LANGJÖKULL: 11 ÁRA DRENGUR VISS UM AÐ ÞAU MYNDU DEYJA

LANGJÖKULL:

 

 

 

 

  

 

 

 
Í Langjökli     

Fyrir skömmu týndust skosk kona og 11 ára sonur hennar í Langjökli.  Þangað fóru þau með hópi ferðamanna og heilum 4 leiðsögumönnum.  Hvernig má það vera að 4 leiðsögumenn týni 2 mönnum úr hópnum?  Og stofni lífi þeirra í bráða hættu?  Og getur hver sem er farið upp í fjöll og öræfi, án nokkurrar skyldu um að láta vita?  Þó frjálst fólk sé vissulega frjálst ferða sinna, hljótum við að þurfa lög um öræfaferðir.  

Eru ekki vissar öryggisreglur sem farið er eftir þegar farið er með fólk upp í jökla og öræfi?  Getum við bara týnt fólki ef það dregst aftur úr og nær ekki beygjum?  Nákvæmlega eins og þarna gerðist.  Hvaða eftirlit er haft með hópferðum fólks í öræfum landsins?  Og hvaða eftirlit er haft með getu og þekkingu leiðsögumanna sem fara með fólk upp í fjöll og firnindi?  Illviðri var spáð og samt fór ferðafyrirtæki með grunlaust og ósérhæft fólk upp í öræfi.  Og ungt barn þar á meðal.

Skosk kona, Beata Scott, týndist með 11 ára syni sínum, Jeremy Scott, í Langjökli fyrir skömmu.  Þau voru saman í vélsleða, þegar konan náði ekki beygju vegna þreytu.  Og það var allt sem þurfti.  Þarna hefði ungur 11 ára drengur og mamma hans getað látið lífið, hefðu þau ekki haldið kyrru fyrir í 9 tíma í byl og nístingskulda.  Drengurinn brast í grát strax og mamma hans fylltist örvæntingu og öskraði.  En enginn heyrði nema fjöllin.  Hana langaði mest að gráta. 

Í örvæntingu og vindi hófst konan handa og með hjálp ungs sonarins, snéru þau vélsleðanum á hvolf og byggðu yfir hann vegg úr snjó, sem skýli og héldu þar kyrru fyrir.  Konan lagðist ofan á son sinn til að halda á honum hita og þannig lágu þau í heila 9 tíma í nístingsgaddi.  Konan var orðin úrkula vonar og drengurinn ungi var viss um að þau myndu deyja á jöklinum.  Faðir drengsins, Mike Scott, líkir björgunarmönnunum, sem björguðu lífi þeirra 2ja, við ofurmenni, sem ekkert fær stöðvað. 

Og þó illviðri væri spáð, var fólkið ekki einu sinni varað við að veðrið kynni að verða vont.  Það hlýtur að vera lágmarkskrafa að stíft eftirlit sé haft með mönnum og fyrirtækjum, sem mega fara með hópa fólks upp í öræfi.  Það hljóta að þurfa að vera lög um það, lög sem ná yfir leyfi þeirra.  Maður getur ekki ráðskast með líf fólks og haft engin viðurlög við slíku ólýsanlegu kæruleysi.  Fjöldinn allur af erlendum fréttamiðlum hefur nú skrifað um þessa skömm.  

 

(Leturstærð var minnkuð að beiðni Guðmundar Júlíussonar). 

================================================================

 NEW I-PHONE APPLICATIONS FOR SKIERS:

 

 

RUV FLYTUR RÓG FYRIR ÖFGAMENN

RUV FLYTUR RÓG FYRIR ÖFGAMENN

 

 

Hvað eftir annað flytur RUV brenglaðar og ógagnrýnar´fréttir´og fullyrðingar beint orðaðar úr Icesave-munni Jóhönnu og co. og liggur við að þau fái að flytja Icesave-fréttirnar sjálf.  Og það er alveg sama hvort það er silfur-egillinn, Spegillinn, sjónvarpsfréttir, útvarpsfréttir eða vefurinn.  RUV er andstyggilega meðvirkt Icesave-stjórninni.

 

Nógu er nú slæmt að ríkisstjórn landsins, ef stjórn skyldi kalla, skuli detta í hug að nota skrípa-orð eins og ICESAVE-LÁN  og ICESAVE-SKULDBINDINGAR  yfir fjárkúgun bresku, hollensku og íslensku Icesave-stjórnanna.  En verður RUV endilega að hafa vitleysuna upp gagnrýnislaust og skaða íslensku þjóðina sem þeir vinna fyrir???  Halda þeir kannski að þeir vinni fyrir Jóhönnu???  Erum það ekki annars við sem erum rukkuð um RUV-nauðungarskattinn?  Jú, nú skal nota RUV-skattinn okkar til að flytja róg um Icesave-sekt okkar og Icesave-skuld okkar í þágu hagsmuna gjörspilltra pólitíkusa.

   

Oft þegar Jóhanna fær lygakast og kallar Icesave "LÁN FRÁ BRETUM" OG "OKKAR SKULDBINDINGAR ", hefur RUV það eftir henni orðrétt.  Orðið ICESAVE-LÁN var notað í RUV núna á dögunum.  Þarna notar sjálfur útvarpsstjóri RUV þetta orð án nokkurrar gagnrýni: Ríkisstjórnin svarar á morgun.   Og það kom víst beint frá Jóhönnu Sigurðardóttur og skal engan undra.  Þarna notar RUV orðskrípið ICESAVE-SKULDBINDINGARNAR, líka beint eftir Jóhönnu Sig.: Formannafundi lokið.

 

Og egillinn hlutdrægi er verstur.  Maður þarf að vera steinsofandi til að lesa ekki í gegnum langvarandi EU og Icesave áróðurinn í honum.  Það er mikil skömm að svo hlutdrægur maður skuli halda langan og vikulegan umræðuþátt í RUV okkar og móta þannig hættuleg og röng sjónarmið um þrælalög gegn börnum og foreldrum þessa lands.  Hann er að skaða okkur.  Það ætti að leggja niður egilinn sem eina stjórnanda þáttarins.  Það hlýtur að vera krafa landsmanna sem kæra sig ekki um að verða lagðir undir ok og vald EU og þeirra ólögmætu Icesave-kröfur.

 

Það er mikil skömm að hann skuli líka halda úti hlutdrægri vefsíðu, þar sem mönnum sem verja landið er iðulega kastað út og þeir kallaðir öfgamenn.  Nokkrir menn, sem hafa verið að skrifa gegn hinni ólöglegu ríkisábyrgð á Icesave í vefinn hans, hafa skýrt frá að þeim hafi verið kastað út af járnsíðu egilsins og hann lokað á þá.  Samt fá öfga-EU-sinnar endalaust að bulla í vefnum hans, og ranglega kalla menn, sem vilja eðlilega halda sjálfstæði landsins og ríkisins, AFDALASINNA og EINANGRUNARSINNA.  Og öfga-Icesave-sinnar fá líka að bulla þar um Icesave-ríkisábyrgð og Icesave-skuld okkar og fá ranglega að kalla menn sem verjast nauðunginni, ÞJÓÐREMBUR og ÖFGAMENN.  Nei, þeim er ekki kastað út.

     

Það er vita augljóst hvar egillinn stendur í EU og Icesave og að hann er EKKI hlutlaus.  Ætti svo hlutdrægur maður að stýra þætti með svo miklu áhorfi í miðli sem við borgum fyrir með nauðungarskatti?  Í útvarpi okkar landsmanna???  Hann hefur sjálfur ranglega kallað menn, sem eru andvígir ólöglegri Icesave-kröfunni, öfgamenn.  Eru þá Jón Steinar Gunnlaugsson, Lárus L. Blöndal, Magnús Ingi Erlingsson, Ragnar Hall, Sigurður Lindal, Stefán Már Stefánsson og Ögmundur Jónasson öfgamenn???  Er það?

 

Hverjir eru í alvöru öfgamennirnir?  Menn sem verjast gegn ólöglegri fjárkúgun?  Menn sem vilja verja mennsku og æru sína og barnanna sinna?  Menn sem vilja ekki að börnin þeirra verði niðurlægðir skulda-þrælar auðmanna og glæpamanna af völdum yfirgangs-pólitíkusa?   Nei, þeir eru ekki öfgamennirnir hér.  Hinir, glæpamennirnir og pólitíkusarnir, sem ætla að koma ólögmætu okinu yfir fólkið - breskir, hollenskir og íslenskir stjórnmálamenn, og menn í stjórn EU sem knýja á ríkisábyrgð á Icesave, þó þeir hafi næg lagarök gegn ríkisábyrgð, og allir hollustumennirnir - eru ÖFGAMENNIRNIR.

 

GETUR BJARNI BEN EKKI SAGT NEI? EN SIGMUNDUR?

GETUR HANN EKKI SAGT NEI?

Bjarni Benediktsson.

Hann vill ekki hafna neinu, hann vill halda þessu opnu, hann vill skoða þetta betur, segir hann.  Skoða hvað, Bjarni Ben???  Meinarðu skoða ólöglega kúgun???  Þú veist vel, eins og við hin, að við skuldum ekki Icesave, höfum aldrei skuldað Icesave og munum aldrei skulda Icesave.  Hvað viltu skoða þá?  Ef þú kannt ekki að segja NEI, þarftu að læra það.  Menn verða að kunna að standa í lappirnar og segja NEI.  Þú hefur ekki leyfi til að vinna með ógnarstjórnum Bretlands, Hollands og Íslands og semja um neitt Icesave.  Það verður alfarið að hafna þessari nauðung.  

Getur það verið lúmska eða undirferli sem dregur þig áfram núna í málinu?  Kannski knýr þig löngun þín og vilji fyrir að koma okkur inn í Evrópu-ríkið???  Kannski viltu ekki styggja Evrópu?  Getur það verið, Bjarni Ben, að þú hafir nú lagst jafn lágt og Jóhanna Sigurðardóttir og Össur Skarphéðinsson?  Eða snýst það um að halda völdum???  Hafnaðu þessu núna strax - ef þú gerir það ekki, mun það verða þitt fall.  Við munum ALDREI borga Icesave.  Við munum koma ykkur burt, burt úr stjórn, burt frá völdum og fella alla ógilda Icesave-nauðungarsamninga sem verða píndir yfir okkur.  Og þið munuð þurfa að svara fyrir voðaverkið. 

 

EN SIGMUNDUR?

Sigmundur Davíð Gunnlaugsson.

Og Sigmundur, það er gott að þú vilt snúa þér að öðrum málum.  Fyrir löngu hefði þurft að hafna þessari ótrúlegu vitleysu.  En þú gast það ekki, þú varst ekki í stjórn.  Um leið og stjórnvöld vissu að okkur bæri engin lagaleg skylda til að borga Icesave, hefðu þau átt að hafna nauðunginni alfarið.  Ekki semja um skuld sem við skuldum ekki og sem við erum krafin um og nánast handrukkuð um, ólöglega og af ótrúlegri ósvífni.  Þetta veistu vel, Sigmundur, og þú barðist manna harðast gegn nauðunginni.  Svo ég furða mig á því að þú skulir tengja fall hollensku stjórnarinnar við það að snúa okkur að öðrum verkum.  Það kemur ekkert falli hollensku stjórnarinnar neitt við að Icesave er fjárkúgun sem verður að hafna.  Icesave kemur okkur bara ekki neitt við.  Við segjum NEI og aftur NEI og 100% NEI.  Hinir eru meðsekir, huglausir eða steinsofandi.  

Vill skoða tilboðið betur

MAÐUR SEMUR EKKI UM FJÁRKÚGUN

MAÐUR SEMUR EKKI UM FJÁRKÚGUN.

 

Nú er Icesave-stjórnin á fullu að semja og semja um hvað???  Jú, semja um fjárkúgun!?  Hvað lætur þau enn halda að þau hafi vald til að semja gegn lögum?!   Lögum, sem þó hafa fyrir löngu verið ítarlega skýrð, -já, skýrð út í ystu æsar af færustu og lærðustu lögmönnum, bæði erlendis og innanlands.  Af fjölda lögmanna og lagaprófessora, eins og Jóni Steinari Gunnlaugssyni og Lárusi L. Blöndal.  Magnúsi Inga Erlingssyni og Ragnari Hall.  Sigurði Líndal, Stefáni Má Stefánssyni og Vigdísi Hauksdóttur.

 

Manni fallast nánast hendur.  Manni verður orða vant.  Ríkisstjórn lands getur tæplega gerst andstyggilegri og vitlausari en semja við fjárkúgara.  Ógnarstjórn semur um fjárkúgun gegn eigin þjóð.  Hvað í veröldinni er það sem þau ekki skilja???  Er þetta ekki nokkuð skýrt?:

Það eru öll rök sem hníga að því að íslenska ríkið eigi ekki að veita ríkisábyrgð á Icesave-skuldbindingum Íslands gagnvart Bretum og Hollendingum. Þegar lög nr. 98/1999 um innistæðutryggingasjóðinn voru samþykkt (lögleiðing á tilskipun 94/19/EB) var sérstaklega tekið fram í frumvarpinu að bankarnir sem þá störfuðu væru ekki lengur ríkisbankar og að innstæðutryggingasjóðurinn skyldi vera sjálfseignarstofnun og ekki ríkisstofnun:

MAGNÚS INGI ERLINGSSON, LÖGFRÆÐINGUR OG SÉRFRÆÐINGUR Í EVRÓPURÉTTI, DES., 09.

LINK VANTAR 

 Eða þetta?:

Sigurður Líndal lagaprófessor segir óskiljanlegt af hverju ekki er búið að leggja það fyrir dómstóla hvort Íslendingar eigi að borga Icesave skuldirnar. Aðalatriðið sé að fá réttarstöðu þjóðarinnar gagnvart Bretum og Hollendingum á hreint áður en skuldirnar verði greiddar.

Jón Steinar Gunnlaugsson hæstaréttardómari segir það skyldu íslenskra ráðamanna að látið verði reyna á það fyrir dómstólum hvort þjóðin eigi að greiða skuldir vegna Icesave. Sigurður Líndal lagaprófessor tekur í sama streng og Jón Steinar og segir að sér finnist það óskiljanlegt að ekki skuli hægt að leggja málið fyrir dóm. Að mati Sigurðar hljóta Íslendingar að eiga rétt á því og slíkum dómstóli hlýtur að vera hægt að koma á fót.

Sigurður segist frekar vilja tapa slíku máli þannig að réttarstaðan verði skýr en að vera í óvissu og „láta gagnaðilana einhliða ákvarða skyldur okkar.":

 

JÓN STEINAR GUNNLAUGSSON, HÆSTARÉTTARDÓMARI OG SIGURÐUR LÍNDAL, LAGAPRÓFESSOR, JÚNÍ, 09: 

 

http://www.visir.is/article/20090623/FRETTIR01/167917635

 Ekki er þetta rosalega flókið?:

Hvenær tók íslenzka ríkið að sér að ábyrgjast skuldir Landsbanka Íslands sem var í einkaeign og ríkinu - og þar með íslenzku þjóðinni - óviðkomandi og hvar er staður fyrir slíkri ábyrgð í lögum, samningum eða löglega bindandi yfirlýsingum? Slíkar íþyngjandi skuldbindingar verða að styðjast við skýra réttarheimild:

 SIGURÐUR LÍNDAL, LAGAPRÓFESSOR, OKT., 09: 

 http://visir.is/article/20091013/SKODANIR03/305364061

 

 Eða loks þetta?:

Stefán Már Stefánsson, prófessor við lagadeild Háskóla Íslands, er ósáttur við að samið hafi verið um að greiða icesave reikningana. Hann segir ekki lagalegar forsendur fyrir greiðslunni. Hann segir málið klúður af hálfu Evrópusambandsins.  Stefán segist hafa viljað sjá Alþjóðlega dómsstóla skera úr um hvort Íslendingar ættu að ábyrgjast tryggingasjóðinn. Honum finnst ekki sanngjarnt að Íslendingar séu beittir þrýstingi og fái ekki dómsúrlausn um hvort skoðun gagnaðilanna sé rétt. Það gangi ekki í samskiptum ríkja:

 

STEFÁN MÁR STEFÁNSSON, LAGAPRÓFESSOR, JÚNÍ, 09:

http://ruv.is/heim/frettir/frett/store64/item280855/

 

 

 

 

MAÐUR SEMUR EKKI UM FJÁRKÚGUN. 

OPNIÐ BANKAREIKNING FYRIR KÚGARANA

JÁ, OPNIÐ REIKNING FYRIR KÚGARANA

 

 

Afvegaleiddar raddir hafa heyrst alltof lengi í landinu um Icesave.  Mjóar músaraddir og rakalausar raddir sem ljúga upp á okkur og börnin okkar skuld sem við skuldum ekki.  Og ´rökin´ eru af því bara og af því við erum víst íslensk og íslenskir ríkisborgarar.  En hvað með okkur hin sem erum kannski bara 1/2 íslensk í blóðið, kannski líka 1/2 afgönsk eða dönsk???  Þurfum við líka að borga fyrir kúgun?  Og hvað með okkur, sem erum kannski tvöfaldir ríkisborgarar, -kannski líka bandarískir eða færeyskir, ja, eða hollenskir ríkisborgarar?  Þurfum við líka að borga Icesave?

 

Og svo koma ´rökin´ um hvað við vorum sek og vond og eyddum peningum í hryllilegan munað eins og fjölskyldubíl.  Já, venjulegan fólksbíl svo við yrðum ekki að labba langar leiðir með 7 börn í togi ef við dirfðumst að fara í vinnu.  Og svo við yrðum ekki að eyða 5 tímum á dag í að fara fyrst í strætó með börnin í gæslu og skóla.  Strætó sem ekur inn í öll úthverfi bæjarins með okkur, eftir að við erum löngu frosin í hel við að bíða eftir honum.  Og svo stoppar hann ekki einu sinni þar sem við þurfum að fara út.  Og þá tekur við löng ganga með alla litlu krakkana.  Já, og svo keypti Jói Jóns í næstu götu víst einu sinni skjá sem hann þurfti við vinnuna í skúrnum heima af því hann var sjálfstæður verktaki.  Og af því skjárinn var víst flatur, skuldum við hin öll Icesave.  Icesave-skuld Londonbúans Björgólfs Thors ríka, sem Evrópulöndin rukka okkur fyrir af því hann þarf að nota peningana sína í annað, -í merkilegri hluti en borga skuldir.  Leyfðist honum ekki einu sinni að segja í RUV OKKAR eftir fall bankans HANS, að bankarnir hafi farið á hausinn af því við hin sem byggjum þetta land, eyddum peningum í flatskjái???  Eða var það kannski einn hinna?

 

Ja-há, það eru stórmerkileg ´rökin´ fyrir Icesave ´skuldinni okkar´.   Og hvaða heilastöðvar nota þeir menn og þær konur, sem vilja endilega borga fjárkúgun handrukkara???  Geta þau ekki borgað Icesave sjálf og haldið okkur hinum utan við vitleysuna ÞEIRRA?  Já, geta þau ekki bara opnað bankareikning fyrir kúgarana og skrifað undir loforð um að helmingur tekna þeirra muni fara inn í bankann fyrir Icesave?  Icesave kemur okkur hinum ekkert við.  Og ég mæli fastlega með Landsbankanum.  Já, það ættu Icesave-liðarnir og Icesave-sinnarnir að gera.  Vegna þess að við hin erum mennsk og ekki fífl og höfum sjálfsvirðingu.  Og við ætlum ekki að borga neitt Icesave.  Ætlum alveg örugglega ekki að borga neitt Icesave.  ALDREI.  Alveg sama hvað við erum ólöglega sköttuð af Icesave-stjórninni.  Og alveg sama hvað við erum kúguð og pínd af AGS og Evrópu-veldunum.  Nei, og aftur nei.  Við látum ekki fara svona með okkur. 

 

SETTING AN EXAMPLE!!  ICELAND REFUSES TO PAY!!!!!!!!!!!!!!!!!!!! 

 

HVAÐ ERU INDRIÐI OG STEINGRÍMUR AÐ VERJA???

HVAÐ ERU ÞEIR AÐ VERJA???

Indriði H. Þorláksson og Steingrímur J. Sigfússon.

Nú hefur Indriði H. Þorláksson komið fram og lýst enn einu sinni yfir ábyrgð ísl. ríkisins á Icesave, þó hann viti að ábyrgðin sé lagalega engin.  En siðferðislega víst, að hans mati.  Og hvernig þá, Indriði, og þið hinir sem haldið þessu fram?  Indriði hefur skrifað um meinta ábyrgð okkar fyrir ólöglegri fjárkúgun stórvelda í Evrópu, í opinbera grein í Fréttablað eins stærsta glæframanns landsins, og þó víðar væri leitað.  En þar, eins og í RUV, hafa komið fram endalausir Icesave-liðar og Icesave-sinnar, hver á fætur öðrum allt sl. ár, og nú hampa þeir Indriða fyrir ´rökin´og verja nauðungina sem skyldu okkar landsmanna gagnvart nýlenduveldunum: Jón Kaldal, Sverrir Jakobsson, Þorsteinn Pálsson + + +  Indriði segir að við eigum ekki að ganga um með betlistaf!?   Hvaða betlistaf, Indriði???   Hver er með betlistaf, við almúgi landsins eða þið hinir, Icesave-sinnarnir, og ræningjarnir í Evrópu, sem vinnið að því hörðum höndum saman að ræna okkur skattpeningum 79 þúsund okkar af 150 þúsundum?  Yfir helmingi skattfés landsins?  Og svo kastar hann spjótum i Eva Joly, eins verndar-engils okkar í heiminum, innanlands og utan.  Hvers vegna, Indriði, kastarðu í Eva Joly??? 

 

 

Steingrímur J. Sigfússon hefur komið fram í Morgunblaðinu og kannski viðar, og ver þar Indriða.  Og ekki við öðru að búast af manninum, sem sjálfur hvolfdist eftir valdatökuna í apríl og skiptist yfir í heitan Icesave-sinna úr heitum AGS- og Icesave-fjandmanni.  Enda hefur Steingrímur varið hrikalega glæsilegan og glæstan Svavars-samninginn af miklum eldmóði allar götur síðan Svavar Gestsson nennti þessu ekki lengur:

Glæsileg niðurstaða:

http://www.youtube.com/watch?v=Da88dIQoToU

 

 

Er hegðun og skrif Indriða, Steingríms og Svavars ekki bara sjálfsréttlætingar og sjálfsvarnir sigraðra manna í dauðateygjunum eftir opinberar árásir og skot Jóhönnu Sigurðardóttur og Kristrúnar Heimisdóttur?  Og hversu óheiðarlegt, ómerkilegt og ótrúverðugt sem það er nú af þeim að koma fyrst fram núna með slíka gagnrýni á mennina 3.   Það vekur óneitanlega upp enn alvarlegri spurningar um trúverðugleika og vanhæfni Jóhönnu.  Nógu var það nú slæmt fyrir.  Tími hennar í stjórn enda löngu kominn og farinn.  Og einna mest óþolandi af öllu eru gagnrýnislausar fréttir RUV okkar landsmanna, gegn endalausum rangfærslum Icesave-sinna um meinta ríkisábyrgð á Icesave.

 

 

Verð að bæta við nokkrum linkum sem lýsa nánar en mér tókst, hvernig Indriði ætlar með öllum fölskum ráðum að þröngva upp á okkur ríkisábyrgð.  Indriði lætur eins og minnismiði hinnar fyrri ríkisstjórnar, og samkomulag við handrukkarana í Evrópu, um að gera seinna drög að samningi eftir vissum lögum, sé lögbundinn samningur, þó hann viti bæði að rukkararnir hafi aldrei farið eftir lögunum og löggjafarvaldið okkar hafi heldur aldrei fallist á það sem rukkararnir innheimtuðu. 

Aðstoðarmaður gerir eitt, ráðherra segir annað

Málsvörn Indriða H.

Ósvífni Rúvara í framsetningu fullyrðinga Indriða H. Þorlákssonar eins og um ósvikinn sannleika væri að ræða!

AÐ SNÚA MÖNNUM Á HVOLF - 1. KAFLI

AÐ SNÚA MÖNNUM Á HVOLF

 

 

 

Hvaða ógnarvald getur nokkur maður eða kona haft yfir Steingrími Jóhanni Sigfússyni, þeim harðfylgna og rökfasta manni?  Hvaða vald dugði til að snúa honum gjörsamlega á hvolf???  Hvernig gat einn aumur flokkur, með 29% fylgi og enga sjáanlega mannlega hugsjón, snúið honum þvert gegn hans fyrri vilja í öllum stærstu málunum?  

NOKKRAR ÁHERSLUR VG, SEM SAMÞYKKTAR VORU Á LANDSFUNDI Í MARS, 09:

Stöndum vörð um hagsmuni Íslands í Icesave-málinu og lágmörkum skuldir þjóðarinnar af þeim sökum með öllum tiltækum ráðum:

http://www.vg.is/stefna/malefni

 

ENDURTEKNINGAR:

STEINGRÍMUR J. SIGFÚSSON, STJÓRNAR-ANDSTÆÐINGUR:

OKTÓBER, 08:

Steingrímur J. Sigfússon, formaður vinstri grænna, segir að það verði gerð uppreisn hér á landi verði gengið að kröfum Breta og Hollendinga um að Íslendingar greiði 600 milljarða króna vegna Icesave-reikninganna:

http://www.ruv.is/heim/frettir/frett/store64/item233100/

OKTÓBER, 08:

Steingrímur J. Sigfússon formaður Vinstri grænna segist hafa heyrt þann orðróm að Alþjóða gjaldeyrissjóðurinn hafi sett sem skilyrði að mál vegna Icesave reikninga Landsbankans yrðu gerð upp að fullu við Breta og Hollendinga.
Steingrímur segir að ef það sé rétt að þetta tvennt hangi saman sé það hrein fjárkúgun. Ekki liggi fyrir að okkur sé lagalega skylt að gera það og þetta bendi til þess að verstu martraðir séu að rætast varðandi aðkomu Alþjóða gjaldeyrissjóðsins:

http://www.mbl.is/mm/frettir/innlent/2008/10/22/likir_bretalani_vid_fjarkugun/

JANÚAR, 09:

Framan af höfðu ýmsir ráðherrar ríkisstjórnarinnar uppi stór orð um að ekki kæmi til greina að Íslendingar létu kúga sig til uppgjafar í deilunni um hina lagalegu og þjóðréttarlegu ábyrgð landsins gagnvart Icesave-reikningunum. Eins og lögfræðingar hafa bent á var hlutverk innlánatryggingarkerfa samkvæmt reglum ESB/EES-svæðisins aldrei að takast á við allsherjar bankahrun, heldur aðeins fall einstakra banka.

Eins og undirritaður lýsti yfir við atkvæðagreiðslu um málið í þinginu 5. desember síðastliðinn lítur þingflokkur Vinstri grænna á samninginn sem riftanlegan eða ógildanlegan nauðungarsamning. Enn er hægt að afstýra stórslysi fyrir íslenska þjóð. Taki Tryggingarsjóðurinn hins vegar við skuldunum er ljóst að þá verður ekki aftur snúið: Þá hefur þjóðin endanlega verið skuldsett á grundvelli pólitískra þvingunarskilmála sem ríkisstjórnin hafði ekki dug í sér til að standa gegn:

http://www.amx.is/adgerd.php?adgerd=pdf&id=7628

Hvað kom fyrir hann Steingrím???   EKKI ÞÓ ÞETTA?:

Náist ekki samstaða um lyktir Icesave-málsins innan ríkisstjórnarflokkanna í vikunni er ríkisstjórnarsamstarfinu sjálfhætt.  Þetta er mat Jóhönnu Sigurðardóttur, sem hefur misst alla þolinmæði vegna málsins:

http://www.visir.is/article/20090930/FRETTIR01/990584744/1031

 

 

Ekki minnist ég þess að hafa nokkru sinni haft svona mikið vald yfir manni, -þó ég sé nú dugleg.

 

ÉG ER AÐ ENDURTAKA ÝMISTLEGT ÚR FYRRI PISTLI MÍNUM: STEINGRÍMUR STJÓRNARANDSTÆÐINGUR, EN ÞAÐ SAKAR VÍST EKKI.  VIL LÍKA BENDA Á EFTIRFARANDI PISTLA:

ICESAVE-SAMNINGARNIR BRJÓTA GEGN STJÓRNARSKRÁNNI

 

STEINGRÍMUR VANMETUR INNANLANDSKRAFTANA SEM TAKA MUNU SIGURBIKARINN ÚR HÖNDUM FJENDA OKKAR - HEILAÞVOTTUR MISTÓKST!

 

UMSKIPTINGURINN STEINGRÍMUR J. SIGFÚSSON

 

VITIÐ ÞIÐ EKKI HVAÐ ER VERIÐ AÐ GERA ÞJÓÐINNI??

 

ÞAÐ ERU LANDRÁÐ AÐ SEMJA UM ICESAVE FRAMHJÁ LÖGUM OG REGLU

 

ÞAÐ VAR SVO SEM EKKI VIÐ ÖÐRU AÐ BÚAST FRÁ HONUM

 

ÞORÐI FLOKKSRÁÐ VG EKKI AÐ MINNAST Á ICESAVE? ÞAGGAÐI STEINGRÍMUR NIÐUR Í LIÐINU?

 

AGS STÝRIR RÍKISSTJÓRNINNI

Franek Rozwadowski, Mark Flanagan, AGS (IMF).

Í yfirlýsingu stjórnvalda vegna samkomulags við AGS kom fram að fari erlendar skuldir upp í 240 prósent geti landið ekki staðið undir skuldabyrði sinni. Samkvæmt upplýsingum sem Seðlabankinn sendi frá sér í september sl. munaði aðeins nokkrum prósentustigum að Ísland kæmist yfir þau mörk.

http://www.visir.is/article/20090908/FRETTIR01/226509846/1064

 

 

Í nóvember 2008 mat AGS að 240% skuldahlutfall væri „augljóslega óviðráðanlegt“ (clearly unsustainable).  Ári síðar telur sjóðurinn að 310% hlutfall sé viðráðanlegt.  Þessi mótsögn í mati sjóðsins er athyglisverð í ljósi þess að íslenska ríkið gæti ekki ábyrgst lán Tryggingarsjóðs innstæðueigenda og fjárfesta frá breska og hollenska ríkinu ef skuldaþolsmörkin frá því í nóvember 2008 héldu og væru enn 240%.  Það er ekki hægt að útskýra þessa stefnubreytingu AGS nema með þeim hætti að Bretar og Hollendingar hafi beitt pólitískum þrýstingi í stjórn AGS til að tryggja að íslenska ríkið taki á sig Icesave-skuldbindingarnar.

Alþingi, 15. nóv. 2009.

Lilja Mósesdóttir,
Ögmundur Jónasson.

 

http://www.althingi.is/altext/138/s/0247.html

 

 

Og Icesave-stjórnin ætlar samt að gangast undir Icesave.  Og gera ríkið gjaldþrota.

EFTIR NEITUN FORSETANS

EFTIR NEITUN FORSETANS

 

 

January 5, 2010

 

 

Eftir neitun forsetans vissum við vel að núna færi áróður okkar tryggu ríkisstjórnar gegn okkur að herðast og rangfærslurnar um Icesave kæmu úr hverju skúmaskoti.  Núna hafa líka eitur-pennar og raddir Jóhönnu Sigurðardóttur farið um sem nornir á kústum um heiminn, með nótur frá Jóhönnu í vasanum.  Og Jóhanna og Steingrímur J. eru enn á fullu með sinn gamla hræðsluáróður um drauga í gömlum kjallörum og leynihellum.  Steingrímur lýsti yfir í Morgunblaðinu í gær að dómstólaleiðin væri varhugaverð.  Og af hverju skyldi það nú vera?:

DÓMSTÓLALEIÐIN VARHUGAVERÐ

Er Steingrímur að ljúga???? 

 

Eiríkur Bergman er einn stærsti leigu-penni og rödd Jóhönnu og co., og Evrópuríkisins, sem hann hefur lengi lofað í fjölmiðlum við hvert tækifæri.  Núna síðastliðið mánudagskvöld fór hann í útvarp ríkisstjórnarinnar, í Spegilinn, og rakkaði niður forsetann fyrir neitunina hans þegar hann bjargaði þjóðinni frá tortímingu.  Og skömm Eiríks er mikil:

Eiríkur Bergmann Einarsson ræðst á þjóðnýt afskipti Ólafs Ragnars Grímssonar af Icesave-málinu

Ómar Valdimarsson blaðamaður er líka dyggur eitur-penni Jóhönnu og co., en Ómar hefur skrifað fjölda rangfærslna á erlendum vettvangi um upplogna Icesave-skuld okkar.  Ætlun Icesave-stjórnarinnar er að pína Icesave í gegnum Alþingi eina ferðina enn og hafa af okkur kosninguna í mars með öllum ráðum.  Við vissum það, þó við getum ekki skilið hvað vakir fyrir slíkum óargardýrum gegn íbúum þessa lands: 

Lygar Ómars Valdimarssonar, News Scotsman

Lygar Ómars Valdimarssonar, Reuters

Lygar Ómars Valdimarssonar, Sify

 

 Eins og þið nú vitið, skrifaði Þórólfur Matthíasson, eitur-penni Jóhönnu Sig., níð um okkur Icesave-andstæðinga í Aftenposten í gær og gerði 500 - 1000 MILLJARÐA Icesave-nauðungina að engu merkilegra máli en grænum, gömlum 5 eyringi.  Eins grátlegt og ótrúlegt og það er, er maðurinn Íslendingur og býr sjálfur í landinu.  Skrif Þórólfs í Aftenposten eru með því ómerkilegasta sem nokkur maður getur skrifað um blásaklausan almúga landsins.  Hann er dyggur þjónn Jóhönnu og co. við að sparka í liggjandi menn. 

Við, íslenskur almenningur og íslenska rikið, berum ekki nokkra ábyrgð, hvorki lagalega né öðruvísi, fyrir Icesave-skuldum Landsbankans.  Næg rök hafa verið færð fyrir þessu af færustu lagaprófessorum.  Hagfræðingarnir Þorvaldur Gylfason og Þórólfur Matthíasson hafa löngum farið mikinn fyrir Icesave-stjórnina í innlendum fjölmiðlum í hættulegum Icesave-áróðri þeirra.  Þorvaldur Gylfason fær að skrifa fasta Icesave-pistla í Fréttablað eins stærsta glæframanns landsins, sem fjárstutt hefur Jóhönnu-flokkinn, og leyfðist líka að láta það út úr sér í RUV, ÚTVARPI OKKAR LANDSMANNA, og sem við borgum nauðungarskatt fyrir, að það væri HOLLT FYRIR OKKUR að borga Icesave.   Þórólfur Matthíasson hefur komið með ´rök´ fyrir Icesave ´skuld´okkar með lýsingum á sökkvandi skipi.  ´Rökin´ hans um sökkvandi skipið halda ekki sjó.  Ísland er ekki neitt sökkvandi skip í neinum sjó.

Ögmundar Jónasson tók nokkuð hart á þessum skrifum Þórólfs með nýjum pistli í síðunni sinni strax sl. nótt eða í morgun.  Þar útskýrir hann líka hófstillingu sína í Morgunblaðinu í gær: GEGN HAGSMUNUM ÍSLANDS 

 

  Ögmundur Jónasson

Pistill Ögmundar:

NÍÐSKRIF Í NOREGI

Þórólfur Matthíasson, prófessor í hagfræði við Háskóla Íslands, hefur ritað grein í norska stórblaðið Aftenposten. Þessi grein er með þvílíkum ólíkindum að manni verður orða vant. Ekki er nóg með að hann tali málstað Íslands í Icesave deilunni niður. Hann jafnar  okkur sem erum á öndverðum meiði við hann sjálfan við bandaríska fjárglæfraloddarann Madoff, sem dæmdur var til fangelsisvistar í 150 ár fyrir fjármálasvindl!

 

Níð Þórólfs Matthíassonar um blásaklaust fólk og niðurtal hans um Icesave, eru mun verri en með ólíkindum, beinlínis hrottaleg.  Hann gerir blásaklausan almenning landsins sekan úti í heimi, að úthugsuðu og yfirveguðu ráði.  Getum við ekki verið nokkuð viss um að þarna fari penni Jóhönnu og hennar skammarlega flokks?  Icesave framganga stjórnarflokkanna í heild sinni, að undanskildum Ögmundi Jónassyni og Lilju Mósesdóttur, hefur verið valdníðsla ein gegn almenningi í landinu.  Guð hjálpi okkur bara að hafa leppa erlendra handrukkara við völd. 

Lygar Þórólfs Matthíassonar; Aftenposten

Lygar Þórólfs Matthíassonar, Morgunblaðið