FORGANGSMÁL ICESAVE-STJÓRNARINNAR.

FORGANGSMÁL ICESAVE-STJÓRNARINNAR.



Hvað í veröldinni vill ríkisstjórnin enn ræða um Icesave?  Fullkomlega ólöglega kröfu bresku og hollensku ríkisstjórnanna studda af bakhjarli þeirra Evrópusambandinu og án nokkurs dóms.  Krafa vegna skuldar sem íslensk alþýða hafði ekkert með að gera og kemur okkur ekki við.  Felldum við landsmenn, hið svokallaða lýðveldi, ekki annars Icesave-nauðungina í mars sl.?  Jú, Icesave var kolfellt með yfir 90% NEI-atkvæða þjóðarinnar eftir að forsetinn neitaði að skrifa undir kröfu Evrópustjórnanna og íslensku ríkisstjórnarinnar núverandi gegn okkur.  Og núna stærir ríkisstjórnin sig af efnahag landsins.  Ætli við værum ekki í nokkuð verri stöðu ef stjórnin hefði náð að pína Icesave í gegn??

Við eigum enga peninga og ríkisstjórnin heimtar Icesave, 500 - 1000 milljarða ólöglega rukkun 2ja heimsvelda.  Stjórnvöld skerða lífeyri eldri borgara og læknaþjónustu og draga úr landvörnum og hafa nú þegar lagt niður Varnarmálastofnun.  Og vilja samt koma gríðarlegri nauðungarskuld yfir fólkið.  Og enn skulda Björgólfsfeðgar og Jóhannesarfeðgar yfir 1000 milljarða samanlagt og hafa samt fengið ótrúlegar niðurfellingar himinhárra skulda við íslensku bankana.  Og blöskranlegan og sjokkerandi stuðning pólitíkusa við gagnaveitu og stórfyrirtækjabrölt þeirra.

Mennsk stjórn tekur ekki lífeyri, læknaþjónustu og öryggi af þegnunum til að geta borgað yfirgangsveldum ólöglega rukkun og sóað peningum í umsókn inn í bandalag sömu velda.  Og jafnóðum og völdum mönnum eru gefnir yfir 1000 milljarðar á kostnað þegnanna.  Það ætti að fara fram rannsókn á hvað veldur hinni svívirðilegu mismunum gegn þegnum landsins af höndum bankastjórna og stjórnvalda.  Það verður líka að fara fram rannsókn á öllum framgangi núverandi ríkisstjórnar, ICESAVE-STJÓRNARINNAR, í Icesave málinu öllu.  Stjórnarandstaðan hefði getað farið fram á slíka rannsókn og þó löngu fyrr hefði verið.  En stjórnarandsaðan er víst hálfdauð.  Orðið ´steindauð´ hefur líka heyrst. 

http://mbl.is/mm/frettir/innlent/2010/09/02/markmidid_mun_betri_samningur/

Athugasemdir

[Ómar Geirsson, 3.9.2010 kl. 13:48]

Blessuð Elle

Kannski er Þórhallur miðill lausnin???

Aumasta ríkistjórn vestrænnar sögu þrífst aðeins vegna algjörs dauða stjórnarandstöðunnar. 

Dauði sem enginn mannlegur máttur fær skýrt.

Nema kannski hagsmunir, sem við sjáum svo glöggt í Magma ráninu.  

Það gæti kannski hugsast að ICEsave landráðin væri með mjög þöglu samþykki stærsta flokks þjóðarinnar?????

En hvað um það, velkomin úr fríinu.

Kveðja að austan.

[Elle_, 3.9.2010 kl. 19:04]

Ert það þú, Ómar?  Hélt allir væri búnir að gefast upp af að gá hvort ég væri nokkuð þarna.  Hef verið í bloggpásu og hef ekkert gert nema rífa kjaft í annarra manna síðum.  Út og suður kannski og það minnir mig á Umrenning.  Hann hefur ekki verið þarna neinsstaðar.  Já, aumasta ríkisstjórn vestrænnar sögu, ætli það ekki?  Vil þó Jóni Bjarnasyni og Ögmundi ekkert illt.  Hinir mættu fara eins langt og þeir komast.  Við getum alveg óttast hvað hinir flokkarnir muni gera í Icesave.  Við getum verið dauðskelkuð.  Getum ekkert verið viss um stærsta flokkinn heldur þó þeir segist ætla að vera á móti Icesave.   Ætlar þessi fjárans Icesave vitleysa aldrei að enda, Ómar, og við fengið að anda í friði?   Við eigum það skilið.

[Elle_, 3.9.2010 kl. 23:02]

NEI, ég gleymdi Lilju Mósesdóttur, Ómar, Lilja neitaði líka Icesave eins og Ögmundur.  Og eins og þú veist.

[Ómar Geirsson, 4.9.2010 kl. 16:25]

Blessuð Elle.

Ég tek alltaf púlsinn reglulega svo framhlaðningurinn verði ekki ónothæfur vegna ryðs, þegar hans verður þörf þegar næsta landráðalota gengur yfir.  

Félagi Umrenningur var í pásu síðast þegar ég vissi, fylgist með úr fjarlægð.

Ætli það sé ekki svo að fólk sé i biðstöðu, menn óttast vána en ná ekki að festa hönd á henni.  Á meðan eiga stjórnarliðar sviðið og reyna að telja sjálfum sér og öðrum í trú um að núna sé allt á uppleið.  Og hafa eitthvað til sín máls, það munar um minna að losna við ICEsave vextina upp á 60 milljarða.

Það er ljóst að ESB armur Sjálfstæðisflokksins vill landráð í ICEsave deilunni, og þeir geta boðið upp á ráðherrastóla í samstarfi við Samfylkinguna, hvað þá???  Munu þær mútur duga til að hinir sættist á einhverja málamiðlun????  

Gegn því að fá virkjunarstjórn?????

Pólitíkin er skrýtin tík og svik eru í eðli hennar.  En líka margt annað,  til dæmis óttinn við kjósendur og hinn almenni kjósandi Sjálfstæðisflokksins er á móti ICEsave, þess vegna skilur maður ekki þetta japl í flokksforustunni, að hún skuli ekki taka af skarið og afneita öllum ólöglegum samningum á skjön við EES samninginn.

Þetta er svo einfalt, svo einfalt að aðeins annarlegir hagmunir hljóta að útskýra að  það sé ekki gert.  Kannski ótti við Vilhjálm Egils og hans gengi hjá atvinnurekendum, kannski viljinn til að komast í stjórn með Samfó, kannski óttinn við launaða leigupenna ESB, allavega eitthvað er það.

Og það skýrist.

Kveðja að austan.

[Elle_, 4.9.2010 kl. 17:51]

Ómar, þú segir: Munu þær mútur duga til að hinir sættist á einhverja málamiðlun????  

Gegn því að fá virkjunarstjórn?????

Já, akkúrat, ég get alls ekki treyst þeim fyrir að vera harðir gegn Icesave ófögnuðinum ef bara flokkurinn fær nóg.  Hefur alltaf fundist þessi flokkur og samstillti skrípaflokkurinn snúast um flokksvald, ekki lýðræðisvald.  Hafa þeir ekki alltaf verið semjandi??  Jú, þeir hafa verið að semja.  Hver einasti flokkur hefur endalaust verið að semja um Icesave og eru allir sekir.  Semja um hvað?? 

Samningar um Icesave eru eins fáránlegir og að semja við glæpamenn um að þeir megi fremja glæpi, bara ekki eins svívirðilega glæpi.   Og það snýst allt um pólitík í þessum skrattans flokkum og fyrir flokkana sjálfa.  Snýst ekkert um þegnana.   Það er með ólíkindum að hlusta á Jóhönnu og Steingrím hæla ríkisstjórninni fyrir að efnahagurinn hafi lagast eins og þau hafa verið með allar klær úti fyrir að gera okkur blóðug af skuldum.   Ömurleg stjórn.

[Halldór Björgvin Jóhannsson, 5.9.2010 kl. 19:50]

Það er vissulega leiðinlegt að vita af því að helstu forgangs mál núverandi ríkisstjórnar, eins og þú réttilega bendir á Elle er að reyna með fremsta megni að láta alla hafa það virkilega skítt!!

[Elle_, 5.9.2010 kl. 23:02]

Já, Halldór, okkur er víst ætlað að hafa það skítt og ömurlegt af því skrípaflokkur Jóhönnu er með gular Evrópu-stjörnur á heilanum og af því kannski Steingrímur hatar Sjallana af lífi og sál, eins og það sé nú okkur að kenna.  Við skulum finna fyrir hryllingi Icesave, við skulum vita hvað Sjallarnir komu okkur í, þó það hafi óvart enginn Icesave-samningur nokkurn tíma verið gerður fyrr en núverandi ICESAVE-STJÓRN komst til valda. 

[Halldór Björgvin Jóhannsson, 6.9.2010 kl. 20:18]

þó það hafi óvart enginn Icesave-samningur nokkurn tíma verið gerður fyrr en núverandi ICESAVE-STJÓRN komst til valda.

Aldrei of oft bent á þessa staðreynd, og því ítreka ég hana 8)