STEINGRÍMUR STJÓRNARANDSTÆÐINGUR: ALLRA ÖMURLEGASTI MÁLFLUTNINGUR.

Einu sinni var Steingrímur stjórnarandstæðingur og barðist harkalega fyrir lýðræði og gegn mannréttindabrotum.  Og vildi alls ekki AGS inn á gafl og alls ekkert ICESAVE.  Núna kærir hann sig kollóttan um grátköll og hróp almúgans og skirrist ekki við að ljúga að honum.  Og þegar Steingrímur krefst þess fyrir Jóhönnu Sig. að lýðurinn sætti sig við þrælalög fyrir stórveldin í Evrópu sem Jóhanna vinnur fyrir, skal lýðurinn sætta sig við þrælalög.  Skítt með forsetann.  Skítt með lýðræðið.  Það er mikill munur að vera í stjórn og stjórnarandstöðu.

STEINGRÍMUR STJÓRNARANDSTÆÐINGUR,  október, 08.

VERÐI GERÐ UPPREISN VERÐI GENGIÐ AÐ KRÖFUM BRETA OG HOLLENDINGA.

Steingrímur J. Sigfússon, formaður vinstri grænna, segir að það verði gerð uppreisn hér á landi verði gengið að kröfum Breta og Hollendinga um að Íslendingar greiði 600 milljarða króna vegna Icesave-reikninganna:
http://www.amx.is/adgerd.php?adgerd=pdf&id=13318

http://www.amx.is/fuglahvisl/13318/

Af vef RUV

Fyrst birt: 23.10.2008 17:11
Síðast uppfært: 23.10.2008 19:10

Uppreisn, verði kröfur samþykktar

Steingrímur J. Sigfússon, formaður vinstri grænna, segir að það verði gerð uppreisn hér á landi verði gengið að kröfum Breta og Hollendinga um að Íslendingar greiði 600 milljarða króna vegna Icesave-reikninganna.

Pétur Blöndal sagði í hádeginu í dag að einungs fjárkröfur Breta og Hollendinga væru margfalt hærri en þær stríðsskaðabætur sem Þjóðverjar voru neyddir til að greiða í lok fyrri heimsstyrjaldarinnar. Grófir útreikningar bendi til þess að þær hafi numið um einni milljón króna á hvern Þjóðverja. Þær lögðust þungt á þýskt efnahagslíf, verðbólgan magnaðist og atvinnuleysi jókst gríðarlega.

Steingrímur segir, eins og Pétur, að Íslendingar eigi að spyrna gegn kröfum Alþjóðagjaldeyrissjóðsins sem gera ráð fyrir að gjaldeyrislán sé háð því að samið verði við Breta. Íslendingar hafi uppfyllt allar lagalegar skyldur og tilskipanir Evrópusambandsins um innlánstryggingarkerfi. Íslendingar eigi ekki að láta undan kröfum Alþjóðagjaldeyrissjóðsins því þeim beri ekki skylda að greiða tapið vegna Icesave-reikninganna.

[e-mail]

RUV MENN, HVERT FÓR ÞESSI FRÉTT??
http://www.ruv.is/heim/frettir/frett/store64/item233100/

 
STEINGRÍMUR STJÓRNARANDSTÆÐINGUR,  október, 08.

EF ÞAÐ ER RÉTT AÐ ÞETTA TVENNT HANGI SAMAN ER ÞAÐ HREIN FJÁRKÚGUN.  EKKI LIGGI FYRIR AÐ OKKUR SÉ LAGALEGA SKYLT AÐ GERA ÞAÐ.

Steingrímur J. Sigfússon formaður Vinstri grænna segist hafa heyrt þann orðróm að Alþjóða gjaldeyrissjóðurinn hafi sett sem skilyrði að mál vegna Icesave reikninga Landsbankans yrðu gerð upp að fullu við Breta og Hollendinga. Steingrímur segir að ef það sé rétt að þetta tvennt hangi saman sé það hrein fjárkúgun. Ekki liggi fyrir að okkur sé lagalega skylt að gera það og þetta bendi til þess að verstu martraðir séu að rætast varðandi aðkomu Alþjóða gjaldeyrissjóðsins:
http://www.mbl.is/mm/frettir/innlent/2008/10/22/likir_bretalani_vid_fjarkugun/

STEINGRÍMUR  STJÓRNARANDSTÆÐINGUR,  janúar, 09.

EKKI KOMI TIL GREINA AÐ ÍSLENDINGAR LÁTI KÚGA SIG TIL UPPGJAFAR.

LÍTUR ÞINGFLOKKUR VINSTRI GRÆNNA Á SAMNINGINN SEM RIFTANLEGAN EÐA ÓGILDANLEGAN NAUÐUNGARSAMNING.

Framan af höfðu ýmsir ráðherrar ríkisstjórnarinnar uppi stór orð um að ekki kæmi til greina að Íslendingar létu kúga sig til uppgjafar í deilunni um hina lagalegu og þjóðréttarlegu ábyrgð landsins gagnvart Icesave-reikningunum. Eins og lögfræðingar hafa bent á var hlutverk innlánatryggingarkerfa samkvæmt reglum ESB/EES-svæðisins aldrei að takast á við allsherjar bankahrun, heldur aðeins fall einstakra banka.

Eins og undirritaður lýsti yfir við atkvæðagreiðslu um málið í þinginu 5. desember síðastliðinn lítur þingflokkur Vinstri grænna á samninginn sem riftanlegan eða ógildanlegan nauðungarsamning. Enn er hægt að afstýra stórslysi fyrir íslenska þjóð. Taki Tryggingarsjóðurinn hins vegar við skuldunum er ljóst að þá verður ekki aftur snúið: Þá hefur þjóðin endanlega verið skuldsett á grundvelli pólitískra þvingunarskilmála sem ríkisstjórnin hafði ekki dug í sér til að standa gegn.

*Sorgarsaga Icesave-málsins*
EINN dapurlegasti kaflinn í sögubókum framtíðarinnar verður vafalaust sá sem fjallar um Icesave-málið svokallaða og þá 700 milljarða króna skuld sem ríkisstjórnin hefur nú nánast tryggt að lendi að miklu leyti á íslensku þjóðinni. Þessi kafli verður ekki aðeins sorglegur fyrir þá sök að lesendur hennar á löngu árabili munu líklega enn vera að borga brúsann af skuldsetningunni – með hærri sköttum, niðurskornu velferðarkerfi og verri launakjörum – heldur einnig vegna þess hversu niðurdrepandi verður að lesa um þá eitruðu blöndu af aðgerðaleysi, mistökum, uppgjöf og loks blekkingaleik sem einkennir málið í heild sinni:
http://www.amx.is/adgerd.php?adgerd=pdf&id=7628

STEINGRÍMUR STJÓRNARANDSTÆÐINGUR,  mars, 03.

MENN GETA ALVEG EINS HAFT ÓNEFND ORÐ UM GÁFNAFAR ÞJÓÐARINNAR, OG ÞAÐ ÆTLA ÉG A.M.K. EKKI AÐ GERA.  ÞAÐ ER EINHVER ALLRA ÖMURLEGASTI MÁLFLUTNINGUR.

Treystum við ekki þjóðinni? Ekki getur það verið vandinn að nokkrum manni í þessum sal, þingræðissinna, detti í hug að þjóðin sé ekki fullfær um að meta þetta mál sjálf og kjósa um það samhliða því að hún kýs sér þingmenn. Stundum heyrist að vísu einstaka hjáróma rödd um að sum mál séu svo flókin að þau henti ekki í þjóðaratkvæði. Það er einhver allra ömurlegasti málflutningur sem ég heyri. Menn geta alveg eins haft ónefnd orð um gáfnafar þjóðarinnar, og það ætla ég a.m.k. ekki að gera.
http://www.althingi.is/altext/128/b03/b041345.sgml

Hver ætli séu núna ónefnd orð um gáfnafar þjóðarinnar??  Nei, núna eru grímulausar hótanir, kúgun og lygar í lagi. Hví vildi Steingrímur ENDILEGA ICESAVE?  Maðurinn fór langt úr veginum til að semja við erlend veldi um að fá nú örugglega að borga þeim af okkar skattpeningum stórskuld upp á 700 HUNDRUÐ MILLJARÐA sem við skuldum ekki.  Núna vill hann tryggja með öllum ráðum að ICESAVE lendi á okkur.  Skaðar maðurinn og ICESAVE-STJÓRNIN ríkissjóð viljandi??  Það er sorglegt hvað kom fyrir hann Steingrím.

Og Andríki skrifar um LÝÐRÆÐI STEINGRÍMS.

 

FYRST SKRIFAÐ 15.01.10:

STEINGRÍMUR STJÓRNARANDSTÆÐINGUR.

ERUM VIÐ EKKI FULLVALDA RÍKI?

Kúgunarsamningurinn ICESAVE3 mun ótrúlega lúta enskum lögum en ekki íslenskum.  Lögsaga okkar í einu stærsta hagsmunamáli okkar fyrr og síðar verður viljandi flutt til óvinarins.  Já, til ÓVINARINS eins og við séum ekki fullvalda ríki.  HVÍLÍKUR FÁRÁNLEIKI.

Í kúgunarsamningnum segir:

SAMNINGUR ÞESSI OG MÁL, KRÖFUR EÐA ÁGREININGUR SEM RÍS VEGNA HANS EÐA Í TENGSLUM VIÐ HANN, HVORT HELDUR ER INNAN EÐA UTAN SAMNINGA (e. CONTRACTUAL OR NON-CONTRACTUAL), SKULU LÚTA ENSKUM LÖGUM OG TÚLKAST SKV. ÞEIM.

Með öðrum orðum: ALLT sem kemur ICESAVE við mun lúta enskum lögum og það var ekki út af engu, heldur vegna þess að hinir meintu ´vinir´ okkar Bretar vildu það og ætla að NOTA ÞAÐ.  Nú eru þeir farnir að stjórna okkur.  Hvílík niðurlæging og ósvífni ICESAVE-STJÓRNARINNAR. 

 

Hinn svokallaði samningur er óverjandi og ekki saminn fyrir fullvalda ríki.  Saksóknari og íslenskir lögmenn með vit og ekki í vinnu fyrir öflin sem rændu okkur, hljóta að kæra svívirðuna.  Það er verið að kúga okkur og véla gegn fullveldi ríkisins og það er ÓÞOLANDI.

KÚGUNARSAMNINGARNIR: http://icesave3.wordpress.com/

FORSENDUR FÖÐUR FYRIR LÖGLEYSU. SIGURBJÖRN SVAVARSSON SVARAR.

Miðað við yfirsögnina Á BARNIÐ MITT AÐ BORGA ICESAVE3 gat maður haldið að þarna færi faðir sem ætlaði ekki að sætta sig við vinnuánauð barna Íslands fyrir bresku og hollensku ríkiskassana. 

En þegar ég las lengra skildi ég að þarna fór bara enn einn af fylgjendum hóps JÁ manna við ICESAVE.  Manna sem fæstir skirrast við að hóta okkur grímulaust Argentínum og Kúbum, frostavetrum, heimsendum og ísöldum og þar fram eftir götunum ef við segjum ekki JÁ og OK við handrukkun gamalla lénsvelda sem vilja níðast á okkur.  

Og rökin eru engin.  Nákvæmlega engin nema brenglanir og villusýn um að bankar láni bara ofurskuldugum.  Maður með fullri rænu veit að það er þvættingur að hann ætti að bæta á sig skuldum sem koma honum ekki við og sem hann ræður heldur ekki við og geti næst farið út í banka og vaðið í peningalánum. 

Og hvað kemur okkur það annars við hvort menn úti í bæ fái peningalán?  Ættum við á þeim forsendum að haga okkur eins og óvitar og semja á löglausum og ómennskum forsendum við hótandi villimenn? 

 
Fyrir utan lögleysuna værum við að skrifa undir óútfylltan tékka gegn börnum okkar þar sem við vitum ekkert um endalok málsins sem gæti endað í tæpum 700 MILLJÖRÐUM ef við segjum ekki NEI.  SIGURBJÖRN SVAVARSSON svarar kolröngum forsendum mannsins.

FÁSINNA OG KJAFTÆÐI ANDRA GEIRS OG TRYGGVA ÞÓRS.

Nú hefur Andri Geir Arinbjarnarson aftur hafið sinn eldgamla hræðsluáróður um endalok okkar ef við borgum ekki 670 MILLJARÐA ICESAVE-KÚGUN.  Gat nú verið að hann kæmi undan steinunum núna fyrir 9. apríl fullklæddur í sinn ógeðfellda ICESAVE búning.  Og já, okkur finnst hræðluáróður þinn löngu kominn út í svartar öfgar.  Nú munum við fara norður og niður eins og Argentína jæja-já.  Og kannski verða Kúba norðursins líka?  Haltu okkur hinum utan við þína brengluðu sýn um eymd og volæði ef við ekki tökum á okkur HUNDRUÐI MILLJARÐA sem við hvorki ráðum við né skuldum. 

Minni þig líka á að Argentína neitaði í lokin að vera kúguð af AGS og kröfuhöfunum og HÆTTI að borga kúgunarskuldirnar.  Hvað hefur þú upp úr að ætla okkur geggjaðar skuldir upp á tæpa 700 MILLJARÐA sem við SKULDUM EKKI??  Og það meðan þú hefur það náðugt í Bandaríkjunum.  Kannski þú sért einn af kröfuhöfum glæpabankanna??  Kæmi ekki á óvart.  Og minni þig enn fremur á að EKKERT gerðist við synjun ICESAVE1 og ICESAVE2 eins og þú hótaðir oft og lengi.  Og EKKERT mun heldur gerast núna.  Ekki nema við samþykkjum ódæðið.

Og nú kemur Tryggvi Þór Herbertsson upp úr holunni skömmu fyrir 9. apríl með blekkingar og lygar um NAUÐSYN ICESAVE.  Við myndum ekki sleppa undan þessu máli með því að segja nei, segir manngarmurinn um ólöglega rukkun gegn okkur.  Hvílík fásinna.  Hvað hefur þú upp úr að nauðunginni verði komið yfir börnin okkar??   Hvað hagnast þú á eyðileggingu, eymd og þrældómi barnanna okkar?  Ertu kannski líka einn af kröfuhöfum glæpabankanna?  Hverju taparðu ef þið stjórnmálamenn Samfó, Sjálfstæðisflokks og VG komið ekki ICESAVE yfir okkur?  Við vitum þú áttir í ASKAR CAPITAL (AVANT hryllinginn sem níddist á skuldurum og hefur nú farið í þrot).  Viltu kannski forðast rannsókn á sakamálinu ICESAVE? 

HVAÐA HAG HAFA ANDRI GEIR OG TRYGGVI ÞÓR AF ICESAVE-KÚGUNINNI??  VIÐ KREFJUMST ÞESS AÐ FÁ AÐ VERA Í FRIÐI FYRIR ÞESSARI ÞVÆLU.   ÞAÐ ÆTTI Í ALVÖRU AÐ STEFNA ICESAVE-STJÓRNINNI OG MEÐHLAUPURUM EINS OG ÞESSUM MÖNNUM.

FELLUM ICESAVE. STEFNUM ICESAVE-STJÓRNINNI.

Engin rök af viti hafa komið fram fyrir ICESAVE ólögunum.  Engin ríkisábyrgð er á ICESAVE og má ekki vera samkvæmt lögum og stjórnarskrá.  Heill hópur erlendra og innlendra lögmanna hefur fært rök gegn ríkisábyrgð.  En ICESAVE-STJÓRNIN er ekki í neinum erfiðleikum með að brjóta lög og stjórnarskrá gegn okkur og vaða yfir Hæstarétt svo gróflega að hlýtur að falla undir valdarán miðað við lög um þrískiptingu valdsins. 

ICESAVE málið allt er eitt ljótt og risastórt kúgunarmál og mun aldrei liðast að alþingi eða stærri hluti þjóðarinnar geti kosið lögbrot yfir minnihlutann.  Stjórnarskráin ver okkur gegn slíku ofbeldi og ranglæti nema þegar stjórnmálamenn brjóta hana.  Og það fara sumir þeirra létt með og hafa líka óskiljanlega komist upp með.  Nú er mál að linni.  Hvar er ríkissaksóknari??

ICESAVE-JÁMENN hafa í alvöru ekki sterkari rökstuðning en að kúgunin ICESAVE 3 sé skárri en kúgunin ICESAVE 2 og að forysta flokksins þeirra, Samfó, Sjálfstæðisflokks og VG, vilji að þau segi já og að við ættum að halda friði við meint vinaríki sem kúga okkur eins og við værum nýlenda þeirra.  Og loks lygin sem var notuð í ICESAVE 1 og 2 um að landið sykki í sæ ef við sættum okkur ekki við nauðungina.  En þetta eru engin rök.  Við sukkum ekki og munum ekkert sökkva nema við tökum á okkur ICESAVE: Lögsagan í málinu mun verða færð til Englands og það verður notað.   

Nokkrir Sjálfstæðismenn sem voru harðir á móti ríkisábyrgð á ICESAVE hafa nú snúist af því foringinn vill að þeir samþykki nauðungina yfir okkur á gaddfrosnum og gruggugum  forsendum.  Og þið vitið hvað varð af Steingrími stjórnarandstæðingi sem var grjótharður gegn bæði AGS og ICESAVE en fór gjörsamlega á hvolf við valdatökuna í apríl, 09.  Forysta flokkanna 3ja veður villu vegar og vill kannski ekki rannsókn á sakamálinu ICESAVE eða vill kannski bara halda valdastólum.  Það er EKKI næg ástæða til að börnin okkar ábyrgist glæpaskuldir. 

Það verður að skoðast sem ansi grunsamlegt að stjórnmálamenn geti ekki og vilji ekki verja okkur gegn erlendum ólöglegum og rakalausum kröfum um ríkisábyrgð eins og stjórnvöld venjulegra landa myndu vissulega gera.  Þegar lögin segja EKKI RÍKISÁBYRGÐ og stjórnarskráin segir EKKI RÍKISÁBYRGÐ verður það að þýða EKKI RÍKISÁBYRGÐ.

From the EEA/EU directive 94/19/EC,

"Whereas this Directive may not result in the Member States' or their competent authorities' being made liable in respect of depositors if they have ensured that one or more schemes guaranteeing deposits or credit institutions themselves and ensuring the compensation or protection of depositors under the conditions prescribed in this Directive have been introduced and officially recognized."


77. gr. íslensku STJÓRNARSKRÁRINNAR:

Skattamálum skal skipað með lögum. Ekki má fela stjórnvöldum ákvörðun um hvort leggja skuli á skatt, breyta honum eða afnema hann. Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu.  

FELLUM ICESAVE.  STEFNUM ICESAVE-STJÓRNINNI.

EVRÓPU HVAÐ??

22. mars sl. kom það fram að ætlun Tollstjóra er að setja á stofn heilan skóla innan Tollskólans á næstunni.  EVRÓPUSKÓLI skal hann heita.  Í honum á víst að fræða embættismenn Tollsins og nýja tollara og tollstarfsmenn um lífsnauðsynleg mál og sögu fyrir stóra Evrópuríkið sem ætlar að ná allri Evrópu undir sig. 

Eins og það sé ekki nóg að nú þegar fyrir löngu hefur öllu verið snúið á hvolf innan Tollembættisins í þágu stórríkisins.  Nei, það er víst ekki, nú á innrætingin að hefjast fyrir alvöru innan RÍKISEMBÆTTISINS Tollsins.  Einskis er látið ófreistað með ósvífnina og peningana okkar að vopni.  Og við vorum aldrei spurð hvort við vildum nokkuð með Evrópuskrímslið hafa. 

Jóhanna og Össur og co. hafa beint eða óbeint svarið eið að að vinna fyrir Evruveldið og koma landinu okkar þangað inn með góðu eða illu, en Tollembættið er undir fjármálaráðuneytinu.  Veit ég vel að Steingrímur ætti að stýra þar en með opnun þessarar heilainnrætingarstöðvar sýnir það sig enn hver stýrir honum.  Og getið hver á að hafa umsjón með þvottastöðinni.

LÖGBRJÓTANDI RÍKISSTJÓRN ULLAR Á HÆSTARÉTT.

 

Allt ICESAVE málið er sjokkerandi og viðurstyggileg kúgun.  Í pistli fyrir skömmu, 19. mars, ´GETUR FORSETINN SKRIFAÐ UNDIR GLÆP??´, spurði ég spurningar - hvort forsetinn gæti kannski skrifað undir mansal.  Og vegna misskilnings manns nokkurs um hvað ég meinti með spurningunni datt mér í hug að hann hafi kannski ekki verið einn um að misskilja meininguna og vildi skýra hana í fáum orðum. 

Málið er bara að ICESAVE er ánauð og þrælasamningur ætlaður börnunum okkar og ég bara skil ekkert í að stjórnmálamenn geti kúgað málið ítrekað í gegnum löggjafarvaldið og að Ögmundur, sjálfur dómsmálaráðherra, og þar til bær yfirvöld yfirleitt skuli leyfa ósómanum að viðgangast.  Ætlunin með spurningunni var að koma með sjokkerandi orðalag um hvað alþingi og stjórnmálamenn gætu í alvöru gengið langt í lögleysunni.

Og hvernig má það vera að stjórnmálamenn og stuðningsmenn þeirra komist upp með ólögleg og stjórnarskrárbrjótandi mál?  Og komist lika upp með að brjóta gegn Hæstarétti og vanvirða úrskurð hans sem lagaprófessor Sigurður Líndal hefur útskýrt að sé í reynd hæstaréttardómur eða að minnsta kosti ígildi slíks dóms??  Hvað varð annars af eftirfarandi kærumáli eða stefnu gegn ríkinu vegna Icesave sem ég mundi eftir bara núna?

FÆRA LÖGSÖGU OKKAR TIL ÓVINARINS. HVÍLÍKUR FÁRÁNLEIKI.

Getur ríkisstjórnin fært lögsögu okkar í einu stærsta hagsmunamáli okkar undir lög erlends ríkis eins og ætlunin er með ICESAVE 3?  Nánar, undir ensk lög eins og segir í kúgunarsamningnum.  Og hvað haldið þið nú að það muni þýða fyrir hin ætluðu vinaríki??  Við vitum að það var ekki út af engu sem þeir vildu lögsöguna færða, heldur verður það notað.

Hafa engir lögmenn kært framgöngu ríkisstjórnarinnar í ICESAVE málinu?  Hvað á það að líðast lengi að alþingi og stjórnmálamenn brjóti lög og stjórnarskrá gegn borgurum landsins í eigin þágu og í þágu peningaafla, erlendra sem innlendra, og vegna þrýstings þeirra og vinnumanna þeirra á stjórnmálamenn um að almúginn borgi glæpaskuldir þeirra? 

Hvernig á jörðinni komst núverandi ríkisstjórn, ICESAVE-STJÓRNIN, svona langt með lögbrot, mannréttindabrot og stjórnarskrárbrot gegn okkur?  Hví hefur vitleysan ekki verið stoppuð af dóms- og lögregluyfirvöldum?  Ríkisábyrgð verður alls ekki til þó okkur sé hótað.  Verða ekki yfirvöld að stoppa firrta menn sem geta ekki staðið í lappirnar gegn kúgun og spillingu og ætla að fara heill landsins að voða? 

 

 

 

GETUR FORSETINN SKRIFAÐ UNDIR GLÆP??

Getur forsetinn skrifað undir kúgun?  Hvílíkt fáránlegt.  Mun forsetinn geta staðfest ólögin ef meirihluti þjóðarinnar kýs þau yfir minnihlutann??   Gæti hann kannski skrifað undir mansal ef brjálaðri stjórninni tækist að pína það í gegnum löggjafarvaldið með stuðningi Ögmundar??? 

Ríkisábyrgð verður ekki til úr engu og ekki með fölsunum.  Rukkunin er ólögleg og verður ekki liðin.  Stærri hluti þjóðarinnar ætti ekki að geta kosið glæp yfir minni hlutann eða brotið stjórnarskrána gegn honum.  Stjórnarskráin á að verja okkur gegn  hættulegum og skaðlegum stjórnmálamönnum og mannréttindabrotum og ofbeldi meirihlutans. 

Vildi geta heyrt hvað lögmenn segja um þetta og þá meina ég ekki aumar málpípur ICESAVE-STJÓRNARINNAR.  Það getur aldrei orðið löglegt og verður aldrei liðið þó við værum í minnihluta að við yrðum pínd til að borga ólöglega rukkun erlendra velda.  Við segjum NEI.  Við getum ekki leyft þeim að komast upp með níðingsskapinn. 

GJALDÞROT? PEÐI FÓRNAÐ MEÐ OFBELDI.

Getur það kallast eðlilegt að ríkisstjórn nokkurs lands tali í fullri alvöru um ríkisábyrgð á ólöglegri rukkun upp á hundruði milljarða sem þjóðin skuldar ekki?  Nauðung sem gæti endað í 600-700 milljörðum við fall gengisins og óvissu efnahagsmála heimsins.  Og við hver önnur óvænt skakkaföll.

Stórskrýtið er það að stjórnmálamenn hafi komið ICESAVE nauðunginni í gegnum löggjafarvaldið og við verðum núna að kjósa um hvort lögleysan fái að standa eða ekki.  Og við vorum búin að segja NEI.  Nokkrir hagfræðingar og verkfræðingar hafa nú komið fram opinberlega og fullyrt ýmist um stórhættu við að sættast á kröfuna eða að við munum fyrir víst fara í gjaldþrot, á hausinn, ef við tökum ódæðið á okkur.

Friðrik Hansen Guðmundsson verkfræðingur segir að það megi ekki samþykkja ICESAVE 3 og það megi ekki veita þessa ríkisábyrgð.  Gunnar Tómasson hagfræðingur og lengi við AGS sagði í viðtali við Hall Hallsson í ÍNN að Ísland hafi verið peðið sem var fórnað með ofbeldi.  Og Bretar hafi viljað verja breskt fjármálakerfi.  En við vissum það.  Hann fullyrðir að við ráðum ekki við ICESAVE 3 samkvæmt viðmiðum AGS.  Magnúsi
B. Jóhannessyni hagfræðingi finnst engin þörf á að blanda þjóðinni í ICESAVE málið og segir að hann sjái ekki neitt vit í að samþykkja ríkisábyrgð á ICESAVE 3.  Hann skrifar um gengisáhættu og að þjóðin eigi ekki að taka á sig áhættuna á því hvað innheimtist úr þrotabúinu.  Ólafur Margeirsson hagfræðinemi fullyrðir að samþykki ICESAVE 3 verði gjaldþrot ríkissjóðs.  Hann segir ennfremur að ef ríkissjóður endi í gjaldþroti þá fari allt á annan endann, það séu engin efnahagsvandræði jafn alvarleg og gjaldþrot ríkissjóðs viðkomandi lands.  Og að það megi ekki samþykkja ICESAVE.  Þór Saari hagfræðingur hefur lýst stórkostlegri áhættu og óvissu við samþykki ICESAVE 3.

Hví haldið þið að Bretar og Hollendingar sæki það svona fast að ríkissjóður gangist í ríkisábyrgð fyrir hina svokölluðu ´skuld´?????  Það er ekki vegna þess að gömlu nýlenduveldunum sé svo annt um okkur og peningana okkar.

JÁ frá okkur 9. apríl gæti þýtt gjaldþrot ríkissjóðs.  Nú fyrir utan niðurlæginguna að játast undir fjárkúgun.  Getur hluti þjóðarinnar kosið glæp yfir hinn hlutann?????  Og hvað tekur þá við??  Yfirtaka kúgaranna yfir ríkiseigum og ríkissjóði og þar með sjálfstæði okkar???