ALLT DAVÍÐ, EIRÍKI OG INGIMUNDI AÐ KENNA

Seðlabankastjórarnir Ingimundur Friðriksson, Eiríkur Guðnason og Davíð Oddsson.

Allt vont er Davíð, Eiríki og Ingimundi að kenna, segja grýlusögurnar.  Já, fyrir utan allt hitt sem er Framsókn og Sjálfstæðisflokknum að kenna.  Og þó mest Sjálfstæðisflokknum, því hann var duglegastur í skemmdarverkum. 

Fólk sem trúir svona grýlusögum gengur um með bundið fyrir augun og eyrnartappa í eyrum.  Þeir sem segja tröllasögurnar eru að hvítþvo skaðlegustu flokksdruslu landsins frá stofnun lýðveldisins.  Hvítþvo samstillta skemmdarvarga sem ætla að valda okkur svo miklum skaða að Framsókn og Sjálfstæðisflokkurinn verða samansafn engla í samanburði. 

Grýluhöfundarnir ljúga upp á okkur skuld og skuldbindingum að ósekju út um allan heim.  Og ætla að draga land og þjóð að mestu óviljug og þvert gegn okkar vilja inn í Evrópuríkið og undir lög þess.  Ætla að afhenda fjendum okkar þar skattpeningana okkar í heilum gámum með flutningaskipum.  Og leggja að veði fiskinn sem syndir í sjónum kringum landið, okkar land; heita vatnið sem kemur upp úr jörðinni, okkar jörð; kalda vatnið sem kemur niður af fjöllunum, okkar fjöllum.  Og kannski líka Alþingi sjálft ef veðin standast ekki getu þeirra fáu gamalmenna sem verða eftir í landinu til að vinna fyrir Versalasamningnum í heila öld.

Hvaða glæpi frömdu annars Davíð, Eiríkur og Ingimundur???  Hefur það nokkuð komið fram svart á hvítu nema í tröllasögum fylkta liðsins sem hefur verið útvarpað í beinni úr Lækjargötu og úr fréttamiðlum ríkisstjórnarinnar?  Jafnast hinn svokallaði glæpur gömlu Seðlabankastjóranna nokkuð á við þann glæp að gefa sjálfstæði okkar og skatttekjur til fjenda okkar?  Jafnast fyrrverandi glæpir Framsóknar- og Sjálfstæðismanna nokkuð á við þann stærsta glæp lýðveldisins að skrifa undir Versalasamning fyrir okkar hönd án dóms og laga?  Og að ógleymdum hótununum um alla frostaveturna og ísaldirnar og jarðskjálftana?  Allar lokanirnar á okkur að utan sem munu aldrei verða?  Og allar lygarnar um að 2 + 2 séu 7? 

Verða ekki allir litlu rógberarnir að fara að lesa milli línanna og skilja muninn á hvítu og svörtu?  Skilja muninn á álfasögum og veruleika?  Því 2 + 2 eru ekki 7.  Og mest af öllu verða þeir að skilja að með því að hefna sín á gömlu stjórnarflokkunum og Seðlabankastjórunum og kenna þeim um Icesave, sem er fullkomlega á ábyrgð núverandi Icesave-stjórnar, eru þau að hjálpa Icesave-stjórninni við að koma glæpnum yfir okkur og hvítþvo samt gjörninginn, því hann var allur öllum hinum að kenna. 

Mér finnst nú bara sorglegt að vegið sé svo hart að röngum mönnum og þeirra æru.  Það skyldi þó aldrei vera að þetta hafi verið grimmilegar galdrabrennur saklausra manna til að stærri núverandi stjórnarflokkurinn gæti dregið fréttirnar burt frá þeirra fyrrverandi mistökum og óverkum og komið Icesave glæpnum yfir okkur og kennt öðrum um myrkraverkið?  Því þau voru jú í stjórn í gegnum allt Icesave málið og fyrir, við og eftir fall bankanna.  Það fer um mann hrollur.  Hver maður sem vill, getur séð að grýlusögurnar standast ekki skoðun.

 

 

 

 

 

 

 

 

 

 

Ingimundur Friðriksson, vinstri, Davíð Oddsson, miðju, Eiríkur Guðnason, hægri.

EIRIKI OG INGIMUNDI FINNST JÓHANNA HAFA VEGIÐ ÓMAKLEGA AÐ ÞEIM

 

     

     Ingimundur Friðriksson.

 INGIMUNDUR BAÐST LAUSNAR, EIRÍKUR VILL EKKI HÆTTA Á FORSENDUM JÓHÖNNU

 INGIMUNDI BOÐIÐ STARF Í NORSKA SEÐLABANKANUM

 

                                                                                   

Eiríkur Guðnason og Davíð Oddsson.                         

EIRÍKUR HÆTTIR, DAVÍÐ EINN EFTIR

 

 

Davíð Oddsson.

 

Eiríkur Guðnason.                                       Eiríkur Guðnason.                                                                         

 

Ingimundur Friðriksson.

 

 

 

 

 

HVAR ERU SVÖRIN VIÐ SPURNINGUM SIGURÐAR LÍNDAL?

 Sigurður Líndal, lagaprófessor

 

Fyrir 3 mánuðum sagði norski forsætisráðherrann, Jens Stoltenberg,  í bréfi til Jóhönnu Sig., að þegar Danmörk, Finnland, Noregur og Svíþjóð gáfu fyrirheit um lánveitingu til okkar í nóvember árið á undan, hafi það verið með því skilyrði að Ísland virti alþjóðlegar skuldbindingar sínar.

Sigurður Líndal sagði að þessi orð Stoltenbergs yrðu varla túlkuð á annan veg en að íslenska ríkið, og þá um leið íslenska þjóðin, ætti með óljósum röksemdum að taka á sig þungar fjárhagsbyrðar.  Vegna þessa vildi Sigurður Líndal að Stoltenberg svaraði 2 spurningum skýrt:

 

1. Hvenær tók íslenzka ríkið að sér að ábyrgjast skuldir Landsbanka Íslands sem var í einkaeign og ríkinu - og þar með íslenzku þjóðinni - óviðkomandi og hvar er staður fyrir slíkri ábyrgð í lögum, samningum eða löglega bindandi yfirlýsingum? Slíkar íþyngjandi skuldbindingar verða að styðjast við skýra réttarheimild.

2. Að svo miklu leyti sem álitaefni kunna að vera um skyldur íslenzka ríkisins vegna einhvers konar ávirðinga í samskiptum við Breta og Hollendinga - hvers vegna hefur Íslendingum verið synjað um að fá slík álitaefni lögð fyrir dóm?

 

Sigurður taldi að íslensk stjórnvöld yrðu að ganga eftir skýrum svörum við þessum spurningum.  Hafa íslensk stjórnvöld gengið eftir skýrum svörum við þessum 2 eðlilegu og sjálfsögðu spurningum prófessorsins fyrir hönd íslensks almennings??? 

Ef svarið er já, hvaða svör hafa fengist frá Jens Stoltenberg?  Og ef svarið er nei, finnst stjórnvöldum ekki að prófessornum komi þetta neitt við? 

Og hvað nákvæmlega er það sem stjórnvöld Norðurlandanna kalla skuldbindingar okkar??? Það skyldu þó ekki vera þrælalögin sem Bretar og Hollendingar skrifuðu fyrir Alþingi Íslands???  

Það er vel skiljanlegt að Norðurlöndin vilji ekki eða þori ekki að lána kolspilltu og stjórnlausu landi peninga.  Það er hinsvegar ekki eðlilegt, og bara óþolandi, að stjórnvöld Norðurlandanna gerist meðsek í ólöglegri kúgun breskra og hollenskra stjórnvalds-tudda, sem eðlilega vilja ekki fara með málið sem þeir hafa ekki gegn okkur fyrir dóm.  

Lagaprófessorinn spurði 13. október, 09:

Hvenær tók íslenzka ríkið að sér að ábyrgjast skuldir Landsbanka Íslands sem var í einkaeign og ríkinu - og þar með íslenzku þjóðinni - óviðkomandi og hvar er staður fyrir slíkri ábyrgð í lögum, samningum eða löglega bindandi yfirlýsingum? Slíkar íþyngjandi skuldbindingar verða að styðjast við skýra réttarheimild:

 http://visir.is/article/20091013/SKODANIR03/305364061 

 

 

STEINGRÍMUR STJÓRNARANDSTÆÐINGUR

 

 

Einu sinni þegar ég var stjórnarandstæðingur barðist ég harkalega fyrir lýðræði og gegn mannréttindabrotum.  Núna hef ég vinstra vald í alvöru vinstri stjórn og kæri mig kollóttan um grátköll og hróp almúgans.  Og þegar ég krefst þess fyrir Jóhönnu Sig. að lýðurinn sætti sig við þrælalög fyrir stórveldin í Evrópu sem Jóhanna vinnur fyrir, skal lýðurinn sætta sig við þrælalög.  Skítt með forsetann.  Skítt með lýðræðið.  Það er mikill munur að vera í stjórn og stjórnarandstöðu. 

 

 

STEINGRÍMUR J. SIGFÚSSON, stjórnarandstæðingur

Uppreisn, verði kröfur samþykktar, október, 08:

Steingrímur J. Sigfússon, formaður vinstri grænna, segir að það verði gerð uppreisn hér á landi verði gengið að kröfum Breta og Hollendinga um að Íslendingar greiði 600 milljarða króna vegna Icesave-reikninganna:

http://www.ruv.is/heim/frettir/frett/store64/item233100/

 

 

STEINGRÍMUR J. SIGFÚSSON, stjórnarandstæðingur

Steingrímur segir að ef það sé rétt að þetta tvennt hangi saman sé það hrein fjárkúgun, október, 08:

Steingrímur J. Sigfússon formaður Vinstri grænna segist hafa heyrt þann orðróm að Alþjóða gjaldeyrissjóðurinn hafi sett sem skilyrði að mál vegna Icesave reikninga Landsbankans yrðu gerð upp að fullu við Breta og Hollendinga.
Steingrímur segir að ef það sé rétt að þetta tvennt hangi saman sé það hrein fjárkúgun. Ekki liggi fyrir að okkur sé lagalega skylt að gera það og þetta bendi til þess að verstu martraðir séu að rætast varðandi aðkomu Alþjóða gjaldeyrissjóðsins:

http://www.mbl.is/mm/frettir/innlent/2008/10/22/likir_bretalani_vid_fjarkugun/

 

 

STEINGRÍMUR J. SIGFÚSSON, stjórnarandstæðingur, janúar, 09:

Framan af höfðu ýmsir ráðherrar ríkisstjórnarinnar uppi stór orð um að ekki kæmi til greina að Íslendingar létu kúga sig til uppgjafar í deilunni um hina lagalegu og þjóðréttarlegu ábyrgð landsins gagnvart Icesave-reikningunum. Eins og lögfræðingar hafa bent á var hlutverk innlánatryggingarkerfa samkvæmt reglum ESB/EES-svæðisins aldrei að takast á við allsherjar bankahrun, heldur aðeins fall einstakra banka.

Eins og undirritaður lýsti yfir við atkvæðagreiðslu um málið í þinginu 5. desember síðastliðinn lítur þingflokkur Vinstri grænna á samninginn sem riftanlegan eða ógildanlegan nauðungarsamning. Enn er hægt að afstýra stórslysi fyrir íslenska þjóð. Taki Tryggingarsjóðurinn hins vegar við skuldunum er ljóst að þá verður ekki aftur snúið: Þá hefur þjóðin endanlega verið skuldsett á grundvelli pólitískra þvingunarskilmála sem ríkisstjórnin hafði ekki dug í sér til að standa gegn:

http://www.amx.is/adgerd.php?adgerd=pdf&id=7628

 

Núna er grímulaus kúgun og hótanir gegn almúganum í lagi.  Það er mikill munur að vera í stjórn og stjórnarandstöðu. 

 

ERUM VIÐ HAUSLAUSAR TUSKUDÚKKUR, STEINGRÍMUR?

Steingrímur J. Sigfússon

                                                                                          

Allir eru á móti okkur æptu stjórnarflokkarnir svo skar í eyrun.  Kannski var Palli einn í heiminum, en við vorum það aldrei.  Við höfðum alltaf vini eins og Daniel Gros, Eva Joly, Gunnar Tómasson, Joseph E. Stiglitz, Lee Buchheit, Michael Hudson, Mats Josefsson, Michael Waibel, Robert Wade.  Nokkur þeirra hafa verið þarna fyrir okkur alveg frá upphafi handrukkunar Jóhönnu fyrir hann Godda í Evrópu.  Og þar fyrir utan höfðum við alla okkar góðu og lærðu innlendu menn.   Við höfðum rök fjölda innlendra og erlendra hálærðra manna.  Stöðugt hefur bættst í hópinn og síðan synjun forsetans hafa erlendir fjölmiðlar verið yfirfullir af erlendum fræðimönnum sem styðja okkar málsstað gegn rukkuninni fyrir þúsund milljarðana sem við skuldum ekki.   En hvað liggur að baki óbilandi elju stjórnarflokkanna, Seðlabankankastjóra og hinna hliðhollu leppanna fyrir að troða okkur í þrælaföt þvert gegn okkar vilja???

Er það ekki graf-alvarlegt mál að sjálf lýðræðislega kjörin ríkisstjórnin og ríkisstofnunin Seðlabankinn vinni hörðum höndum við að koma þræla-lögum yfir okkur án dóms og gegn öllum lögum???  Og þvert gegn vilja 70% landsmanna???  Og þrátt fyrir öll rök og skrif fræðimanna og lögmanna hvaðnæva að úr heiminun og ekki síst frá sjálfum rukkaraveldunum?   Endalaus rök hálærðra manna hafa verið virt að vettugi af ríkisstjórn Íslands og stjórnarflokkunum en ólögmæt ósvífni handrukkara í hávegum höfð og sett upp á stall í forsíðufréttum í ríkisstjórnarmiðlunum.  

Hálærðir hagfræðingar og lögmenn hafa komið í stórum flokkum með rök: Þýski Daniel Gros, hollenski Dirk Bezemer, bandaríski Lee Buchheit, sænski Mats Josefsson, bandaríski Michael Hudson, breski Michael Wabel, breski Robert Wade, okkar Elvira Méndez, Gunnar Tómasson, Lárus L. Blöndal, Magnús Ingi Erlingsson, Ólafur Arnarson, Jón Daníelsson, Jón Steinsson, Ragnar Hall, Sigurður Kári Kristjánsson, Sigurðar Líndal, Stefán Már Stefánsson, Þorsteinn Einarsson, Þórhallur H. Þorvaldsson. Þórlindur Kjartansson, allur heili Indefence hópurinn og lærðir menn í stjórnarandstöðunni.  Og ofan á það bættist andóf 70% landsmanna.  Sífellt koma fram rök í stöflum gegn skuldinni sem við skuldum ekki.  Staflarnir eru orðnir svo háir að það er stórundarlegt að heyrnarlausir og sjóndaprir geti enn neitað að þeir séu þarna.  Öllum minnstu rökum gegn ólöglegu handrukkun Jóhönnu var kastað í offorsi ofan í læstar skúffur og sópað burt í hvelli af stjórnarflokkunum eins og óæskilegu drasli.   Nei, almúginn hefur ekki vit á milliríkjamálum eins og vitrir pólitíkusar.  Og lærðu mennirnir kunna ekki fagið sitt og skilja bara alls ekki um hvað málið snýst.   

Hvað kom fyrir hann Steingrím Joð, Joðið eins og Jón kallar hann?  Hvað kom fyrir mannræfilinn eftir að hann tók sæti við hlið aðalskaðvalds lýðveldisins???  Fjöldi okkar kusum hann fyrir dugnað, heiðarleika, rökfestu, tryggð, vit.  Og í þokkabót var hann sterkasti ræðumaður sem Alþingi hafði séð í mínu lífi.  En var hann bara að plata okkur?  Núna er hann ekki lengur hann, heldur bara allt annar maður.  Í stað þess að treysta honum er ég skíthrædd að hafa hann við völd.  Já, bara skelfingu lostin.  Og miklu hræddari en við alla kuldavetur og óveður og hvað sem það nú allt heitir sem hann og systirin notuðu gegn okkur.  Og í stað þess að virða hann, hálf-vorkenni ég honum og vil að hann verði borinn burt af lögreglunni áður en hann hlýðir Jóhönnu og Össuri og afhendir Godda lyklana að Alþingi, Bessastöðum og Seðlabankanum.  Nema hann snúi blaðinu við. 

Getur ekki Steingrímur farið að vinna fyrir OKKUR???  Getur hann ekki farið í harða sókn fyrir okkur á erlendum vettvangi og útskýrt að ekki nokkur lög á jörðinni og þó víðar væri leitað geri íslenska ríkið og þar með íslensku þjóðina ábyrg fyrir Icesave?   Hví þurfti forseta Íslands til að rukkaraveldin sæu að við værum ekki hauslausar tuskudúkkur???   Hví varst þú ekki löngu farinn að verja okkur, Steingrímur?   Þú vissir vel að Jóhanna væri farin að sænga með Godda.  Hvenær munuð þið fatta að við erum ekki viljalaus fífl???   Ætlið þið ekki að fara að skilja að við látum enga handrukkara skipa okkur fyrir verkum???  Ekki núna, ekki seinna, ALDREI.  Og hvað sem er logið lengi og oft að okkur.  Farðu nú að hlusta á andófið í landinu og vera aftur gamli stjórnarandstæðingurinn Steingrímur Jóhann Sigfússon.  Farðu nú að losa þig úr hundsólinni og ýta villurökum og yfirgangi Jóhönnu og Godda út í hafsauga.  Við vitum að þú getur það vel ef þú vilt.  Og viljinn getur flutt fjöll og jökla.  Og lokaspurning: Mannstu í alvöru ekki hvað þú sagðir 3 mánuðum áður en við kusum þig???:  

                                                   

STEINGRÍMUR JÓHANN SIGFÚSSON Í JANÚAR, 09:

Framan af höfðu ýmsir ráðherrar ríkisstjórnarinnar uppi stór orð um að ekki kæmi til greina að Íslendingar létu kúga sig til uppgjafar í deilunni um hina lagalegu og þjóðréttarlegu ábyrgð landsins gagnvart Icesave-reikningunum. Eins og lögfræðingar hafa bent á var hlutverk innlánatryggingarkerfa samkvæmt reglum ESB/EES-svæðisins aldrei að takast á við allsherjar bankahrun, heldur aðeins fall einstakra banka.

Eins og undirritaður lýsti yfir við atkvæðagreiðslu um málið í þinginu 5. desember síðastliðinn lítur þingflokkur Vinstri grænna á samninginn sem riftanlegan eða ógildanlegan nauðungarsamning. Enn er hægt að afstýra stórslysi fyrir íslenska þjóð. Taki Tryggingarsjóðurinn hins vegar við skuldunum er ljóst að þá verður ekki aftur snúið: Þá hefur þjóðin endanlega verið skuldsett á grundvelli pólitískra þvingunarskilmála sem ríkisstjórnin hafði ekki dug í sér til að standa gegn:

http://www.amx.is/adgerd.php?adgerd=pdf&id=7628

                                                                                                       

ÞAÐ ER LJÓTT AÐ KENNA FORSETANUM UM

ÞAÐ ER LJÓTT AÐ KENNA FORSETANUM UM

STEINGRÍMUR J. SIGFÚSSON KENNIR FORSETA ÍSLANDS UM AÐ HAFA ORSAKAÐ ÓSÁTT OG VALDIÐ SKAÐA ÞEGAR HANN SYNJAÐI AÐ SKRIFA UNDIR GLÆPINN GEGN OKKUR. 

Morgunblaðið:

Forseti Íslands sagði í gær, að hann synjaði lögunum staðfestingar og vísaði þeim til þjóðarinnar meðal annars í þeim tilgangi að skapa sátt í málinu. Aðspurður um hvort ákvörðun forsetans hefði verið innlegg í þá veruna sagði Steingrímur að þau hörðu viðbrögð, sem fram hefðu komið heima og heiman svöruðu þeirri spurningu. Hann sagði að síðustu sólarhringa hefði verið unnið þrotlaust að því að draga úr þeim skaða sem ákvörðun forseta hefði fylgt, meðal annars af hálfu utanríkisþjónustunnar.

http://www.mbl.is/mm/frettir/innlent/2010/01/06/steingrimur_til_bretlands/ 

 

Forsetinn hefur ekki orsakað ósátt í landinu, það var ósátt í landinu.   Allt hefur verið á öðrum endandum og nánast styrjöld í landinu síðan Steingrímur og systir hans í glæpnum tóku yfir stólana í Alþingi í vor.  Steingrímur og systirin í glæpnum hafa kennt öllum öðrum um myrkraverk þeirra sjálfra.  Steingrímur og systirin í glæpnum og hótanaflokknum hafa vaðið yfir lýðræðið í landinu í drullu-skítugum fjallaskóm upp á hvern einasta auman dag.  Keyrt yfir fólk með jarðýtum með skítugum beltum.   Muna þau ekki að þau ætluðu að virða lýðræðið í apríl sl.?   Muna þau kannski ekki einu sinni að Ísland er lýðveldi???   Fyrr má nú vera gleymskan.  

Steingrímur sagði á fréttafundi eftir himnaverk forsetans að þau systkinin í glæpnum láti sko ekki forsetann segja sér fyrir verkum.  Nei, þau ætla sko enn að koma myrkraverkinu yfir okkur þrælana og forsetinn getur bara sjálfur vikið því ekki munu systkinin gera það.   Flokksforingjarnir þola ekki vald forsetans og eru farin á límingunum.   Forsetinn stóð með almúganum og lýðræðinu.  Hann á heiður skilið.  Hann á virðingu skilið.  Hann á allt skilið eftir að koma loksins með pínulítið ljós hinu megin við löngu Icesave-göngin ófæru.  Hann lyfti fjölda manns upp úr eymd og volæði þegar hann stóð með lýðræðinu og fólk hefur nú von.  Það er ljótt að kenna honum um það sem maður gerir sjálfur.

Óttinn í landinu er EKKI forsetanum að kenna.  Óttinn í landinu er ríkisstjórninni og stjórnarflokkunum að kenna.  Þau koma fram eins og lafhræddar, litlar mýs við hrokaveldin sem hóta okkur öllu illu ef við ekki sættum okkur við Icesave-frumvarpið sem leiðtogar hrokaveldanna skrifuðu sjálfir fyrir íslensku ríkisstjórnina.  Og ríkisstjórnin kemur svo og hótar okkur öllu illu ef við ekki hlýðum.  Og þau hafa ógnað okkur í tæpt ár með frostavetri, heimsendi, ísöld, vondum veðrum og öllu illu.  Og þau eru enn að hóta okkur og ógna.  Skelfingu lostið fólk sem ekki skilur og veit að EKKERT MUNI GERAST ef við höfnum Icesave, heimtar núna Ice-slave svo það farist ekki þegar hrokaveldin koma í herþotunum.  Það eina sem mun gerast ef við höfnum Icesave er að mafíósarnir læra að virða landið okkar sem sjálfstætt ríki.  Hvar er allur skaðinn sem forsetinn á að hafa valdið okkur???

 

ÞAÐ ER LJÓTT AÐ KENNA FORSETANUM UM ÞAÐ SEM MAÐUR GERIR SJÁLFUR. 

 

ÞAÐ ER LJÓTT AÐ KENNA FORSETANUM UM ÞAÐ SEM MAÐUR GERIR SJÁLFUR. 

 

ÞAÐ ER LJÓTT AÐ KENNA FORSETANUM UM ÞAÐ SEM MAÐUR GERIR SJÁLFUR. 

 

 

SIGRANDI FORSETI ÍSLANDS:

http://www.youtube.com/watch?v=ID6sDekCGmY&feature=player_embedded

 

 

 

 

 

 

 

 

 

Í RUV: EVA JOLY segir að forsetinn hafi tekið erfiða ákvörðun gegn þinginu og ríkisstjórninni. Forsetinn sé að leika mjög lýðræðislegan leik að leyfa almenningi að ákveða sína eigin framtíð. Hún beri mikla virðingu fyrir ákvörðun forsetans.

Hún telur að íslensk yfirvöld hafi verið undir of miklum þrýstingi frá breskum og hollenskum yfirvöldum og að þrýstingurinn hafi aukist. Menn verði að muna hvaða hlutverk reglur Evrópusambandsins leika í þessu vandamáli. Samkvæmt reglum þess sé ekki kveðið á um að ríki veiti tryggingasjóði innistæðueigenda ríkisábyrgð:

  
Evar Joly

 

EVA JOLY um synjun forsetans:

http://ruv.is/heim/frettir/frett/store64/item319764/

 

http://dagskra.ruv.is/sjonvarpid/4497864/2010/01/06/6/

 

 

EVA JOLY er vitur kona og veit hvað hún er að fara.

VILL ÖGMUNDUR JÓNASSON ALVÖRU LÝÐRÆÐI?

           
          

Ögmundur Jónasson.

 

 

HVORT  ÆTTI  ÉG  AР SKRIFA: ÖGMUNDUR  JÓNASSON  VILL  ALVÖRU  LÝÐRÆÐI

EÐA:  VILL  ÖGMUNDUR  JÓNASSON  ALVÖRU  LÝÐRÆÐI???

DATT  ÞAР EKKI  Í  HUG  FYRR  EN  EFTIR  ÁBENDINGAR  AР NEÐANVERÐU  OG  SKIPTI  Þ.A.L.  ÚT  FYRRA  HEITI  PISTILSINS.  

 

EN ÖGMUNDUR  JÓNASSON  TALAR  NÚ  FYRIR  AР FORSETINN  SKRIFI  EKKI  UNDIR ICESAVE.

Hann talar fyrir lýðræði í heimasíðu sinni nú, dagsett 2. jan.:

Í mínum huga er bara ein skilgreining sem máli skiptir: Lýðræðislegur vilji. Ef hann er fyrir hendi á að virða hann. Sá vilji birtist í tugþúsundum undirskrifta. Vinstrihreyfingin grænt frmaboð hefur alla tíð barist fyrir auknu vægi þjóðaratkvæðagreiðslunnar - og þar með hinu beina lýðræði.

http://ogmundur.is/stjornmal/nr/4960/

Núna í nótt segir í AMX:

Ögmundur Jónasson, þingmaður Vinstri grænna segir að aðeins eitt skipti máli: Lýðræðislegur vilji. Sá vilji birtist í tugþúsundum undirskrifta þar sem skorað er á forsetann að staðfesta ekki ný lög um ríkisábyrgð á Icesave. Ögmundur minnir á að VG hafi alla tíð barist fyrir auknu vægi þjóðaratkvæðagreiðslu og þar með beinu lýðræði:

http://www.amx.is/stjornmal/13066/

 

Ögmundur, ég var hissa þegar þú felldir tillögu Péturs Blöndal daginn svarta 30. desember vitandi það að Icesave gæti komist í gegn sem lög.    Samt virði ég rökin þín í ræðu þinni þann kolsvarta og niðurlægjandi dag um að þú héldir að forsetinn myndi virða lýðræðið og þjóðarviljann.  Öll mín trú á VG í heild hefur fokið út í veður og vind, þó ég trúi enn á Lilju Mósesdóttur og þig.  Vil ég þakka þér kærlega fyrir að hafna Icesave og standa föstum fótum gegn óveðrinu í stjórnarflokkunum.  Skömm hinna sem sögðu já við Icesave verður ævarandi.

 

Ekkert Ice-save.

 

E.S. VILJA LILJA MÓSESDÓTTIR OG ÖGMUNDUR JÓNASSON LÝÐRÆÐI EÐA ER ÞAÐ LÍKA BLEKKING EINS OG ALLT SEM VG HEFUR GERT???  

DAGUR NIÐURLÆGINGAR EFTIR ÓLA KÁRASON

DAGUR NIÐURLÆGINGAR:  

Hlutar úr pistlinum:

Það var þyngra en tárum tæki að fylgjast með útsendingu í sjónvarpi frá Alþingi að kvöldi 30. desember s.l. 

Við þessa lokameðferð kom fram, þegar stjórnarþingmenn gerðu grein fyrir atkvæðum sínum, á hvaða röksemdum þeir segjast byggja þá ákvörðun að samþykkja þessar klyfjar á herðar íslensku þjóðinni. Í þeim skýringum stendur ekki steinn yfir steini.

Svo heyrðist við atkvæðagreiðsluna sagt að nauðsynlegt væri að samþykkja þetta til þess að málinu lyki! Það er með ólíkindum að nokkur maður, hvað þá alþingismaður, skuli láta þetta út úr sér. Verið er að samþykkja drápsklyfjar á þjóðina sem munu leggjast á ókomnar kynslóðir. Hvernig getur því máli verið lokið?

Fyrst þjóðin fær ekki að njóta réttarins til meðferðar fyrir dómi hlýtur afstaða íslenskra alþingismanna, sem samþykkja lagafrumvarp um þessa ábyrgð, að byggjast á þeirri forsendu að hin lagalega skylda til þess sé fyrir hendi. En er það svo? Ekki svo séð verði. Alveg er ljóst að ekki er kveðið á um slíka ábyrgð í lögum nr. 98/1999 um innistæðutryggingar og tryggingakerfi fyrir fjárfesta. Þar er þvert á móti gert ráð fyrir að slík ábyrgð sé ekki fyrir hendi. Ekki er vitað til þess að aðrar þjóðir hafi gert athugasemdir á sínum tíma um að með þessum lögum væri ekki fullnægt skuldbindingum Íslands á hinu evrópska efnahagssvæði. Enginn hefur getað bent á þau ákvæði í tilskipunum svæðisins sem kveða á um slíka ábyrgð. Ekki er heldur vitað til þess að lagareglur um sambærilegt tryggingakerfi hjá öðrum þjóðum hafi gert ráð fyrir ríkisábyrgð. Raunar ætla sumir að slík ákvæði hefðu talist brjóta gegn reglum um ríkisstyrki. Málið virðist því ekki flókið. Engin ríkisábyrgð er til staðar samkvæmt þeim réttarheimildum sem um þetta geta gilt.

Getur það verið að þau stjórnmálaöfl sem nú um stundir fara með völd á Íslandi hafi talið nauðsynlegt að samþykkja þessi ódæmi í því skyni að halda þeim völdum eitthvað áfram? Hver sem svörin eru við þessum spurningum er eitt víst: Hinn 30. desember 2009 er mesti niðurlægingardagur í samtímasögu íslensku þjóðarinnar.

http://www.amx.is/pistlar/13038/

Óli Björn Kárason er annar ritstjóra AMX. 

 

 

Pistill Óla endar

____________________________________________________________________________

Allar líkur eru á að núverandi ríkisstjórn og stjórnarliðar hafi komið niðurlægjandi fjárkúguninni Icesave yfir okkur akkúrat til að halda völdum og til að stærri flokkurinn komist nú inn í Kúgunarbandalagið.  Og fjöldi manns hefur sagt það oft.  Ævarandi skömmin er og verður núverandi ríkisstjórnar og stjórnarliða.  ICESAVE-KOMMÚNISTA-STJÓRN eins og Ásbjörn Óttarsson Alþingismaður eðlilega kallar hina hættulegu stjórn. 

Allur heimurinn er á móti okkur, við erum ein, við komumst ekki lengra, við komumst ekki lengra, sögðu þau í sífellu.  Við verðum að borga til að samfélag þjóðanna (túlkist EU) virði okkur.  Við verðum að borga fjárkúgun til að halda æru.  Við verðum svo það komi ekki óveður og frostavetur og ísöld.  Við verðum, við þurfum, við verðum að borga skuld sem við skuldum ekki svo Hrikalegi Flokkurinn komist inn i EU og hann og VG geti haldið völdum. 

Nokkur lönd voru á móti okkur og ekki allur heimurinn.  Við komumst vel lengra, þau ættu að hafa farið fyrir löngu og útskýrt fyrir heiminum að engin ríkisábyrgð væri á Icesave og að við skuldum Icesave ekki neitt.  Standa í lappirnar eins og heiðarlegir menn. 

Nei, það vildu þau ekki, þau vildu bara lúffa og lyppast niður fyrir yfirgangi og halda völdum.  Stærri stjórnarflokkurinn er svo hrikalegur að ég vil ekki sverta síðuna með nafni hans.  VG hefur gjörsamlega svikið ALLT.   Líka þetta sem þeir kolfelldu í Alþingi daginn svarta, 30. desember sl. þegar Pétur Blöndal kom með tillögu um þjóðaratkvæði um Icesave:

VG: Vill að 15-20% þjóðarinnar geti knúið fram þjóðaratkvæði
Vefslóð: http://www.amx.is/forsida/13045/  

Flokkar og valdasinnar vaða og valta fullkomlega yfir lýðræðið í landinu.  Við erum lýðveldi þó hættulegir flokks-valdasinnar virði það ekki og virðist ekki einu sinni vita það.   Almúginn, alþýða, fólkið, ætti að ráða öllu.  Og nú skulum við vona að Ólafur R. Grímsson, forseti lýðveldisins, virði lýðræðið og okkur.  

 

Ekkert Ice-save.

Nei, nei, nei.  Við neitum að borga niðurlægjandi fjárkúgun og höldum æru.  

http://indefence.is/

 

UPPLOGIN SKULD

Ísland hefur orðið fyrir árás, í einni árásarlotunni sem kennd er við ICEsave, er þjóðin krafin um 100 milljónir í vexti á dag.  Þessi orð skrifar Ómar Geirsson:
http://omargeirsson.blog.is/blog/omargeirsson/entry/990042/
Ómar endurtekur þar orð Júlíusar Björnssonar um eðli efnahagsárása á lönd.  Og ég hef sett upp megininntak þessara orða Júlíusar í spássíunni til hægri á síðunni.  

100 milljónir alla daga skulum við borga fyrir upplogna skuld.  Lygaskuld sem við skuldum ekki.  Þór Saari Alþingismaður og hagfræðingur heldur því fram að það muni taka skatttekjur yfir 79 þúsund okkar Íslendinga af 150 þúsund skattbærum mönnum árlega bara til að borga okurvexti af upplognu skuldinni sem Lepparnir ætla að rukka okkur um í sköttunum okkar.  Halló, það eru tekjuskattar yfir 50% skattbærra manna landsins.  Og allt í vasa útlendinga sem heimta að við borgum skuldir óreiðumanna af því þeir voru víst líka íslenskir eða þannig og af því gungurnar sem stýra landinu vilja ekki verja okkur.   Þó veit ég ekki með Björgólf Thor Londonbúa . . . . . en það er víst nýtt í Evrópu að íslenska ríkið og íslenska þjóðin ábyrgist skuldir allra óreiðumanna sem hafa stigið fæti í Keflavík.    

Við megum eyða kannski næstu öldinni í að borga platskuld sem við skuldum ekki upp á kannski langt yfir 1000 milljarða (1000 000 000 000).   Ekki 1000 milljórnir (1000 000 000) eins og ég held að ofbeldisfylkingin haldi.   En þeir vita ekki hvað þeir gjöra.  Og guð einn veit hvort við getum nokkuð borgað 1 eyri í höfuðstólnum fyrr en eftir kannski 90 - 100 ár.   En þangað til munum við alltaf verða að borga okurvextina segja þrælahaldararnir.   Og við vitum ekki einu sinni hvað lygaskuldin er há!  Halló, veit fólk ekki vanalega hvað það skuldar???   Ekki ef það býr á Íslandi, eða hvað???  Kannski erum við að verða efnahagsnýlenda Breta og Hollendinga eins og Árni Johnsen heldur???   

Við megum ekki hlíta dómi segja þrælahaldararnir.  Við megum hins vegar kannski af þeirra náð ræða við þá seinna um dóminn sem við vinnum.  Og Leppstjórninni finnst það höfðinglega gert fyrir okkur aumingjana sem erum ábyrg fyrir öllum skuldum óreiðumanna af íslenskum toga.  Og líka útlendinga sem lentu í Keflavík.  Hverjum var mútað???   Hótað lífláti???   Það er það sem ég vil vita. 

 

 Ekkert Ice-save.

 http://indefence.is/

 

 

EFNAHAGSÁRÁSIN GEGN ÍSLANDI - ÓHEILINDI RÍKISSTJÓRNARINNAR

Lögleg rannsókn verður að fara fram á endalausum óheilindum núverandi ríkisstjórnar og stjórnarflokkanna í Icesave-málinu.  Sýknt og heilagt koma fram ný gögn um óheilindi stjórnarinnar og síðast núna í dag um leynisamskipti við Alþjóðagjaldeyrissjóðinn og leyniskjöl þegar þeim var lekið á heimsvefinn.  Hverjum er mútað?  Hótað lífláti???  Hvatinn að halda vinstri stjórn og komast inn í Evrópubandalagið er þarna vitum við.  Og skal þegnum landsins blæða fyrir það?  Gleymum ALDREI að þau ætluðu fyrst að pína Icesave1 óséðu gegnum Alþingi.  Þau munu hafa af okkur fullveldið verði þau ekki stöðvuð. 

 

Endurtekið hafa þau falið gögn og skjöl sem hefðu átt að vera opinber og Alþingi og þjóðin hefðu átt að vita um.  Ríkisstjórnin og stjórnarflokkarnir hafa logið endurtekið að Alþingi og þjóðinni.  Ofbeldi hefur verið beitt gegn stjórnarandstöðunni og bókstaflega öllum ráðum verið beitt til að pína í gegn niðurlægjandi og stórhættulegu Icesave sem við skuldum ekki.  Icesave sem getur valdið okkur missi á fullveldi landsins, missi á friðhelgi auðlinda og ríkiseigna og ekki síst tapi þeirra til útlendinga eins og gerðist í Argentínu, Bolivíu, Panama og víðar.  Einn stærsti glæpur núverandi stjórnar er að hlýða í einu og öllu helstefnu Alþjóðagjaldeyrissjóðsins, nokkurn veginn eins og Ómar Geirsson orðaði það.  

      

Í Argentínu voru öll ríkisfyrirtæki einkavædd að kröfu Alþjóðagjaldeyrissjóðsins.  Í Bolivíu fengu útlendingar einkaleyfi fyrir öllu vatni og bann var lagt við að fólk safnaði regnvatni.  Landsmenn gátu ekki lengur fengið vatn nema dýrum dómum.  Í Panama var siglingaleiðin í gegnum landið einkavædd af útlendingum og allur arðurinn fór úr landinu. 

 

Ekkert landanna hagnaðist af auðlindum sínum, allur arður fór beint í vasa auðmanna og úr landi til útlendinga.  Og þegnarnir lifðu við óþolandi fátækt og niðurlægingu.  Svipað mun kannski gerast á Íslandi fari ekki AGS landstjórinn og Icesave-stjórnin frá völdum.  Verð á heitu vatni og rafmagni gæti hækkað upp úr öllu valdi.  Fari sem horfir mun núverandi stjórn valda okkur alvarlegri fátækt til langframa og stórtjóni. 

 

Ríkisstjórnin þarf að fara frá völdum.  Þau eru EKKI að vinna fyrir landið og þjóðina, heldur gegn okkur.  Ljóst er nú að þau komust til valda með földum skjölum og innantómum orðum.  Þau samskipti sem hafa verið á milli AGS og ísl. fjármálaráðuneytisins og var lekið í wikileaks.org eru óþolandi og sýna handrukkaraeðli sjóðsins svart á hvítu.  Og ýta enn frekar undir það að AGS þarf að rannsaka og ísl. stjórnin að víkja.  Stjórnarflokkarnir eru að valda okkur stórskaða með því að fylgja tryggilega skemmdarstefnu Alþjóðagjaldeyrissjóðsins.  Kannski væri ekki úr vegi að skipta um nafn á þeim sjóði og kalla hann Alþjóðaglæpasjóðinn?  Og stjórnarflokkarnir hafa niðurlægt okkur með ótrúlegum gunguskap gegn stærri veldum.  Þau feta í fótspor leiðtoga landa sem hafa lagt lönd sín nánast í eyði.

 

 

EKKI GENGIÐ AÐ AUÐLINDUM ÍSLANDS SEGIR RUV-

 

Það má segja að sá möguleiki að auðlindir gengju upp í skuldir þjóðarinnar, að þjóðin sé á því augnabliki komin í greiðlsuþrot. Því hlýtur sá möguleiki um gjaldþrot þjóðarinnar að svipta alla þingmenn möguleikanum að samþykkja IceSave samninginn, að öðrum kosti væru þeir að framkvæma landráð. Hjáseta er af sömu rökum ekki gerleg heldur. 

 

Gunnar Skúli Ármannsson:
http://skulablogg.blog.is/blog/skulablogg/entry/924928/

 

 

EVA HEFUR LÖG AÐ MÆLA-

Eva Joly kveður sér hljóðs á siðum dagblaðanna . . .
Íslendingar geta ekki borgað IceSave hvað svo sem þeir reyna með niðurskurði og skattahækkunum.

Gunnar Skúli Ármannsson:
http://skulablogg.blog.is/blog/skulablogg/entry/924109/

 

 

Ekkert Icesave.

http://indefence.is

 

ÖGMUNDUR, HAFNIÐ ICESAVE

HAFNIÐ ICESAVE KÚGUNINNI

Ögmundur, við skuldum ekki Icesave.  Enginn, ekki færustu lagaprófessorar, hafa getað vísað í nein lög sem gera íslensku þjóðina og ríkissjóð Íslands ábyrgan fyrir Icesave, ekkert frekar en bresku og hollensku ríkissjóðina og þjóðirnar.   Bretar og Hollendingar fóru með eftirlit bankans í þeirra löndum ekki síður en við og eru jafnsekir fyrir mistökunum.  

Það er ekki ykkar að velja hvort við verðum pínd inn í þrælasamning að ólöglegri kröfu Evrópubandalagsins, Breta og Hollendinga.  Það er ekki ykkar, Breta eða Hollendinga að ráða því að tekin séu af okkur þau sjálfsögðu mannréttindi að verja okkur fyrir dómi.  Sigurður Líndal og fjöldi lögspekinga hefur neitað lagalegri ábyrgð okkar fyrir Icesave.  Og siðferðileg skylda okkar er ENGU STÆRRI en Breta og Hollendinga sjálfra og Evrópubandalagsins í heild sinni.    

Hafnið þessari nauðung.  Haldi Bretar og Hollendingar sig hafa löglega kröfu á ríkissjóð munu þeir sækja okkur fyrir dómi.  Það vilja þeir þó ALLS EKKI vegna þess að þeir vita að Icesave krafan er ólögleg kúgun.  Við fórum eftir EVRÓPULÖGUM.  EES lögum sem segja skýrum orðum að EKKI MEGI gera ríkissjóði landa ábyrga fyrir innlánstrygginum hafi yfirvöld framfylgt lögunum eins og við gerðum.  Þeir vilja að við gjöldum laga þeirra sem gerðu ekki ráð fyrir allsherjar-bankahruni heils lands.  Þeir vita að ef þeir geta ekki gert okkur sek í hugum fólks muni fólk gera áhlaup á alla banka í Evrópu.  Þeir vita að EKKERT land getur staðið undir allsherjar-bankahruni.   Þeir vita upp á sig sökina, enda búnir að endurskrifa lögin og ætla aftur á bak með ólöglega kröfu á okkur.  Og aum íslensk stjórnvöld vilja ekki hafna nauðunginni.  Og Jóhanna Sig. hótar enn vetrarfrosti og öllu illu ef við ekki borgum reikning sem við skuldum ekki.  Glæpur út af fyrir sig.       

Hafnið þrælasamningi gegn litlum börnum og ófæddum börnum, foreldrum og gamalmennum þessa lands ef þið ekki viljið að allir flýji.  Hafnið Icesave alfarið og hættið að ræða þessa upplognu skuld í Alþingi.  Rukkið aðalskuldara Icesave, Björgólf Thor Björgólfsson Londonbúa og haldið okkur utan við Icesave.  

Og svo ég noti gömul orð Steingríms Joð: Það eru gungur og druslur sem ekki standa í lappirnar gegn yfirgangi.  Ykkur hefur ekki verið hótað lífláti og ykkur verður því ALDREI fyrirgefið ef þið ætlið að hleypa óendanlegri nauðunginni í gegn til að Jóhanna og co. geti dregið okkur niðurlægð inn í Evrópubandalagið til óvina okkar Breta og Hollendinga og til að þið getið haldið vinstri stjórn.  Það yrði ekki löng vinstri stjórn, Ögmundur.  Við látum ekki fara svona með okkur. 

 

ES: Ég skrifaði þetta bréf í síðu Ögmundar Jónassonar í dag, 29. nóv., 09.   Hann birti það 2. des.:

http://ogmundur.is/fra-lesendum/nr/4913/