GETUR BJARNI BEN EKKI SAGT NEI? EN SIGMUNDUR?

GETUR HANN EKKI SAGT NEI?

Bjarni Benediktsson.

Hann vill ekki hafna neinu, hann vill halda þessu opnu, hann vill skoða þetta betur, segir hann.  Skoða hvað, Bjarni Ben???  Meinarðu skoða ólöglega kúgun???  Þú veist vel, eins og við hin, að við skuldum ekki Icesave, höfum aldrei skuldað Icesave og munum aldrei skulda Icesave.  Hvað viltu skoða þá?  Ef þú kannt ekki að segja NEI, þarftu að læra það.  Menn verða að kunna að standa í lappirnar og segja NEI.  Þú hefur ekki leyfi til að vinna með ógnarstjórnum Bretlands, Hollands og Íslands og semja um neitt Icesave.  Það verður alfarið að hafna þessari nauðung.  

Getur það verið lúmska eða undirferli sem dregur þig áfram núna í málinu?  Kannski knýr þig löngun þín og vilji fyrir að koma okkur inn í Evrópu-ríkið???  Kannski viltu ekki styggja Evrópu?  Getur það verið, Bjarni Ben, að þú hafir nú lagst jafn lágt og Jóhanna Sigurðardóttir og Össur Skarphéðinsson?  Eða snýst það um að halda völdum???  Hafnaðu þessu núna strax - ef þú gerir það ekki, mun það verða þitt fall.  Við munum ALDREI borga Icesave.  Við munum koma ykkur burt, burt úr stjórn, burt frá völdum og fella alla ógilda Icesave-nauðungarsamninga sem verða píndir yfir okkur.  Og þið munuð þurfa að svara fyrir voðaverkið. 

 

EN SIGMUNDUR?

Sigmundur Davíð Gunnlaugsson.

Og Sigmundur, það er gott að þú vilt snúa þér að öðrum málum.  Fyrir löngu hefði þurft að hafna þessari ótrúlegu vitleysu.  En þú gast það ekki, þú varst ekki í stjórn.  Um leið og stjórnvöld vissu að okkur bæri engin lagaleg skylda til að borga Icesave, hefðu þau átt að hafna nauðunginni alfarið.  Ekki semja um skuld sem við skuldum ekki og sem við erum krafin um og nánast handrukkuð um, ólöglega og af ótrúlegri ósvífni.  Þetta veistu vel, Sigmundur, og þú barðist manna harðast gegn nauðunginni.  Svo ég furða mig á því að þú skulir tengja fall hollensku stjórnarinnar við það að snúa okkur að öðrum verkum.  Það kemur ekkert falli hollensku stjórnarinnar neitt við að Icesave er fjárkúgun sem verður að hafna.  Icesave kemur okkur bara ekki neitt við.  Við segjum NEI og aftur NEI og 100% NEI.  Hinir eru meðsekir, huglausir eða steinsofandi.  

Vill skoða tilboðið betur

Athugasemdir

[Óskar Arnórsson, 21.2.2010 kl. 13:27]

Sammála þessu ElleE. Stjónmálamenn segja oftast ekki nei! þeir segja Nja...sem þýðir bæði já og nei. þegar þjóðfélagsþegnar eru svo heimskir að mati ráðamanna að þeir vita ekki hvað þeim er fyrir bestu, þá taka þessir hugsuðir af okkur ómakið.

Enn í alvöru. Ég held að íslendingar séu með heimskasta fólki á sem til er, og það hafi ekki verið að koma í ljós fyrr enn núna...

þetta leikrit snýst að sjálfsögðu um að halda völdum með öllum þeim meðulum sem þarf til þess. Þeir vita sem er að engin getur sagt neitt eða gert neitt nema skrifað, rifið kjaft á blogginu og í sjónvarpi, þeir sem hafa tækifæri til þess. 

Ég myndi gera þetta allt öðruvísi...

[Helga Kristjánsdóttir, 21.2.2010 kl. 17:04]

  Takk fyrir þennan fyrirtaks pistil ElleE.  Stjórnmálamenn eru að verða svo auðlesnir,að vitum ævinlega þegar eitthvað lymskulegt er í aðsigi.    Það kom á daginn,sem vitað er í dag,þeir eru að semja við fjárkúgarana.  Það ætlum við að stoppa!!!     Það ætlum við að gera  með okkar ráðum, með öllum okkar skoðanasystkynum. Við ætlum að mótmæla svo hátt,að allur heimur heyri,hve regluverk þeirra er falskt.                                                                                                                                                                                                                                                 

'

[Elle_, 21.2.2010 kl. 17:21]

Já, Óskar, hvað á maður annars að halda?  Mér finnst alveg fráleitt af Bjarna Ben að einu sinni ýja að þvi að vera að semja gegn okkur um Icesave, eftir að láta okkur halda í heilt ár að hann sé harð-andsnúinn nauðunginni.  Það er ekki hægt að skilja hann og ekki heldur hægt að trúa að honum hafi nokkru sinni verið full alvara, ef hann lætur draga sig með ógnarstjórninni.

Og Helga, já, ekki er ég nú hissa.  Um leið og fólk fer að ýja að hlutum, getur maður búist við að e-ð liggi þar að baki.  Enginn sem er djúpt niðri fullkomlega andvígur fer viljugur og semur.  Og gegn lögum.  Það þarf vilja til að semja við kúgara ef maður er ekki undir byssuhlaupi og þar liggur óþverri að baki.  

[Óskar Arnórsson, 21.2.2010 kl. 18:31]

Annaðhvort verða menn harðsoðnir lygarar á því að vera í pólitík, eða að lygarar sækja í starfið...

[Elle_, 21.2.2010 kl. 23:28]

Já, Óskar, það er langt síðan það fór að líta þannig út, -sorglegt.

[Halldóra Hjaltadóttir, 22.2.2010 kl. 17:19]

Flottur pistill, Elle

Nauðsynlegt er að veita þessum stjórnmálamönnum aðhald og varla er hægt að eygja það betra, en þú veitir með þínum skrifum.

mbkv HH

[Elle_, 22.2.2010 kl. 23:10]

Þakka þér fyrir, Dóra.  Já, það er kannski óttinn við ógnarstjórnina sem drífur mann?  Og ógeðið og reiðin?

[Halldóra Hjaltadóttir, 22.2.2010 kl. 23:16]

Eflaust sitt lítið af hvoru