ÍSLENSK GAMALMENNI RÆNDU EKKI BRETA OG HOLLENDINGA.

 

 

 

 

 

 

 

 

Einu sinni datt mér aldrei í hug hvað gæti fundist mikið af svíkjandi mönnum og þjófum í landinu.  Núna veður allt í JÁ-MÖNNUM sem blekkja og skekkja með það eitt ætlunarverk að koma yfir okkur hin kúgunarsamningi. 

Hvaðan koma allir íslensku ´fræðingarnir´ sem halda að kúgun geti verið HAGSTÆÐARI okkur en lög og réttur??  Hvaða mönnum var mútað til að ´fræða´ okkur um hættuna við að segja NEI við ofbeldi??  Hvílík rökleysa. 

Hvernig má það vera að nú komi endalausir Guðmundar og Gylfar, Vilhjálmar og Þorvaldar og Þórólfar undan steinunum og ljúgi upp á okkur ríkisábyrgð?  Og kalli okkur hin þjófa fyrir að hafa víst stolið af breskum og hollenskum ríkisborgurum sem fengu lögbundnar bætur eins og það hefur verið útskýrt oft: SÍBYLJA LYGARINNAR ER ÖFLUGT VOPN FJÁRKÚGARA.  Í Bretlandi fengu menn ólögbundnar bætur í ofanálag, ætlaðar til að bjarga breska fjármálakerfinu og peðinu Íslandi var fórnað fyrir.  Og nú er peðið rukkað um ofbeldið með hjálp innlendra afglapa og mútuþega.

Íslensk gamalmenni rændu ekki bankaútibú í öðrum löndum.  En töpuðu hinsvegar líka peningum við fall bankanna og sum töpuðu ævisparnaðinum.  Hví ættu illa stödd gamalmenni í fjarlægu smáríki að vera ábyrg fyrir ríkisborgurum stórvelda heimsins??  Og gegn lagaákvæðum og stjórnarskrá??

Hættan liggur í að segja JÁ við ofbeldi.  Og hættan er ekki bara okkar, heldur alls heimsins.  Við borgum ekki kúgun bara vegna þess að okkur sé hótað og ICESAVE-STJÓRNIN og öflin sem græða á að níðast á börnunum okkar og gamalmennum vilji það.

VIÐ SEGJUM NEI.   

Athugasemdir

[Elle_, 2.4.2011 kl. 21:10]

E.S.: Lögbundnu bæturnar komu alls ekki úr bresku og hollensku ríkissjóðunum eins og oft hefur verið logið að okkur.  Heldur úr lögbundnum tryggingasjóðum  (DNB og FSCS)  landanna 2ja þar sem ICESAVE útibúin voru með SKYLDUTRYGGINGAR samkvæmt lögum, jafnhliða íslensku tryggingunni í TIF.  

ICELANDERS OWE NOTHING: Alain Lipietz.

ÍSLENDINGAR SKULDA EKKERT: Alain_Lipietz.

[Ómar Geirsson, 3.4.2011 kl. 00:45]

Blessuð Elle.

Það er skrýtin þjóð sem fékk mann í heimsókn, sem útskýrði fyrir henni lögin og hvernig þau væru hugsuð.  Vissi það mjög vel, því hann hafði komið að endurskoðun þeirra.

Og hann var úthúðaður fyrir að vera starfsmaður vegagerðarinnar, og þar með afgreiddur af fjölmiðlamönnum.

Eina sem skýrir þetta Elle, er bráð veirusýking í bland við landlæga minnimáttarkennd sem birtist í því að úthúða þjóð sína.

Við skulum vona að Nei-ið lækni þessa sýkingu.

Kveðja að austan.

[Elle_, 4.4.2011 kl. 00:51]

Já, Ómar.  Oft voru það útlendingarnir sem studdu okkur eins og Alain Lipietz, Daniel Gros, Dirk Bezemer (með Gunnari Tómassyni), Joseph Stiglitz, Max Keiser, Michael Hudson, Michael Waibel, Peter Ørebech, Thomas Vermes og menn sem ég man ekki í svip.  Og hvað??  Skiptir engu máli.  ICESAVE-ÓSTJÓRNIN notar bara forherta menn eða spillanlega.  ICESAVE-STJÓRNIN VINNUR GEGN OKKUR.  Æ, ótrúlegt.