar væri leitað.  En þar, eins og í RUV, hafa komið fram endalausir Icesave-liðar og Icesave-sinnar, hver á fætur öðrum allt sl. ár, og nú hampa þeir Indriða fyrir ´rökin´og verja nauðungina sem skyldu okkar landsmanna gagnvart nýlenduveldunum: Jón Kaldal, Sverrir Jakobsson, Þorsteinn Pálsson + + +  Indriði segir að við eigum ekki að ganga um með betlistaf!?   Hvaða betlistaf, Indriði???   Hver er með betlistaf, við almúgi landsins eða þið hinir, Icesave-sinnarnir, og ræningjarnir í Evrópu, sem vinnið að því hörðum höndum saman að ræna okkur skattpeningum 79 þúsund okkar af 150 þúsundum?  Yfir helmingi skattfés landsins?  Og svo kastar hann spjótum i Eva Joly, eins verndar-engils okkar í heiminum, innanlands og utan.  Hvers vegna, Indriði, kastarðu í Eva Joly??? 

 

 

Steingrímur J. Sigfússon hefur komið fram í Morgunblaðinu og kannski viðar, og ver þar Indriða.  Og ekki við öðru að búast af manninum, sem sjálfur hvolfdist eftir valdatökuna í apríl og skiptist yfir í heitan Icesave-sinna úr heitum AGS- og Icesave-fjandmanni.  Enda hefur Steingrímur varið hrikalega glæsilegan og glæstan Svavars-samninginn af miklum eldmóði allar götur síðan Svavar Gestsson nennti þessu ekki lengur:

Glæsileg niðurstaða:

http://www.youtube.com/watch?v=Da88dIQoToU

 

 

Er hegðun og skrif Indriða, Steingríms og Svavars ekki bara sjálfsréttlætingar og sjálfsvarnir sigraðra manna í dauðateygjunum eftir opinberar árásir og skot Jóhönnu Sigurðardóttur og Kristrúnar Heimisdóttur?  Og hversu óheiðarlegt, ómerkilegt og ótrúverðugt sem það er nú af þeim að koma fyrst fram núna með slíka gagnrýni á mennina 3.   Það vekur óneitanlega upp enn alvarlegri spurningar um trúverðugleika og vanhæfni Jóhönnu.  Nógu var það nú slæmt fyrir.  Tími hennar í stjórn enda löngu kominn og farinn.  Og einna mest óþolandi af öllu eru gagnrýnislausar fréttir RUV okkar landsmanna, gegn endalausum rangfærslum Icesave-sinna um meinta ríkisábyrgð á Icesave.

 

 

Verð að bæta við nokkrum linkum sem lýsa nánar en mér tókst, hvernig Indriði ætlar með öllum fölskum ráðum að þröngva upp á okkur ríkisábyrgð.  Indriði lætur eins og minnismiði hinnar fyrri ríkisstjórnar, og samkomulag við handrukkarana í Evrópu, um að gera seinna drög að samningi eftir vissum lögum, sé lögbundinn samningur, þó hann viti bæði að rukkararnir hafi aldrei farið eftir lögunum og löggjafarvaldið okkar hafi heldur aldrei fallist á það sem rukkararnir innheimtuðu. 

Aðstoðarmaður gerir eitt, ráðherra segir annað

Málsvörn Indriða H.

Ósvífni Rúvara í framsetningu fullyrðinga Indriða H. Þorlákssonar eins og um ósvikinn sannleika væri að ræða!

Athugasemdir

[Jón Valur Jensson, 10.2.2010 kl. 21:45]

Þú tekur á því, Elle, og skemmtileg stígandi í þessari afhjúpandi grein þinni.

[Ísleifur Gíslason, 10.2.2010 kl. 23:52]

Elle, þú ert flott

[Elle_, 10.2.2010 kl. 23:59]

Rosalega flott, ef þið segið það, þið 2, merkilegu menn.

[Helga Kristjánsdóttir, 11.2.2010 kl. 00:14]

         Ég hef sama smekk og karlarnir.  Flott              

[Elle_, 11.2.2010 kl. 00:27]

Já, við erum öll cool og flott.   Og góða nótt.

[Rafn Gíslason, 11.2.2010 kl. 15:28]

Já Elle þetta er sorgar staða og kannski ekki við öðru að búast úr þessari át enda virðist öllum öðrum en Ríkisstjórninni um að kenna hvernig komið er í Icesave málinu. Steingrími J virðist einkar vel til lags að koma sér upp á kant við alt og alla, sorglegt. Annars góð grein hjá þér kæri blogg vinur.

[Elle_, 11.2.2010 kl. 18:40]

Já, Rafn, bara sorglegt hvað fólk er viljugt að leggjast flatt á jörðina við að draga niður heilt land af fólki og grafa það niður í holu að ósekju.  Og fyrir hvað?  Sjáfsvörn?  Völd?  VG var nú einu sinni þinn flokkur og enn erfiðara fyrir þig að horfa upp á það.  En hvað finnst þér um cool fólkið að ofan?  Þau hafa ekki enn misst kímnigáfuna þó.

[Loftur Altice Þorsteinsson, 13.2.2010 kl. 00:21]

Ég tel að ríkisstjórnin sé við það að springa og að öfgakennd viðbrögð þeirra Indriða og Steingríms við grein Kristrúnar, sé tilraun til að gera eitthvað í stöðunni. Skrif Kristrúnar eru ekki tilviljun heldur liður í áætlun Samfylkingarinnar. Takið eftir hversu mikla áherðslu Kristrún lagði á að hún hafi ekki skrifað í samráði við Ingibjörgu. Hún nefndi ekki aðra Sossa. Tímasetning hennar getur ekki verið tilviljun, því að Kristrún gerir ekkert nema beinn tilgagur sé með því.

 

Stjórnarandstaðan er að ná tökum á stöðunni og á nærstu dögum ræðst hvort Bjarni og Sigmundur taka Samfylkinguna eða VG með sér í nýgja stjórn. Samfylkingin er miklu líklegri af tveimur ástæðum. Í fyrsta lagi hefur Icesave-klúðrið verið á höndum VG og mikil óánægja er með stöðu Icesave innan Samfylkingar og raunar einnig VG. Í öðru laga stendur VG gegn öllum fjárfestingum í landinu – sjáið bara aumingja Katrínu sem ekki er með neitt í skjóðunni, en veifar henni samt af bestu getu.

 

Nú verður VG annað hvort að láta af andstöðu við stórframkvæmdir eða þeir missa stólana. Allir sjá að ef ekki verður farið í fjárfestingar strax, verður engin hagvöxtur á nærstu árum heldur samdráttur. Ef VG hefur vit á að slaka á varðandi fjárfestingar, þá eru þeir betri kostur vegna andstöðu margra þar við inngöngu í ESB. Indriði og Steingrímur eru báðir fylgjandi inngöngu í ESB, þótt Steingrímur hafi ekki opinberað þessa skoðun.

 

Hvernig sem hlutir ráðast eru dagar Steingríms taldir sem stjórnmálmanns. Væntanlega tekur Ögmundur við formennsku, um leið og breitt verður um stefnu. Kjáninn hann Indriði fýkur auðvitað líka með Steingrími. Þessir menn eru búnir að fyrirgera öllu trausti og strax upp ú 6.marz eða fyrr taka þeir pokann sinn og ættu báðir að koma sér ofan í Þistilfjörð og hafa hægt um sig þar.

 

 

 

 

[Elle_, 13.2.2010 kl. 11:47]

Held þetta sé kannski eins og þú lýsir, Loftur, eða svipað.  Já, bæði Indriði og Steingrímur og allir Icesave-líðarnir í VG verða að fjúka.  Og einna helst af öllum, hinn grimmilegi, Björn Valur, varðmaður Breta og Hollendinga, Icesave og Icesave-sinna.  En megi okkur vera forðað eilíflega frá stórhættulegri Samfylkingunni.  En Loftur, ertu með í cool hópnum að ofan?

[Árni Gunnarsson, 15.2.2010 kl. 10:54]

Spurning hvort ríkisstjórn Geirs og Ingibjargar eigi ekki bara að fá uppreisn æru á Bessastöðum? Auðvitað skiptir það ekki minnsta máli þótt ráðherrar Sjálfstæðisflokksins samþykki fyrir hönd þjóðarinnar eitthvert meinlaust grín eins og það að ríkisábyrgð á skuldum vegna íslenskra þjófa skuli gilda eftirá. 

Enda var það nú alltaf bara sona meiníngarlaust grín sem er ómissandi í alþjóðasamningum.

Engir nema nokkrir afburða gáfumenn og andkommúnistar hér á blogginu virðast vita að á ráðherrum Sjálfstæðsflokksins á Íslandi tekur enginn mark í samningum.

Ætli þeir Stazyistarnir Svavar og Indriði séu ekki búnir að fá bréf frá rannsóknarnefndinni? Þetta eru voðamenn!

Kannski er búið að handtaka þá og þá þarf auðvitað ekki að rita þeim bréf.

En umfram allt látið ekki deigan síga við að hamra á þessu börnin góð. Þið getið þó í það minnsta sannfært hvert annað og ekki veitir af.

[Elle_, 15.2.2010 kl. 12:15]

Árni minn, ég er óháður kjósandi, hef alltaf verið, og skrifa ekki fyrir Sjálfstæðisflokkinn.   En hvað sem þeir gerðu nú vitlaust, Árni, getur það ekki afsakað glæpinn sem núverandi stjórn og hennar hollustumenn og stuðningsmenn eru að fremja núna í þessum skrifuðum orðum, með Icesave.  Enginn Icesave samningur varð til í neinni fyrri stjórn og það þarf að halda því til haga, því það var ekki þannig. 

Fyrri stjórn sættist á ábyrgð með vísan í lög, Árni, en þeir skrifuðu aldrei undir neinn Icesave-samning og ekki heldur ríkisábyrgð fyrir Icesave.  Þeir skrifuðu  Memorandum of Understanding með vísan í lög EEA/EU Directive 94/19 EC.  En fjárkúgun Breta og Hollendinga seinna miðaðist bara alls ekki við lög.  Og af hverju vilt þú hafa það öðruvísi eða misskil ég þig?  Hvað ertu að verja, Árni?  Ertu að meina að fyrri ríkisstjórn sé sek um Icesave-glæpinn sem verið er að fremja núna, af núverandi ríkisstjórn?   Enginn getur sakað þá um þann stórhættulega Icesave samning sem Indriði, Jóhanna, Steingrímur og hollustumenn hafa barist fyrir að koma yfir okkur.  

Og þó fyrri stjórn hafi lofað e-i vitleysu í öngvitinu sem þau voru í við fall bankanna og ágang og yfirgang Evrópuveldanna 2ja með bakhjarlana AGS og EU, væri það ógildanlegt, bæði vegna þess að kúgun er ólögleg og vegna þess að enginn, ég endurtek enginn, hefur leyfi til að skrifa undir neina óendanlega skuld og rukka skattborgarana fyrir og ekki heldur leyfi til að skrifa undir fjárkúgun.  Handtaka segir þú, já, kannski ættu þau öll að fara fyrir landsdóm?  Fyrir hvað er landsdómur, ef ekki stórsvik gegn þegnum landsins???

[Jón Valur Jensson, 15.2.2010 kl. 12:46]

Afar gott svar hjá þér, Elle! – Þess má geta, að á vef Útvarps Sögu var spurt í gær og fram undir hádegi í dag, hvort Geir og Sólrún ættu að fara fyrir Landsdóm. Yfirgnæfandi meiri hluti sagði já. En skuldbindandi fyrir ríkissjóð í eiginlegri merkingu hefðu athafnir þeirra ekki getað orðið, einfaldlega vegna þess, að Alþingi var óbundið af þeim, skv. stjórnarskránni, sem er æðri hverjum ráðherra og verkum hans og sér í lagi öllum ólögmætum verkum hans!

[Elle_, 15.2.2010 kl. 15:02]

Þakka þér fyrir, Jón.  Já, þau mega fara og ættu kannski að fara fyrir landsdóm og líka núverandi Icesave-stjórn öll, að meðtöldum Icesave-stjórnarflokkaliðum.  Og allir þeir embættismenn sem hafa stutt og unnið að fjárkúgun gegn þegnum landsins fyrir erlend stórveldi. 

Og ég vildi bæta við svar mitt til Árna, hef að vísu verið að skrifa honum í hans síðu, að það skaðar okkur ólýsanlega ef menn ætla að sættast á fjárkúgun af því þeir hatast út í Sjálfstæðisflokkinn.  Og er þar með ekki að fullyrða að Árni muni gera það á þeim forsendum, en það hefur verið augljóst að víða eru menn að verja Icesave af því Sjálfstæðisflokkurinn gerði svo mikið vitlaust.

[Jón Valur Jensson, 15.2.2010 kl. 23:02]

Tek undir orð þín, Elle, líka þetta um Árna og Sjálfstæðisflokkinn. Mér þykir nú vænt um Árna og vona, að það verði ofan á, að hann láti ekki óvandaða menn rugla sig í ríminu.

[Elle_, 16.2.2010 kl. 11:07]

Já takk, Jón.  Og ég hef ekki mikla þolinmæði þegar fólk fer að verja gjörðir núverandi Icesave-stjórnar og finnur allt gamalt og vitlaust sem Framsókn eða Sjálfstæðisflokkurinn gerðu fyrir 190 árum.  Ekki það að það megi ekki ræða það, það bara er engin afsökun fyrir núverandi stjórn.  Engin afsökun fyrir að pína Icesave í gegnum Alþingi með hótunum, kjafthætti, lymsku, ósvífni og gegn lögum og dómi.  Og hvað sem Sjálfstæðisflokkurinn var nú ljótur og spilltur og vondur, -það eru engin rök fyrir ríkisábyrgð á glæpaskuldum nú.