HVAÐA SKULDIR ÍSLANDS, MÁR GUÐMUNDSSON?

 

Í fréttum kemur fram að Seðlabankastjóri, Már Guðmundsson, talaði um ICESAVE-SKULDIR ÍSLANDS í fyrradag á erlendum vettvangi í Bandaríkjunum, þó það sé löngu vitað og vel vitað að ICESAVE hefur aldrei verið skuld Íslands eða íslenska ríkisins og þar með íslenskrar alþýðu.  Hann hlýtur að vita þetta maðurinn, hann er Seðlabankastjóri landsins.  Nei, nú er hann farinn að tala eins og Gylfarnir - Gylfi Arinbjörnsson, Gylfi Magnússon, Gylfi Zoega, Jóhanna Sigurðardóttir og allur heili flokkurinn að meðtöldum Jóni B. Hannibalssyni, Kristinn Gunnarsson, Steingrímur J. Sigfússon, Vilhjálmur Egilsson, Þorsteinn Pálsson, Þorvaldur Gylfason, Þórólfur Matthíasson og aðrir snillingar hafa löngum gert.  Gert okkur alþýðu landsins skuldug að ósekju.  Og það vegna annarra manna fáráða og glæpa. 

Hvað nákvæmlega liggur að baki einbeittum vilja þeirra við að koma yfir okkur skuld sem við skuldum ekki, skuld einkabanka á erlendri grundu, ofurskuld upp á kannski 500-1000 MILLJARÐA?  Hví eru þau endalaust að draga okkur niður og ergja okkur með þessu?  Halda þau að við höfum ekki nóg með að draga fram lífið á meðan almenningi landsins er kastað út á stétt í gjaldþroti??  Og á meðan sjúkrahúsum í landinu er lokað og læknar flýja land??  Hvað vakir endalaust fyrir þeim?  Ætla þau aldrei að hætta?  Og einu sinni enn: Það verður að fara fram rannsókn á ódauðlegum vilja Seðlabankastjóra, stjórnvalda og formönnum verkalýðsins á að koma þessum óþverra yfir okkur.  Það geta ekki verið eðlilegar orsakir þar að baki.

E.S. Og Þorvaldur Gylfason gerðist svo forhertur að segja í RUV okkar landsmanna einu sinni að það væri HOLLT fyrir okkur að borga ICESAVE. 

KOSTNAÐUR VIÐ ICESAVE HUGSANLEGA MINNI.

 

 

 

Athugasemdir

[Ómar Geirsson, 21.10.2010 kl. 21:16]

Blessuð Elle, þarf ekki bara að tunna hann líka????

Og ekki var ESB fréttamaðurinn skárri í Speglinum áðan, illar eru hvatir þessa fólks sem vill leggja þrælahlekki á samlanda sína.

Bretar vissu hvað þeir áttu að gera við þetta lið í stríðslok.  Spurningin hvort hægt sé að fá tæknilega aðstoð.

Kveðja að austan.

[Elle_, 21.10.2010 kl. 23:08]

Komdu sæll, Ómar.  Jú, það ætti að lemja tunnur við Seðlabankann ekki síður en við alþingi, AGS híbýlin og hinar bankaleysurnar.  En ég hlustaði ekki á Spegilinn.  Fréttamennirnir koma sjaldnast með neinar gagnrýnar spurningar eins og þú veist, ekki íslenskir fréttamenn, nema örfáir eins og Sigmar. 

Nú er Seðlabankastóri að hjálpa Icesave-liðinu á erlendri grundu við að eyðileggja okkur og endalaust komast þau upp með það.  Hvað ætli það verði lengi??  Hvað sem vakir fyrir þeim er löngu orðið rannsóknarefni.  Hefurðu nokkurn tímann vitað af einu þeirra fara að borga Icesave þó??  Ættu þau ekki að hafa stofnað reikning fyrir löngu og lagt inn á hann fyrir Icesave og sýnt í verki að þau meini það sem þau heimta endalaut??

[Ómar Geirsson, 22.10.2010 kl. 06:09]

Blessuð Elle.

Þetta er góð spurning, hví vilja þessir menn borga með annarra manna pening.

En Sigrún var í Speglinum, hún las upp úr lögfræðiáliti breta, kom ekki með nein íslensk rök, og sagði, við erum heppin að verða ekki dæmd vegna mismunar, það eina sem gæti hjálpað til væri að semja við breta, og krossa fingur.

Engin rök, aðeins vitnað í eitthvað nafnlaust, og svo hræðsluáróður eins og hann gerði bestur.

Minnir mjög á vinnubrögð þeirra manna sem unnu fyrir þýska nasista, og útvörpuðu þeirra áróðri til Bretlands.

Þetta var ekki einu sinni áróður, verra en það.

Og segir aðeins eitt, það er stutt í svikasamning, það er verið að mýkja landann, með því að benda á Ragnarrök.

Kveðja, Ómar.