ER ÞESSI ´FRÉTTAMAÐUR´ AF JÖRÐINNI?

Ekkert getur skuldbundið almenning í landinu og þar með æsku landsins til að borga ICESAVE-PENINGANA eins og ´fréttamaðurinn´ kallar það í sinni fáfræði.  Skuldbundið ungmenni þar til líf þeirra er hálfbúið til að vera skattaþrælar stórvelda í Evrópu.  Síðan hvenær urðu smáríki heimsins fjárhagslega og stjórnarfarslega ábyrg fyrir stórríkjum??

Engin lög voru um ríkisábyrgð á ICESAVE og ríkisábyrgð brýtur bæði gegn lagaákvæðum og stjórnarskrá.  Eftirlitið og leyfi bankans í öðrum löndum var þarlendra yfirvalda, ekki okkar.  Fall bankans og þjófnaður innan hans gerir okkur engan veginn sek.  Óhæfan sem þessi svokallaði ´fréttamaður´ og langtíma heitur ICESAVE-SINNI skrifar er næstum ekki leshæf og ekki svaraverð nema vegna hættunnar og skaðans sem slíkur ósómi gæti skapað okkur.  Embættismenn og pólitíkusar hafa bara alls ekki það vald að lofa útlendingum neinum ólögmætum skatti úr ríkissjóði.

Nú er þjóðin samkvæmt ´fréttakonunni´ orðin að löggjafa AÐ UNDIRLAGI FORSETANS. Halló, þú Þóra Kristín, forsetinn hefur einfaldlega farið að stjórnskipan landsins og hefur staðið með lýðræðinu, virt lýðræðið í landinu.   Megi forsetinn hafa miklar þakkir fyrir.  Og svo kallar ´fréttamaðurinn´ okkur LÝÐRÆÐISHER FORSETANS og kallar það RÚSSNESKA RÚLETTU að hafna að borga ólöglega og stórhættulega kröfu sem gæti gert okkur gjaldþrota.

Nenni ekki að fara nánar yfir allar brenglanirnar og skáldskapinn í þessum eymdarlega pistli manneskju sem rær hart að því að gera börnin okkar að skuldaþrælum að ósekju.  Samskonar kúgun hafa nefnilega Bretar og Hollendingar og önnur stórveldi Evrópu beitt lítil ríki um allan heim og valdið mikilli eymd og fátækt.  Fiji Islands eru þar á meðal.

Þóra Kristín, ekki skrifa um mál sem þú skilur ekki og enn síður um mál sem þú ætlar viljandi að skekkja og þvæla.  Við leyfum ekki innlendum leppum að ljúga að okkur og komast upp með að eyðileggja velferðarkerfið okkar og loka spítölum fyrir ólöglega rukkun sem við skuldum ekki.  Við fellum nauðungina 9. apríl næstkomandi, ellegar sækjum málið.  Í okkar lögsögu.

TÖKUM ICESAVE OG TROÐUM HONUM.

GERA ÆSKU LANDSINS AÐ ÞRÆLUM.

    Drengir í vinnuánauð.

Hollustumenn ICESAVE ánauðarinnar ættu að hætta að nota það sem rök fyrir þrældómi barna okkar hvað embættismenn og stjórnmálamenn í fyrri stjórnum lofuðu einu sinni útlendingum.  Og nota orð manna og viljayfirlýsingar sem aum og léleg rök fyrir að núna megi gera æsku landsins að nýlenduþrælum evrópskra stórvelda.

Ekki nokkru máli skiptir hvað pólitíkusar hafa lofað erlendum veldum, orð þeirra eru ekki og voru aldrei lög og gera ekki börnin okkar ábyrg fyrir geggjuðum glæpamannaskuldum.  Ekki einum eyri, hvað þá hundruðum eða þúsundum MILLJARÐA (1 milljarður = 1000 milljónir fyrir manneskjur eins og Jóhönnu sem rugla saman milljónum og milljörðum).  Og svo koma ríkisstjórnarhagfræðingar eins og Guðmundur Ólafsson, Gylfi Magnússon og Þórólfur Matthíasson og halda fram OPINBERLEGA þeim rakalausa þvættingi að ef við tökum ekki á okkur milljarða glæpinn muni það skaða okkur fjárhagslega.  Og ætla að kenna forsetanum um.  Fara alla leið til útlanda til að ljúga þessu.

Óvitrir og skaðlegir embættismenn og stjórnmálamenn hafa ekki það vald að brjóta lög og stjórnarskrá og veðsetja okkur að þeirra geðþótta og með valdi og gegn okkar vilja.  Nú verður að fara að stoppa þessa hættulegu stjórnmálamenn.  Málið snýst um að lögsækja lögbrjótana og fella ólögin með öllum ráðum.

Hef aldrei getað skilið hví enginn lögmaður eða hópur lögmanna, eða saksóknari ríkisins, hafi ekki kært neina stjórnmálamenn fyrir ICESAVE GLÆPINN.  Stjórnmálamenn ganga um og brjóta lög og stjórnarskrá og vaða yfir Hæstarétt og komast upp með það.  Stórskrýtið er það land þar sem það viðgengst að brjóta mannréttindi og það gegn lögum og stjórnarskrá landsins.

Engir peningar eru í ríkissjóði fyrir nauðunginni, enda er verið að loka sjúkrahúsum og ætlunin var að segja upp yfir 900 spítalastarfsmönnum fyrir langtum minni fjárhæð en ICESAVE OPNI OG ÓVISSI TÉKKINN yrði í besta falli.  Og þúsundir manna hafa flúið land.  Það eru ærulausir foreldrar og ærulausir menn sem þora ekki að standa upp gegn valdníðslu pólitíkusa og kjósa frekar að sættast bara á í fáfræði og roluskap að gera æsku landsins að vinnuþrælum.

NEI OG AFTUR NEI.

 

DAUTT MÁL?

ER ICESAVE OKKAR VANDAMÁL?: FÉLAGI ÓMAR SVARAR.

Blessaður Lúðvík.

Hvað hefðir þú sagt að til að borga ICEsave skuldina, þá hefði hún gert eigur þínar og annarra í sjávarútveginum upptækar?

Ég vænti að þú hefði bæði tekið mark á þeirri yfirlýsingu, og þú hefðir ekki leitað til dómsstóla til ógildingar þeirrar yfirlýsingar.  Eignarréttarákvæði stjórnarskrárinnar, hvað er það????

Eða ertu ekki sjálfum þér samkvæmur??????????????

 

Lúðvík, ég skipti mér ekki almennt af skoðunum annarra, þeir færa fyrir þeim rök.  Undantekningin er Baldur Hermannsson, hann þarfnast yfirbótar.

En þar sem þú ert dæmi um mann sem færir alltaf rök, góð rök fyrir þínu máli, og þeir sem eru ósammála þér, þurfa þá að eiga rök á móti sem standast skoðun, þá gat ég ekki látið þessa færslu þína í friði.

Og góðfúslega benti ég þér á hvað hún þýddi.  

Yfirlýsingar ráðamanna eru ekki lög. 

Og þvingaðar yfirlýsingar ráðamanna eru ólög.  Það gildir um vilja ríkisstjórnar Geirs Harde að semja við breta, eftir að þeir stöðvuðu allt gjaldeyrisstreymi til landsins.

Legðu þetta saman, og reyndu að réttlæta stuðning þinn við núverandi ICEsave samning, án þess að fara með bull.  Mér þykir leitt að segja það, en tilvísun þín i yfirlýsingu ráðamanna er bull.

Sem betur fer, annars gætu þeir stjórnað öllu, framhjá lögum og stjórnarskrá.

Til dæmis, "allur kvóti innheimtur á morgun", eða "allir sem heita nöfnum sem byrja á L, þeir afhenda eigur sínar ríkinu".

Lúðvík, þú ert miklu betri en þetta, þú ert maður sem maður vitnar í, ég þarf að eiga rök á móti þeim skoðunum þínum, sem ég er ekki sammála.

Þessi rök eru ekki dæmi um það.

 

Lúðvík, þú rekur fyrirtæki, myndir þú lýsa því yfir að þú borgaðir allar skuldir allra í bænum, líka í næsta bæ, og í allri sýslunni.

Gott og vel, kannski gerir þú það, og það má vel vera að fólk tæki mark á þér, og færi að taka lán í trausti þess a þú borgaðir.  Og þegar að skuldadögum kæmi, þá myndir þú reyna að borga, myndir selja af þér hverja einustu spjör.

Og það dygði fyrir skuldum þínum, og kannski 4-5 nágrönnum þínum.  Eftir stæðu aðrir í bænum, næsta bæ, og í allri sýslunni.

Finnst þér líklegt að einhver tæki mark á þínum yfirlýsingum????

Nei, eins er það með þennan tryggingasjóð, hann lýtur sínum lögmálum og reglum, er fjármagnaður af fjármálafyrirtækjum sem málið varðar, ekki ríkisvaldinu sem stendur á bak við.  Ef mörg fjarmálafyrirtæki eru í honum, þá ætti hann að þola áföll, ef þau eru fá, þá stendur hann verr. 

Þess vegna er ESB að hanna reglur sem gera ráð fyrir einum tryggingasjóð á einum markaði, tryggingasjóð ESB.

Ef hann hefði verið hugsaður á þeim forsendum að þú ábyrgðist hann, þá hefði það verið tekið fram, þín yfirlýsing dygði ekki.  Og af hverju er hún einskis metin, þrátt fyrir þinn góða vilja??'

Jú, þú hefur ekki getuna til þess. 

Þess vegna var ekki hannaður sjóður sem þú ábyrgðist.

Og þess vegna var ekki hannaður sjóður sem einstök aðildarríki ábyrgðust, vegna þess að þau geta það ekki, alveg eins og þú.

Lichenstein ábyrgist ekki Austurríki, Luxemburg ábyrgist ekki Belgíu, Holland ábyrgist ekki Þýskaland.  Vegna þess að það er ekki raunhæft, allar eigur viðkomandi landa duga ekki til.

Þetta er hugsunin Lúðvík á bak við tryggingasjóði þvert yfir landamæri, að þeir væru tryggingasjóðir fjármálafyrirtækja, eins og skýrt kemur fram í regluverkinu, ekki einstakra aðildarríkja.  

Slík trygging er líka andstæð hugsun fjórfrelsisins, sem er hugsað til  að fjarlæga ríkiskrumlur af markaðinum.

Já, Lúðvík, þegar tryggingasjóðir fara yfir landamæri, þá vil ég að reglur gilda.  Og lög.  Því annað stangast á við raunveruleikann, alveg eins og ef þú værir í ábyrgð fyrir meira en þú ræður við.

En þar fyrir utan, þá var ég ekki að skipta mér af þínum skoðunum, aðeins að benda þér á að þessi framsetning hér efst, væri ekki þinn stíll.

Vinur er sá sem til vamms segir.

 

Lúðvík, haltu þessum skoðunum á lofti sem víðast.

Um mínar skoðarni má lesa í frægum ræðum Churchil í breska þinginu í kjölfar Munchensamkomulagsins.  Ég er á móti ICEsave, jafnvel þó einhver reglusmiður hefði verið það heimskur að semja slík lög.

En margt má segja um ESB, en fagmenn semja reglur, kannski eru þeir að reyna hið óframkvæmanlega vegna sundurleitni sambandsins, en þeir reyna samt, á rökréttan hátt.

Rök mann eins og til dæmis Alain Lipitz, segja allt sem segja þarf.  Ég sagði það sama, löngu áður en ég vissi að ég hefði rétt fyrir mér.  Það er enginn svo heimskur að láta smáþjóðir ábyrgjast stórþjóðir. 

Og það er þetta regluverk sem tengir okkur við Bretland og Holland, fram að því datt engu það í hug að stjórnvöld í einu ríki væru í ábyrgð fyrir stjórnvöld í öðrum löndum, jafnvel þó þegnar þess væru með rekstur.

Og það grátlegast við allar þessa ICEsave samninga, er að þeir viðhalda þessu eitri sem þú lýsir.  Annars fer hinn meinti kostnaður úr 60 milljörðum í 220 milljarða.

Og, já ég er svo heimskur að trúa á endalokin, en ég set þetta í samhengi við stóra lánið frá AGS, þegar allt er lagt saman, þá gerist það sama hér og annars staðar, að of há lán verða þjóðinni ofviða.  Slíkt vald hafa stjórnmálamenn ekki..

Ástæða þess að ég kom hingað fyrst inn Lúðvík, fyrir margt löngu síðan, er heilbrigð skoðun þín á gildi framleiðslu, sem gengi hvers tíma tjáir.  ICEsave, AGS eru dæmi um andstæður þinna skoðana, vil ég meina.

Og ég vil meina, að engin uppbygging verði fyrr en fólk átti sig á því sem þú ert að segja hér, og mjög oft áður.  Gjörsamlega óháð föðurnafni þínu, þá kann ég að tækla rök, og ég skil rök.

Og styð þau rök sem ríma við mínar lífsskoðanir.

Ef nokkur maður myndi hlusta á rök í víðari samhengi, þá væri ég líka að blogga á svipuðum nótum og þú, um gildi þess að vera sjálfbær.  En það gera það fáir, og ógnin sem ég upplifi af ICEsave og AGS, er það sterk að ég fókusa aðeins á þau skrímsli.

Ég ítreka, ég virði skoðanir, fannst aðeins framsetning þín í þessu bloggi vera villandi.

Bið að heilsa.

Kveðja að austan.

Ómar Geirsson

 

Er Icesave okkar vandamál? 

 

Kemur Ómar nokkuð í víggallanum og heimtar að ég eyði ofanverðu?

Voru þetta ekki opinberar upplýsingar, eða hvað??

Ef EFTA dómsstóllinn dæmir ekki eftir lögum, þá töpum við málinu: Ómar Geirsson.

Getur þjóðaratkvæði löghelgað ólöglegan samning??????: Ómar Geirsson. 

 

DAUTT MÁL?

Forseti Íslands tekur við undirskriftunum gegn ICESAVE á Bessastöðum.

Ætti málið ekki að vera löngu dautt, eins ólöglegt og það er nú?  Nú býst ég ekki við að forsetinn skrifi undir 3ja ofbeldi alþingis í ódæðismálinu.  En hvað ef?  Já, hvað þá? 

Getur alþingi, forsetinn eða hluti þjóðarinnar kosið lögleysu og ofbeldi yfir hinn hlutann?  Og næst pínt hann til að borga ólöglega skatta vegna þess?  NEI.  Ekki heldur stærrihlutinn. 

Landslög og Evrópulög banna ríkisábyrgð á bankainnstæðum og 77. g. stjórnarskrárinnar leyfir ekki ICESAVE.  Nú, þá er málið búið, er það ekki?  Og snýst um að Hæstiréttur kasti kúguninni út í opið haf?

Stærrihlutinn getur nefnilega ekki brotið lög eða stjórnarskrána gegn minnihlutanum.  Stjórnarskráin er ætluð til að verja minnihlutann gegn ofbeldi og ofríki meirihlutans.  Og þó það væru allir landsmenn gegn einum manni.

Stjórnarskráin er líka ætluð til að verja okkur gegn ofbeldi, ofríki eða hvers konar skaða af völdum óhæfra eða skaðlegra stjórnmálamanna eða valdhafa.  Stjórnarskráin er ekki bara flott bók sem má rykfalla uppi í hillu.  Verður málið þá ekki fljótlega grafið ofan í kattasandi Jóhönnu?

NIÐURSTAÐA OKKAR ER SKÝR, STEINGRÍMUR.

Nú fyrir skömmu á þessum drungalega og skýjaða degi kusu ótrúlega 44 alþingismenn ICESAVE nauðungina yfir æsku landsins í 3ja sinn og gerðu daginn kolsvartan og niðurlægjandi fyrir foreldra þeirra: SKÝR NIÐURSTAÐA.  Líka fyrir gamalmenni sem hafa miklar áhyggjur af afkomu og velferð afkomenda sinna.  Og alþingi bætti ofan á skömmina og felldi 2 tillögur um að málið færi í dóm þjóðarinnar.  Maður er næstum orðlaus yfir endalausri ósvífni helferðarstjórnarinnar.  

Steingrímur heldur fram að niðurstaða alþingismanna og ICESAVE-STJÓRNARINNAR sé skýr.  Eins og við vitum það ekki.  Hefur það farið framhjá nokkrum manni að nánast það eina sem ríkisstjórnin hefur unnið við sl. 2 ár hefur verið að eyða skattpeningum okkar í bankana og vinna að því dag og nótt að gera gamalmenni og æsku landsins að skuldaþrælum evrópskra stórvelda?  Við bjuggumst vel við þessari útkomu um ICESAVE frá ykkur, Steingrímur. 

Nú fari vonandi að sjá fyrir endann á ICESAVE, segirðu Steingrímur.  Já, Steingrímur, en ekki með þeim hætti sem þú vilt.  Nú hafa nefnilega yfir 33700 manns á minna en 5 dögum skrifað undir undirskriftalista þar sem heitið er á forsetann að synja ómennskri kúgun ykkar gegn landsmönnum.  Við erum líka stálheppin að vera með lýðræðissinnaðan og mennskan forseta við völd og erfitt verður að trúa öðru en að sá mæti og vitri maður synji andstjórnarskrárlegri og kolólöglegri niðurstöðu ykkar, ÓLÖGUM YKKAR.

EFNAHAGSÁRÁS OG GLÆPUR.

Forseti Íslands synjaði ICESAVE 5. janúar í fyrravetur.

 

Heitið er á forseta Íslands í nýrri undirskriftasöfnun gegn ICESAVE.  Heitið er á hann að synja undirskrift á ólögunum sem eru væntanleg frá alþingi á næstunni.  Tæplega 5 þúsund manns hafa nú þegar skráð sig:
SAMSTAÐA ÞJÓÐAR GEGN ICESAVE.  Það eru um 3 menn á hverri mínútu að meðaltali og með sama áframhaldi verðum við orðin 50 þúsund á 11,5 dögum.

ICESAVE glæpurinn er mesta niðurlæging og versta efnahagsárás og kúgun gegn okkur og börnum okkar fyrr og síðar.  Og fullkomlega óþolandi að alþingismenn og ríkisstjórnin skuli ætla að pína stórhættulega nauðung yfir landsmenn með öllum ráðum.  

Í fyrravetur kolfelldum við nauðungina í þjóðaratkvæðagreiðslu.  Hinsvegar dugði það ekki.  Ótrúlega fór fjármálaráðherra landsins langt úr vegi sínum á fund Breta og Hollendinga til að fá nú að semja um að kúgunin gegn okkur yrði örugglega endurtekin.  Hann fagnaði fundunum opinberlega.  Stjórnmálamenn vilja málið ekki í dóm fólksins og hafa enn ekki lært að það er alþýða landsins sem fer með fullveldið, ekki stjórnmálamenn.

Í 3ja sinn hefur núverandi ríkisstjórn, ICESAVE-STJÓRNIN, farið gegn vilja þjóðarinnar og samið um ólöglega ríkisábyrgð á ICESAVE, skuld einkabanka sem við erum engan veginn ábyrg fyrir og kemur okkur ekki við.  Hafði ríkisstjórnin leyfi til að fara aftur og semja um mál sem við felldum? 

Gegn okkar getu og vilja og gegn lagaákvæðum og stjórnarskrá fer alþingi og núverandi ríkisstjórn endurtekið fram með ósvífna rukkun Evrópuvelda gegn okkur.  Samt hefur enginn dómur fallið í málinu og dómur gegn okkur ólíklegur.  Þar fyrir utan eru sterkar vísbendingar um að ríkið nálgist gjaldþrot og verði gjaldþrota með ríkisábyrgð á ICESAVE.

E.S.: Getur alþingi eða hluti þjóðarinnar kosið lögleysu yfir hinn hlutann eða verður að kæra málið?  

HVAÐ RÍFUR OKKUR Á HOL?

Nýlega sagði Ögmundur Jónasson að þó hann væri ósáttur í grunninn við nýjustu sameiginlegu lögleysu bresku, hollensku og íslensku ríkisstjórnanna gegn alþýðu landsins, muni það rífa okkur á hol að hafa málið yfir okkur.   Ögmundur sagðist mundu styðja nauðungina gegn okkur að óbreyttu.  Mun það vera ICESAVE 3. 

Hann sagði orðrétt samkvæmt frétt í mbl: Jafnvel þótt ég sé mjög ósáttur við þetta mál allt í grunninn, þá held ég að ef það verður yfir okkur næstu misserin og árin muni það rífa okkur á hol. Ég held að það sé komið að því að við reynum að ljúka þessu en ég geri það ekki hvað sem það kostar. Ég ætla að sjá hvaða niðurstaða kemur út úr fjárlaganefnd og mun fara rækilega í málið í þingumræðunni.

http://www.mbl.is/frettir/innlent/2011/01/23/stydur_icesave_ad_obreyttu/


Mun sjálfur dómsmálaráðherrann bregðast okkur í málinu eins og allir hinir í stjórnarflokkunum nema Lilja Mósesdóttir, bætast í hóp með druslum og gungum í glæp gegn eigin þjóð?  Og einu sinni hélt ég hann væri okkar klettur í málinu.

Ögmundur ætti að vita hvað það þýðir að sættast á lögleysuna: Það þýðir að rífa okkur á hol, ekki öfugt.  Það þýðir að gefast upp eins og gungur fyrir kúgun.  Og að ætla núna að nota þá skýringu að ef við ekki sættumst á nauðungina muni málið rífa okkur á hol er fráleitt.

Nei, núverandi rikisstjórn, ICESAVE-STJÓRNIN, gefst ekki upp.  Rikisstjórnin hefur brotið itrekað gegn þjóðinni: Í EU-umsóknarmálinu braut stjórnin bæði gegn lýðræðinu og stjórnarskránni.  Í ICESAVE hefur stjórnin rembst endalaust við að pína nauðungina yfir okkur, gegn lögum og gegn 77. gr. stjórnarskrárinnar.

EITTHVAÐ AF ENGU ER EKKERT.

Fyrir utan það að ég skilji ekki að enn skuli finnast menn í landinu sem eru viljugir að borga ICESAVE, hef ég aldrei getað skilið að menn sem þó eru andvígir nauðunginni og vilji eðlilega ekki að við borgum eyri, skuli aftur og aftur og sífellt fara NIÐUR á það plan að ræða og skrifa um kjör og vexti af ólöglegri kröfunni gegn íslenska ríkissjóðnum og okkur.

Í nóvember sl, eftir að mér blöskraði skrifin og umræðan um kjör og vexti af fullkomlega ólögvarinni nauðunginni, skrifaði ég þessi orð í eftirfarandi pistli og víðar:

Gerum ekki þau mistök að fara niður á plan vinnumanna rukkaranna að vera að ræða um útreikninga af vöxtum af nauðung eins og hefur sést.  Eins og við vitum verður eitthvað af engu alltaf ekkert og neðar okkar manndómi að ræða það einu einasta orði.  0,1% af engu er jafn vitlaust og 190 þúsund%.

HALDIÐ ÞIÐ Í ALVÖRU AÐ VIÐ LÁTUM KÚGA OKKUR??

Hversu alvarlegur er höfundur eftirfarandi pistils um að við eigum ekki að borga 1 einasta eyri??  Við getum ekki og megum ekki borga 1 eyri í ólöglegri rukkun.  Og ég er sammála Arnari Geir og Lofti og var akkúrat að skrifa nokkur orð um það þegar Loftur kom þarna inn:
Icesave: Þriðja leiðin leysir vandann.

Gerum ekki þessi mistök.  Ólögleg ICESAVE rukkun er jafn ólögleg þó innheimtan hafi minnkað.  Við ættum að vera í skaðabótamáli við bresku og hollensku stjórninar fyrir ólögmætar þvinganir af þeirra hálfu, ekki borga þeim fyrir skaðann sem þeir hafa valdið okkur.  Hættum að ræða kjara- og vaxta-kjaftæði af fjárkúgun.   Það er neðar okkar æru að fara niður á það plan.  Ærulausir menn borga fjárkúgun og skiptir þar ENGU hvað upphæðin er lág. 

ENGIN RÍKISÁBYRGÐ Á ICESAVE.

Directive 94/19/EC:
Whereas this Directive may not result in the Member States' or their competent authorities' being made liable in respect of depositors if they have ensured that one or more schemes guaranteeing deposits or credit institutions themselves and ensuring the compensation or protection of depositors under the conditions prescribed in this Directive have been introduced and officially recognized.

77. gr. íslensku STJÓRNARSKRÁRINNAR:
Skattamálum skal skipað með lögum. Ekki má fela stjórnvöldum ákvörðun um hvort leggja skuli á skatt, breyta honum eða afnema hann. Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu.

 

E.S.: Verð að játa að ég varð hissa og vonsvikin með svar Gunnlaugs I. í síðunni og í fyrsta sinn að ég viti að ég er honum fullkomlega ósammála.  Málið snýst nefnilega ekki um ódýrustu leiðina, heldur réttlæti og æru.  Og minni hann á að Evrópuveldið hefur líka verið að kúga okkur í ICESAVE málinu.  Sigurbjörn Svavarsson kom svo seinna með ærlegt svar.  Félagsmaður benti á að Jóhannes Þór Skúlason, sem kom inn í umræðuna, hafi verið einn af InDefence-mönnum.  Skyldi engan undra, InDefence hefur alltaf viljað semja um ICESAVE og þó við skuldum ekki eyri og krafan sé ólögleg. 

NEI-SINNA OFNOTKUN NEI-SINNA.

 

Nei-sinnar gefast ekki upp!!  - - -

Setninguna skrifa Evrópusamtökin í nýlegum og skammarlegum pistli og hafa oft notað orðalagið fyrr.  Hvað eru NEI-SINNAR?  Eru það ekki þeir sem segja NEI við fullveldi okkar og sjálfstæði lands og þjóðar og vilja gefa landið okkar undir stjórn og vald yfirgangsveldis í Evrópu? 

Eðlilegra væri að kalla ykkur Evrópuveldisfýkla NEI-SINNA en menn sem einfaldlega vilja halda fullveldinu og sjálfstæðinu burt frá ógnarveldi Sovétsins sem er við það að falla flatt þarna í Evrópu.  Hví ættu menn að gefast upp í svo grafalvarlegu máli?

Og tíðrætt er sumum ykkar NEI-SINNA um bull og öfgar fullveldissinna.  Kallast það kannski ekki bull og öfgar að vilja draga okkur undir miðstýringu og yfirvald Evrópuveldisins?   Og svo megið þið eiga þessar ljótu stjörnur ykkar,  við hin ætlum að halda fullveldinu. 

 

 

 

LEPPALÚÐASÖGUR Á JÓLUNUM.

Leppalúði.

 

Ekki skuli skrifa ljóta hluti um almenna bankaræningja á jólunum heyrist yfir bæjum og bönkum, níðingarnir eigi jú börn og þau haldi líka jól eins og við hin.  Einn og einn gagnrýnandi skrifanna á jólunum er samt svo ósvífinn sjálfur að segja höfundi eins slíks pistils að leita sér hjálpar.  Já, á sjálfum jólunum.  Hann gleymdi alveg að gá að því að höfundurinn gæti sjálfur átt börn sem halda jól á jólunum. 

En bankaræningarnir, og pólitíkusarnir sem ruddana studdu með mútuþægni og óeðlilegum pólitískum veljvilja á kostnað barna, foreldra þeirra og gamalmenna landsins, hafa sjálfir eyðilagt jólin fyrir þúsundum barna og rænt sum börn feðrum sínum sem hafa framið sjálfsvíg í örvæntingu.  Ljótir hlutir gerast líka á jólunum.   NEI, við getum ekkert hlíft níðingum og þagað á jólunum. 

Við getum ekki heldur hlíft pólitíkusum sem studdu myrkraverkin og ollu nánast gereyðileggingu og niðurrifi á innviðum landsins.  Þar fer gruggug og kattahatandi og mútuleg og hrollvekjuleg og ógeðslega samstíga fylking fremst í flokki með hatur sitt á gamalmennum og lífeyrisþegum og fyrir stuðningi við ræningja og stórþjófa.

 

E.S.: Ætla að passa rosalega vel að setja ekki pistilinn inn fyrr en eftir miðnætti.  Þá verður sko kominn 27. des. og allir mega skrifa ljótar Leppalúðasögur á ný. 

KÚGUNIN KOMIN Í HÖFN?

Það er hreint út sagt ótrúlega svívirðilegt að maður skuli finna eftirfarandi frétt núna 9. des í RUV, miðli allra landsmanna, 9 mánuðum eftir að yfir 90% þjóðarinnar hafnaði og kolfelldi ólöglegt ICESAVE:

ENDURGREIÐSLUR HEFJAST ÁRIÐ 2016.

Jan Kees de Jager, fjármálaráðherra Hollands, segir að Íslendingar hafi samþykkt að bæta Hollendingum og Bretum að fullu innistæður vegna Icesave-reikninga Landsbankans. Alls nemur upphæðin tæplega 200 milljörðum króna á núverandi gengi. Samkvæmt samningnum byrja Íslendingar að greiða skuldina í júlí 2016 og lýkur greiðslum árið 2046. Að sögn Bloomberg-fréttaveitunnar sagði hann þetta í bréfi til hollenska þingsins í dag.

Reuters-fréttastofan hefur eftir talsmanni hollenska fjármálaráðuneytsins að Íslendingar muni greiða 3% vexti af því sem þeir skuldi Hollendingum og að skuldin við Breta beri 3,3% vexti.

Niðurstaðan verður kynnt á blaðamannafundi klukkan sex í dag. Fundinum verður sjónvarpað beint hér á vef Ríkisútvarpsins.

´SAMNINGURINN´ Á VEF HOLLENSKA FJÁRMÁLARÁÐUNEYTISINS.

 

ENGIN RÍKISÁBYRGÐ Á

ICESAVE, EKKI 1 EYRIR.

VIÐ SKULDUM EKKI

ICESAVE.

 

FORSETINN: KJÓSENDUR SKULU HAFA LOKAORÐIÐ UM ICESAVE.

Forseti Íslands.

Forseti Íslands, Ólafur Ragnar Grímsson, stendur enn með þegnum landsins í ICESAVE-málinu ógeðfellda.  Hann sagði í viðtali við fréttamanninn Mark Barton, í fréttastofu Bloomberg í dag, að kjósendur ættu að hafa loka-orðið um hvort þeir borguðu kröfur Breta og Hollendinga vegna innlána í ICESAVE: Iceland's Grimsson Says People Should Have Final Say on Icesave  Forsetinn sagði líka að hver samningur sem væri gerður gegn vilja íslensku þjóðarinnar, væri ekki lífvænlegur eða líklegur til að standa. 

Hann sagði orðrétt í viðtalinu: “If the people of Iceland are being asked to pay for the failure of a private bank, they should also have a say in the final outcome.” Og:  “So I don’t think any deal that is not in harmony with the Icelandic people is viable.”  Forsetinn sagði að ef ætlast væri til að íslenskur almenningur borgi fyrir fall einkabanka, ætti almenningur líka að hafa orðið um loka-niðurstöðuna.  Í fréttinni segir að orð forsetans gefi í skyn að forsetinn væri viljugur að synja ICESAVE samkomulaginu, sem ríkisstjórnin segir að sé væntanlegt fljótlega.  

GLÆSI-EVRA JÓHÖNNU OG ÖSSURAR.

ÓSTABÍLA EVRÓPUVELDIÐ LIÐAST Í SUNDUR?

 

FORSETI Evrópustórríkisins óttast að GLÆSI-EVRA Jóhönnu og Össurar muni gera út af við EVRU-svæðið og þar með Evrópuveldið.  Nei, hann segir ekki?  Rosa sterka EVRAN sem átti að bjarga öllu??  Og Samfylkingin heimtar að við gefum upp fullveldi og sjálfstæði lands okkar fyrir af því við getum ekki stjórnað okkur sjálf??? 

Við sjáum það æ skýrar og skýrar hvað heimsveldið EUROPEAN UNION er orðið fátæklega veikt.  Og þarf í örvæntingu á okkar auðuga landi að halda, enda ÆTLA að koma okkur undir þeirra miðstýringu og yfirstjórn með öllum ráðum.  Ætli óstabíla Evrópuveldið sé ekki að liðast í sundur eins og Sovétskrímslið forðum??     

----------------------------------------------------------------------------------

17 November 2010

The European Union faces a 'crisis of survival' over its deepening debt problems, its president has warned.

In an astonishing intervention, Herman Van Rompuy said the financial meltdown engulfing Ireland, Greece and other EU countries could spark the collapse of the entire European project.

Mr Rompuy said: 'We must all work together in order to survive with the eurozone, because if we do not survive with the eurozone, we will not survive with the European Union.'

http://www.thisismoney.co.uk/news/article.html?in_article_id=518355&in_page_id=2&expand=true

SKRÍMSLI Í SOVÉTSTÍL.

SKRÍMSLI SEM VERÐUR AÐ EYÐILEGGJA?

Fyrrum andófsmaður gömlu Sovétríkjanna (USSR) óttast að Evrópusambandið sé að verða að nýjum Sovétríkjum.  Hann hefur varað við algjöru einræði sambandsins og segir það vera skrímsli sem verði að eyðileggja:

Vladimir Bukovksy, the 63-year old former Soviet dissident, fears that the European Union is on its way to becoming another Soviet Union. In a speech he delivered in Brussels last week Mr Bukovsky called the EU a “monster” that must be destroyed, the sooner the better, before it develops into a fullfledged totalitarian state.

http://www.brusselsjournal.com/node/865

 

 

UNDIRLÖGÐ EVRÓPA Í NAZISTASTÍL?

Og í eftirfarandi skjölum stendur að ólýðræðisleg samsetning Evrópusambandsins eigi rætur sínar í eftirstríðs-Nazisma fyrirætlunum um undirlagða Evrópu:

EU FACTS

The roots of the “Brussels EU”

Newly discovered documents reveal that the undemocratic structure of the “Brussels EU” has its roots in the post WWII plans of the IG Farben/Nazi-coalition in a conquered Europe.

Following are a few of the most important documents, to be used by teachers, politicians and anyone who is interested in preventing the “Brussels EU” from establishing a dictatorship of corporate interests in Europe.

http://www.eu-facts.org/en/roots/index.html

http://www.dailymail.co.uk/news/article-1179902/Revealed-The-secret-report-shows-Nazis-planned-Fourth-Reich–EU.html

 

HALDIÐ ÞIÐ Í ALVÖRU AÐ VIÐ LÁTUM KÚGA OKKUR??

Ég var orðlaus í gær yfir frétt í mbl.is og kannski voru aðrir það líka.  Í það minnsta náði enginn nema einn maður að blogga við fréttina, sem hófst með þessum orðum: Enn er mikil óvissa um vaxtakostnað ríkissjóðs í tengslum við Icesave-skuldbindingarnar, samkvæmt Peningamálum Seðlabanka Íslands.  Enn óvissa um vaxtakostnað vegna Icesave  Já, þarna stendur VAXTAKOSTNAÐ RÍKISSJÓÐS Í TENGSLUM VIÐ ICESAVE-SKULDBINDINGARNAR.  Nú vitum við vel að ICESAVE er ekki okkar skuldbinding, heldur skuldbinding gamla Landsbankans og TIF.  Við vitum líka vel að engin ríkisábyrgð er á skuldbindingu Landsbankans og TIF.  Hvaðan kemur þá þessi frétt í mbl.is?

Næst segir: - - samkvæmt Peningamálum Seðlabanka Íslands.  Já, þarna kemur það: SAMKVÆMT PENINGAMÁLUM SEÐLABANKA ÍSLANDS.  Már Guðmundsson, hvaða vextir og af hvaða skuldbindingum?  Næst vísar fréttin í orð Össurar Skarphéðinssonar frá í fyrradag um að samkomulag um ICESAVE muni liggja fyrir fyrir lok ársins: Samningaviðræðum íslenskra stjórnvalda við stjórnvöld í Bretlandi og Hollandi um lausn Icesave-deilunnar lýkur væntanlega fyrir lok árs, segir Össur Skarphéðinsson, utanríkisráðherra í samtali við Reuters.
Lausn Icesave fyrir lok árs 

Ja-há, núna í nóvember eða í desember ætla ríkisstjórnarflokkarnir að pína yfir okkur landsmenn ólöglegri rukkun Breta, Hollendinga og Evrópusambandsins.  Gegn lögum og þvert gegn okkar vilja.  Með hjálp Seðlabankans væntanlega.   Seðlabankastjóri ætti að útskýra málið fyrir okkur opinberlega.  Ekki þýðir neitt að spyrja Össur.  Núverandi stjórn hefur komið litlu gagnlegu í verk og hefur þó tekist að eyða gríðarlegum dýrmætum tíma í að koma yfir okkur þessari ólöglegu rukkun bresku og hollensku ríkisstjórnanna.  Halda þeir í alvöru að við látum bara kúga okkur??  Og sættum okkur bara við að vera ólöglega sköttuð fyrir ríkiskassa 2ja velda eins og hver önnur nýlenda?? 

E.S.: Gerum ekki þau mistök að fara niður á plan vinnumanna rukkaranna að vera að ræða um útreikninga af vöxtum af nauðung eins og hefur sést.  Eins og við vitum verður eitthvað af engu alltaf ekkert og neðar okkar manndómi að ræða það einu einasta orði.  0,1% af engu er jafn vitlaust og 190 þúsund%.
 
Axel Jóhann: Ein mynd kúgunar

Styrmir Gunnarsson: Hjálpuðu þeir okkur? -Nei. Þeir töluðu niður til okkar

HVAÐ KEMUR EVRÓPUSAMBANDINU ICESAVE VIÐ?

Nú hefur Evrópusambandið aftur hafið gömlu og grófu innanríkisafskiptin af okkur.  Stjórnvöld þar eru aftur farin að skikka okkur til að semja um ICESAVE.  Hvað veldur að Evrópuríkið heldur sig geta skikkað okkur og skipað okkur fyrir verkum?  Kannski Jóhanna, Steingrímur og Össur geti svarað þessu?  Hafa þau kannski gefið þeim grænt ljós?  Kannski skærgrænt ljós??  Hvers vegna halda menn í stjórn Evrópusambandsins að þeir geti skipað okkur að semja um ólögvarið ICESAVE?  Í Morgunblaðinu í dag kemur fram að krafa sambandsins sé að við förum eftir EES-samningnum.  Og við höfum farið eftir honum.  Hvergi stendur í EES-samningnum eða í lögum að íslenska ríkið ábyrgist ICESAVE.  Það ætti að vera krafa að ríkisstjórn landsins verji okkur gegn erlendri kúgun.

Hví hafa íslensk stjórnvöld verið svo yfirmáta viljug að semja við 2 yfirgangsveldi í Evrópu um skuld sem enginn fótur er fyrir að íslenska ríkið, og þar með íslenskir þegnar, borgi Bretum og Hollendingum?  Nauðung og upplogna skuld sem ríkisstjórnir landanna 2ja með dyggri hjálp Evrópusambandsins, hafa rukkað okkur um með ólýsanlegri frekju og yfirgangi án nokkurs dómsúrskurðar.  Og það gegn lögum þeirra sjálfra.  Jú, vegna þess að Evrópusambandið ætlar að nota tækifærið vegna Evrópuumsóknar núverandi stjórnvalda og þvinga okkur undir ICESAVE.  Ráðum við kannski ekki okkar innanríkismálum sjálf?  Ráðum við ekki okkar skuldamálum og utanríkismálum?  Örugglega gerum við það nema íslensk stjórnvöld leyfi þeim að ráða okkar málum.

KRAFA UM VÍÐTÆKA AÐLÖGUN (OG ÞÓ ÖSSUR HARÐNEITI).

MISSKILNINGUR JÓNS BJARNASONAR: ÖSSUR.

HVAÐA SKULDIR ÍSLANDS, MÁR GUÐMUNDSSON?

 

Í fréttum kemur fram að Seðlabankastjóri, Már Guðmundsson, talaði um ICESAVE-SKULDIR ÍSLANDS í fyrradag á erlendum vettvangi í Bandaríkjunum, þó það sé löngu vitað og vel vitað að ICESAVE hefur aldrei verið skuld Íslands eða íslenska ríkisins og þar með íslenskrar alþýðu.  Hann hlýtur að vita þetta maðurinn, hann er Seðlabankastjóri landsins.  Nei, nú er hann farinn að tala eins og Gylfarnir - Gylfi Arinbjörnsson, Gylfi Magnússon, Gylfi Zoega, Jóhanna Sigurðardóttir og allur heili flokkurinn að meðtöldum Jóni B. Hannibalssyni, Kristinn Gunnarsson, Steingrímur J. Sigfússon, Vilhjálmur Egilsson, Þorsteinn Pálsson, Þorvaldur Gylfason, Þórólfur Matthíasson og aðrir snillingar hafa löngum gert.  Gert okkur alþýðu landsins skuldug að ósekju.  Og það vegna annarra manna fáráða og glæpa. 

Hvað nákvæmlega liggur að baki einbeittum vilja þeirra við að koma yfir okkur skuld sem við skuldum ekki, skuld einkabanka á erlendri grundu, ofurskuld upp á kannski 500-1000 MILLJARÐA?  Hví eru þau endalaust að draga okkur niður og ergja okkur með þessu?  Halda þau að við höfum ekki nóg með að draga fram lífið á meðan almenningi landsins er kastað út á stétt í gjaldþroti??  Og á meðan sjúkrahúsum í landinu er lokað og læknar flýja land??  Hvað vakir endalaust fyrir þeim?  Ætla þau aldrei að hætta?  Og einu sinni enn: Það verður að fara fram rannsókn á ódauðlegum vilja Seðlabankastjóra, stjórnvalda og formönnum verkalýðsins á að koma þessum óþverra yfir okkur.  Það geta ekki verið eðlilegar orsakir þar að baki.

E.S. Og Þorvaldur Gylfason gerðist svo forhertur að segja í RUV okkar landsmanna einu sinni að það væri HOLLT fyrir okkur að borga ICESAVE. 

KOSTNAÐUR VIÐ ICESAVE HUGSANLEGA MINNI.

 

 

 

ERU ELLILÍFEYRISÞEGAR SKULDABRJÁLÆÐINGAR??

 

Eru ellilífeyrisþegar skuldabrjálæðingarnir sem ríkið ætlaði að kasta út á guð og gaddinn??  Í RUV-fréttinni sem fylgir kemur fram að fjöldi ellilífeyrisþega sem gengist hefur í ábyrgð fyrir aðra sé á leið undir hamarinn.  Er landið ómennskt?  Eru stjórnvöld ómennsk að leyfa bönkum og fjármálafyrirtækjum oftöku og rán af fólki??  Viljum við búa í svona landi?  Og núverandi ríkisstjórn heimtar að gjaldþrota gamalmenni á götunni borgi ólöglegt ICESAVE.

Íslenska fjármálakerfið og lögin eru vandamálið, ekki meginþorri manna sem skuldar.  Við vitum að bankar voru rændir og nánast tæmdir að innan meðan eftirlitið svaf.  Við vitum að með þjófnaðinum kollféll gengið og olli óðaverðbólgu.  Hið ómanneskjulega íslenska kerfi og lög, leyfðu skuldum grunlauss fólks að fljúga upp úr þakinu með löglegri vísitölutryggingu tengda við óðaverðbólgu.  Óðaverðbólguna sem bankaþjófarnir sjálfir ollu.  Finnst stjórnvöldum ekkert rangt við það?  

Nú rukka sömu bankar og fjármálastofnanir stórhækkaðar skuldir og af ómanneskjulegri hörku.  Skuldir sem stórhækkuðu vegna óðaverðbólgu sem þeir sjálfir ollu.  Sökudólgarnir sjálfir komast upp með að innheimta af ótrúlegri grimmd meðan stjórnvöld þegja.  Löglega.  Kalla stjórnvöld það eðlilega skuldsetningu sem menn eigi bara að sætta sig við þegjandi??  Nei, það kallast rán og þjófnaður.  Mönnum er kastað út á kalda götu og feður hafa framið sjálfsvíg.  Oft ekkert vegna neins kæruleysis, heldur vegna óðahækkana skulda sem þeir ekki lengur ráða við.  

Og enginn hefur verið dæmdur eða sektaður.  Og enginn hefur heldur verið dæmdur eða sektaður fyrir ólöglegu gengislánin sem voru líka innheimt af grimmd og hörku.  Í 9 ár meðan stjórnvöld þögðu.  Skuldir eru ekki sama og þjófnaður.  Nei, skuldir eru skuldir og þjófnaður þjófnaður.  Og nú verður að skila þýfinu.  Ekki pína fólk og niðurlægja.  Ætli gamla fólkið í eftirfarandi frétt sé sekt, kannski stórsekir ofurskuldabrjálæðingar sem ekki vilja borga skuldirnar sínar eins og bankarnir og stjórnvöld kalla ofsahækkanirnar?:

ELDRA FÓLK MISSIR HÚS; FJÓLDI ELDRA FÓLKS Á LEIÐ UNDIR HAMARINN.

HVÍ HAFA LÖGBRJÓTANDI BANKARNIR OG FJÁRMÁLAFYRIRTÆKIN EKKI VERIÐ DÆMD??  OG SEKTUÐ??  SKULDARAR SEM BROTIÐ VAR ILLA Á ÆTTU AÐ FÁ HÁAR SKAÐABÆTUR FRÁ LÖGBRJÓTUNUM. 

E.S.:  NÝ FRÉTT OG SAMMÁLA ÖGMUNDI:

ÖGMUNDUR VILL FLATA NIÐURFÆRSLU.

 

BLEKKINGAR ÞORSTEINS PÁLSSONAR ERU HÆTTULEGAR.

Hvað fær Þorsteinn Pálsson að blekkja lengi í fjölmiðlum að við töpum ef við borgum ekki svívirðilegu rukkunina ICESAVE??   Hvers vegna kemst hann endalaust upp með villuáróður sem getur stórskaðað okkur??  Villt fólki sýn?  Þó hann vilji ólmur inn í Evrópumiðstýringarveldið, hefur hann ekki leyfi til að skaða landið og þjóðina með villuskrifum.

Nú er hann kominn í Morgunblaðið með villusýnina.  Var ekki nóg að hann kæmi fram í Evrópubandalagsmiðlinum Fréttablaðinu?  Við hin munum ekki fallast á ríkisábyrgð á Icesave þó Þorstein langi inn í Evrópuríkið hvað sem það kostar okkur.  Icesave er ekki skuld alþýðu landsins.  Og meginþorri þjóðarinnar hefur harðneitað að borga svívirðinguna. 

Ekki nokkur vitræn rök eru fyrir að maður tapi á að borga ekki skuld sem maður skuldar ekki.  Nákvæmlega engin rök eru fyrir að við öðlumst traust og virðingu í heimi viti borinna manna með því að láta vaða yfir okkur eins og aumingjar og borgum ólöglegar rukkanir yfirgangsvelda.  Nei, það er rakalaus þvæla.  Ertu ekki bara að ljúga, Þorsteinn Pálsson?

Fortíðardraugur ræðir framtíðina.

Þorsteinn Pálsson er einn af hugmyndafræðingum Hrunsins.

NÓG KOMIÐ AF RANGFÆRSLUM ´FRÉTTAMANNA´.

 

´Fréttamaður´Bloomberg og Reuters á Íslandi, Ómar Valdimarsson, skrifaði erlendum miðlum rangfærslur um mótmælendurna frá 4. október, sl. mánudagskvöldi.  Hann alhæfði um 8 þúsund manns, mest friðsama og hljóða mótmælendur sem þarna voru.  Hann sagði MÓTMÆLENDUR hafa kveikt eld og kastað ´eldsprengjum´(firecrackers), málningu og öðru að lögreglu og hafa reynt að brjótast í gegnum stálgirðingu:
http://www.bloomberg.com/news/2010-10-04/icelanders-hurl-eggs-red-paint-at-parliament-walls-as-thousands-protest.html

http://www.zerohedge.com/article/pictures-pelting-icelanders-throw-eggs-pm-priests-after-being-forced-start-making-mortgage-p

Halló, Ómar Valdimarsson, gleymdirðu ekki neinu, gleymdirðu ekki að taka fram að meginþorri mannhafsins var friðsamur??  Lögreglan staðfesti það: http://www.logreglan.is/displayer.asp?cat_id=1040&module_id=220&element_id=16234  Gleymdirðu ekki að segja að það voru bara nokkrir sem köstuðu??  Ómar Valdimarsson hefur áður farið með miklar rangfærslur í erlendum miðlum þar sem hann sagði okkur "SKULDA ICESAVE": Iceland owes the British and Dutch governments the money for losses related to the collapse of "Icesave" online bank accounts in late 2008, but repayment terms have yet to be settled: Iceland seeks int´l mediation on Icesave. AMX skrifaði um hann í apríl sl.: HINN ÓÐÁÐI FRÉTTARITARI REUTERS Á ÍSLANDI.

Ætli Ómar Valdimarsson að skrifa ´fréttir´, mætti hann hafa þann manndóm að fara með hluti eins og þeir eru, ekki mistúlka út í loftið.  Gættu orða þinna, Ómar, við munum ekki sætta okkur við slíkan málflutning og kvartað hefur verið um ónákvæmu skrifin þín við ritstjóra erlendra miðla, Bloomberg, Reuters og víðar.  Ekki halda að samlandar þínir séu svo miklir afdalamenn að lesa ekki erlenda fréttamiðla.  Nú mættir þú sjá sóma þinn í að lagfæra rangfærslurnar.  Þinn bjagaði ´fréttaflutningur´er skaðlegur þegar hann dreifist um allan heim.  Nóg komið af rangfærslum í fjölmiðlum.  Getur verið að Ómar sé að verja Icesave-stjórnina??