HVER MUN BORGA FYRIR SKEMMDIRNAR Á BÍL GEIRS HAARDE??

Játa að mér fannst saga Hallgríms Helgasonar heldur hrollslega aumur pappír, lagarökin og mannréttindin flækjast ekki beint fyrir honum.  Nenni ekki að orðlengja mikið um þvælustigið.

Hvarflaði að mér að hann hefði fengið stimpil frá Jóhanni nokkrum eða Þóru nokkurri sem skrifa alltaf beinar og sléttar ´fréttir´ um forsetann og ICESAVE.

Langar samt að vita hvort hann hefur engin rök, ekki nein einustu rök fyrir að gamlir menn og litlir krakkar í einu landi eigi að vera ábyrgir fyrir innistæðum banka í fjarlægum löndum.

Eftirlit og starfsleyfi ICESAVE útibús einkabankans var jú undir breskum og hollenskum stjórnvöldum samkvæmt þarlendum lögum um fastar starfsstöðvar banka, lögum Evrópusambandsins sem bæði Bretland og Holland eru í.

Síðan hvenær voru óbreyttir íbúar smáríkja í fjarlægjum löndum gerðir fjárhagslega ábyrgir fyrir bankaeftirliti, pólitík og ríkiskössum stórvelda heimsins???  Stórskáldið veit örugglega svarið við af hverju hann skáldaði þetta upp.

Nei, ekki við því að búast.  En Hallgrímur Helgason, getur verið að þú sért að skrifa fyrir peningaafl sem borgar fyrir skökku söguna??  Og vill endilega koma skuldinni yfir á okkur hin?? 

Og samkvæmt þínum rökum ætti sonur minn að vera rukkaður um skemmdirnar sem þú kannski og hugsanlega ollir á bíl Geirs Haarde þegar þú lamdir í hann??  Og líka miskabætur fyrir aðför að manni.  Sonur minn býr jú í sama landi.

Kannski ætti Geir bara að borga fyrir skemmdirnar sjálfur??  Hann var jú í bílnum að þvælast fyrir höggunum.

Nú datt mér líka í hug sko að fara kannski og ræna banka í nótt með nokkrum ICESAVE vinum.  Komin í hettuna og ræningjagallann.  Verða synir þínir ekki örugglega krafðir um skaðabætur fyrir tjónið sem við munum valda??  Við erum sko öll samlandar.

http://www.visir.is/article/20110312/SKODANIR03/110319722

Vér aumingjar.

E.S.: Og ég spyr Hallgrím núna opinberlega: Geturðu rökstutt það með öðru en brenglunum og kjaftasögum að foreldrar okkar, dætur og synir og við sjálf höfum verið meðsek í glæp þegar stórþjófar með persónuleg not af bönkunum fóru mikinn inni í þeim og ryksuguðu þá að innanverðu??

Gerirðu það ekki, getum við hin skoðað að lögsækja þig fyrir meiðyrði.  Okkar hópur er nógu stór. 

 

Athugasemdir

[Axel Jóhann Axelsson, 15.3.2011 kl. 00:13]

Miðað við pistilinn er ekkert sem bendir til að Hallgrímur Helgason sé alveg með fullu ráði.

Þessi samsuða hans er svo ómerkileg og mikið bull, að engin orð ná yfir það.

Þinn pistill er hins vegar góður og spurningarnar til Hallgríms algerlega réttmætar. Hann hlýtur að svara þeim fljótlega.

[Elle_, 15.3.2011 kl. 01:07]

Já, takk fyrir það, Axel Jóhann.  Hallgrímur Helgason hefur víst ekki mikið fyrir heilindum eða lagarökum í sinni bognu sögu.  Og hann kallar sig rithöfund??  Já, höfundur sem er ekki verðugur lesturs heldur skrifar eins og hann sé á e-s óheils vegum.  Ranglátir höfundar halda ekki lesendum. 

[Ómar Geirsson, 15.3.2011 kl. 10:40]

Takk Elle, ekki vanþörf á að svona senditíkur séu hýddar opinberlega.  Og greyið þóttist iðrast hallelúja söngs síns í þágu útrásar og auðmanna.

Mesta svívirðan er samt ekki blindur stuðningur við fjárkúgunina, heldur að hann skuli ætla samlöndum sínum skrílshegðun breta.

En sú svívirða er aðeins í takt við niðherferð Samfylkingarinnar gagnvart sinni eigin þjóð.

Með föðurlegri blessun Bjarna Ben og hirðar hans.

Kveðja  að austan.

[Elle_, 15.3.2011 kl. 11:50]

Já, Ómar, ætla að bæta svívirðunni við.  Hann getur ekki komist upp með það í friði að skrifa svona ósóma um saklausa menn opinberlega. Og bætti svo link í pistilinn þinn þarna inn í.

[Helga Kristjánsdóttir, 15.3.2011 kl. 13:46]

 Sæl Elle, gott að sjá þig,hjartanlega sammála þér, dreyfði þessum pistli til Facebook vina,þar er Hallgrímur Helgason.

[Halldór Björgvin Jóhannsson, 15.3.2011 kl. 15:01]

Það er erfitt að vera meðsekur í glæp sem gerist langt í burtu, sem maður veit ekkert um og kom ekki nálægt á annan máta en að vera af sama þjóðerni og sá sem glæpinn framdi...

Held að hann ætti að líta aðeins á sjálfan sig og fjölmiðla, getum við þá ekki kennt þeim um fyrir að vera meðvirkir og ekki afla nægra upplýsinga fyrir okkur, ekki heldur þessi maður í alvöru að ég sem Íslenskur ríkisborgari hafi bara geta farið inn í landsbankann og heimtað öll gögn um Icesave og að fá að skoða allt sem tengist bankanum til að finna mér upplýsingar um hvort að það hafi verið eitthvað ólöglegt í gangi og því sé það mér að kenna að þeir komust upp með glæpinn...

Flottur pistill hjá þér Elle.

[Elle_, 15.3.2011 kl. 15:01]

Já, Helga, gott að sjá þig líka og takk fyrir það. 

Núna fyrir skömmu í ÚSögu:

Er Jóhanna Sigurðardóttir góður stjórnmálaleiðtogi?

Nei 97.22%

 

Ætli það sé kannski heimsmet???

[Elle_, 15.3.2011 kl. 15:17]

Já, Dóri, hann hefur víst ekki það vit að skilja ekki að búseta eða þjóðerni kemur málinu akkúrat ekkert við.  Kannski er hann bara svo harðsvíraður að vilja gera saklaust fólk sekt ef hann fær peninga fyrir að segja það?

Og hvað ætli honum og meðhlaupurum hans í þvælunni finnist um það að Björgólfur Thor og ýmsir í innanbúðarliði glæpabankanna búi og hafi búið í öðrum löndum og Björgólfur Thor búi í sjálfu Englandi??  Og bjó þar í gegnum allt ICESAVE málið.  Skiptir það kannski engu máli nú??? 

Skiptir kannski máli í bókum þeirra miklu vitringa hvort við erum 1/2 Bandaríkjamenn, Danir eða Hollendingar, ja eða 95% Englendingar og 5% Íslendingar??